ꓣꓦꓮ ꓡꓲ-ꓢꓴ ꓓꓳꓽ

3 ꓦ ꓟ 16 ꓠꓬꓲ 2023 ꓘꓳ; ꓕꓯ ꓔꓲꓺ ꓒ ꓪ ꓔꓲ ꓠꓬ Malawi ꓗꓴꓷꓼ ꓗꓪ ꓟꓲꓽ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓟ ꓑꓶ. ꓓꓴ ꓫꓵꓻ ꓡꓰ ꓢꓴ ꓑ ꓫꓬ ꓐꓴ ꓔꓯ ꓪꓽ ꓘꓴ ꓙ ꓖꓶ ꓗꓷꓳ꓿ ꓟꓲꓽ ꓦꓲꓻ ꓕꓳꓽ ꓥꓳꓽ ꓠꓬ ꓠꓽ ꓛꓳꓼ ꓠꓬꓲ ꓕꓯ ꓟ‐ꓡ‐ꓪꓲ ꓗꓴꓷꓼ ꓗꓪ ꓙꓱꓼ ꓡ ꓟ ꓥ ꓡꓳ꓿

ꓕꓱ ꓟꓲꓽ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓟ ꓪꓴ. ꓠꓬꓲ ꓑ ꓫꓬ (225) ꓣꓳ ꓫꓵꓻ ꓡꓰ ꓢꓲ ꓠꓬꓲ ꓠꓻ ꓓꓴ ꓡꓰ ꓢꓴ ꓑ ꓫꓬ ꓐꓴ ꓠꓬ (88000) ꓣꓳ ꓙꓳ ꓡꓰꓳ ꓐꓰ ꓐꓯ ꓔ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓫ. ꓢꓴ ꓟꓷꓼ ꓢꓴ ꓑ ꓫꓬ ꓐꓴ ꓔꓯ ꓪꓽ ꓘꓴ ꓙ ꓖꓶ ꓗꓷꓳ꓿

ꓝꓮꓲ ꓕꓱ ꓟꓲꓽ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓟ ꓑꓶ. ꓓꓴ Mozombique ꓗꓴꓷꓼ ꓗꓪ ꓑ ꓫꓬ (20) ꓣꓳ ꓫꓵꓻ ꓡꓰ ꓢꓲ ꓠꓬꓲ ꓑ ꓫꓬ ꓮ ꓟꓬ, ꓠꓻ ꓓꓴ ꓡꓰꓳ ꓐꓰ ꓐꓯ ꓔ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓟꓲꓽ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓟ ꓑꓶ. ꓓꓴ ꓠꓻ ꓓꓴ ꓡꓰ ꓢꓴ ꓐꓴ ꓐꓰ ꓫ. ꓢꓴ ꓟꓷꓼ ꓢꓴ ꓐꓴ ꓔꓯ ꓬꓰ ꓙ ꓔꓳꓹ ꓙ ꓠ, ꓟ ꓓꓰꓽ ꓗꓷꓳ꓿

ꓟ‐ꓡ‐ꓪꓲ ꓗꓴꓷꓼ ꓙꓵꓽ ꓢꓴ ꓢꓲꓽ ꓒꓽ Lazarus ꓥ ꓟꓲ ꓗꓴꓷꓼ ꓘꓴꓽ ꓗꓪ ꓙꓱꓼ ꓔꓬ ꓟ ꓟꓲ‐ꓦꓲ ꓕꓳꓽ ꓥꓳꓽ ꓙꓱꓼ ꓡ ꓟ ꓪꓴ. ꓠꓬꓲ ꓫ. ꓔꓬ ꓢꓴ ꓐꓴ ꓔꓯ ꓬꓰ ꓙ ꓠ, ꓟ ꓓꓰꓽ ꓗꓷꓳ꓿