ꓣꓦꓮ ꓡꓲ‐ꓢꓴ ꓓꓳꓽ (ꓓꓮꓲꓡꓬ ꓠꓰꓪꓢ)

1ꓸ ꓠꓳꓐꓰꓡ ꓑꓰꓮꓚꓰ ꓑꓣꓲꓜꓰ ꓐꓯˍ ꓟ ꓟꓬꓱ ꓓꓳꓽ ꓖꓶˍ ꓟ ꓡꓯꓽ ꓫꓵ ꓖꓶꓽ ꓠꓹ ꓟ ꓢꓲ ꓚꓰ ꓔ ꓟ ꓔꓯ ꓐꓯꓹ ꓟꓶ ꓢꓴ ꓠꓯꓸꓼ ꓗꓪ ꓔꓲ ꓒꓽ ꓪꓸ ꓔꓲ ꓝꓣꓮꓠꓚꓲꓢ ꓐˍ ꓟ

ꓮꓽ ꓟꓲ 2 ꓦ ꓟ 1 ꓠꓬꓲ ꓕꓯ ꓐꓯ ꓑꓶ ꓩꓴ ꓡˍ ꓟ ꓠꓳꓐꓰꓡ ꓑꓰꓮꓚꓰ ꓑꓣꓲꓜꓰ ꓐꓯˍ ꓟ ꓟꓲ ꓠꓯ ꓗꓪ ꓢꓲꓺ ꓡꓲꓹ ꓗꓶ ꓡꓰ ꓠ ꓢꓯꓼ ꓕꓵꓼ ꓢꓴ ꓔꓯ ꓖꓶˍ ꓟ ꓡꓯꓽ ꓫꓵ ꓔꓯ ꓖꓶꓽ ꓒꓵꓽ ꓢꓴ ꓟꓬꓱ ꓔꓯ ꓐꓯ ꓑꓶ ꓩꓴ ꓡˍ ꓡꓳ= ꓖꓳ ꓟ ꓟꓬꓱ ꓠꓯꓸꓼ ꓗꓪ ꓔꓲꓺ ꓒꓽ ꓪꓸ ꓔꓲ ꓝꓣꓮꓠꓚꓲꓢ ꓟꓲ ꓐˍ ꓡꓳ= ꓪꓧꓳ ꓐꓯˍ ꓟ ꓟꓵꓽ ꓗꓳꓹ ꓓꓵ ꓓꓵ ꓗꓴꓷ ꓜꓴ ꓚꓰ ꓗꓪ ꓟ ꓟꓬ ꓞꓲꓼ ꓜꓴ꓾ ꓖꓣꓰꓔꓮ ꓔ   ꓧꓴꓐꓰꓣꓖ꓾ ꓢꓲꓟꓳꓠ ꓗꓳꓝꓰꓹ ꓢꓬꓲꓮꓔꓡꓮꓠ ꓔꓢꓲꓗꓧꓮꓠꓠꓳꓴꓢꓗꓮꓬꓮ꓾ ꓓꓮꓦꓲꓓ ꓮꓔꓔꓰꓠꓐꓳꓣꓳꓴꓖꓧ ꓐꓰ ꓬꓲ ꓞꓳꓽ ꓒꓯꓹ ꓐꓴ ꓐꓰ ꓟꓬꓮꓠꓟꓮꓣ ꓠꓮꓔꓲꓳꓠꓮꓡ ꓴꓠꓲꓔꓬ ꓖꓳꓦꓰꓣꓠꓟꓰꓠꓔ ꓐꓴ ꓠꓬ ꓢꓲ ꓚꓰ ꓔ ꓟ ꓠꓯꓸꓼ ꓗꓪ ꓐˍ ꓡꓳ= ꓛꓲ ꓡˍ ꓟ 10 ꓦ ꓕꓯ ꓕꓲꓽ ꓣꓳ ꓥˍ ꓠꓬ ꓕꓲ ꓜꓴ ꓔꓯˍ ꓡꓰ ꓢꓲ ꓚꓰ ꓢꓲ ꓡꓯꓽ ꓫꓵ ꓖꓶꓽ ꓓꓴ ꓥꓳ ꓮꓡꓙꓮꓜꓰꓰꓣꓮꓡ ꓓꓳꓽ ꓗꓪ ꓐꓳ ꓔˍ ꓡꓳ=

2ꓸ ꓗꓴ ꓟꓶꓸ ꓗꓳꓣꓰꓮ ꓗꓪ 23 ꓣꓳ ꓔꓲꓺ ꓒꓽ ꓟꓬꓱꓽ ꓐꓱꓽ ꓘꓶꓽ ꓔꓯ ꓘꓳ ꓣꓴˍ ꓟ

1 ꓦ 28 ꓕꓯ ꓗꓳꓣꓰꓮ ꓗꓴꓷ ꓢꓳꓴꓡ ꓡꓳꓺ ꓒꓱ ꓗꓪ ꓓꓰꓮꓚꓳꓠ 23 ꓣꓳ ꓔꓯ ꓔꓲꓺ ꓒꓽ ꓓꓽ ꓚꓧꓴꓠꓖ ꓢꓳꓳꓠ ꓔꓮꓲꓚꓗ ꓡꓰ ꓔꓲꓺ ꓒꓽ ꓟꓬꓱꓽ ꓐꓱꓽ ꓘꓶꓽ ꓔꓯ ꓖꓶˍ ꓟ ꓑꓮꓲ ꓬꓰ ꓡꓳꓹ ꓡꓰꓳ=  ꓑꓮꓲ ꓗꓪ ꓠꓬ ꓗꓳꓣꓰꓮ ꓙꓵꓽ ꓢꓴ ꓢꓲꓽ ꓒꓽ ꓐꓴ ꓡꓰ ꓚꓳꓦꓲꓓ ꓙꓵꓹ ꓗꓪ ꓔꓶ ꓔ ꓟ ꓡꓰ ꓐꓰ ꓛꓳ ꓢꓲ ꓐꓹ ꓐꓽ ꓟꓹ ꓟ ꓐꓴ ꓡꓰ ꓐ ꓪˍ ꓡꓳ ꓐꓰ ꓐꓯ ꓔ ꓡꓳ=   

3ꓸ ꓢꓲꓽ ꓫꓬˍ ꓟ ꓝꓣꓮꓠꓚꓲꓢ ꓫꓮꓦꓲꓰꓣ ꓔꓲꓺ ꓟ ꓐꓴ ꓜꓴ ꓔꓶ ꓡꓹ ꓟ 125 ꓙꓴꓐꓲꓡꓲ ꓑꓮꓲ ꓬꓰˍ ꓟ

 ꓢꓲꓽ ꓫꓬˍ ꓟ ꓝꓣꓮꓠꓚꓲꓢ ꓫꓮꓦꓲꓰꓣ ꓔꓲꓺ ꓟ ꓐꓴ ꓜꓴ ꓔꓶ ꓡꓹ ꓟ 125 ꓙꓴꓐꓲꓡꓲ ꓑꓮꓲꓽ ꓔꓯ ꓠꓬꓲꓸ ꓠꓬꓲ 2ꓦ ꓟ 2 ꓠꓬꓲ ꓕꓯ ꓑꓮꓔꓧꓲꓠ ꓡꓳꓺ ꓒꓱ ꓢꓲꓽ ꓫꓬ ꓟ ꓒꓲ-ꓕꓱ ꓪꓽ ꓘꓴ ꓦꓲ ꓗꓪ ꓬꓰ ꓡꓳ ꓡꓰꓳ= ꓫꓮꓦꓲꓰꓣ ꓔꓲꓺ ꓟ ꓜꓴ ꓐꓴ ꓠꓬ 401 ꓣꓳ ꓥ ꓢꓲ ꓔꓲꓺ ꓒꓽ ꓓꓽ ꓙꓵꓽ ꓔꓶꓸ 12 ꓟ ꓗꓪ ꓪꓴ-ꓢ ꓟꓬꓱꓽ ꓬꓰ ꓔꓬ ꓟ ꓥ ꓢꓲ 108 ꓔꓶꓸ ꓗꓪ ꓔꓬˍ ꓟ ꓥˍ ꓡꓳ=