ꓣꓰꓹ ꓡꓳ ꓒꓱ ꓗꓪ ꓬꓲꓻ ꓙꓬ ꓙꓵꓽ ꓢꓲ꓾ ꓟꓳꓹ-ꓠꓬꓳ ꓡꓳ ꓒꓱ ꓗꓪ ꓬꓲꓻ ꓙꓬ ꓙꓵꓽˍ ꓟ ꓑꓶꓸ ꓓꓴ ꓑ ꓫꓬꓼ 200 ꓣꓳ ꓛꓲ ꓠꓬ ꓬꓰ ꓙ ꓡ ꓟ ꓣꓱꓽ ꓞꓹ ꓔꓬ ꓟ

ꓟꓳꓠ ꓗꓴꓷꓼ ꓫꓴ꓾ ꓣꓰꓹ ꓡꓳ ꓒꓱ꓾ ꓦꓯ-ꓖꓯ ꓘꓹ ꓗꓪ ꓟꓶꓽ ꓦ ꓬꓲ ꓓꓽ ꓟ ꓦ ꓗꓷ ꓠꓬꓲ 2023 ꓘꓳꓼ 9 ꓦ 11 ꓠꓬꓲ ꓟꓶꓽ ꓘꓶꓼ ꓗꓪ ꓐꓰ ꓪꓴꓸ ꓔꓴ ꓢꓲ ꓬꓲꓻ ꓙꓬ ꓙꓵꓽ ꓟꓶꓸ ꓡ ꓗꓷꓳ꓾ ꓐꓰ ꓖꓳ ꓗꓪ ꓔꓬ ꓢꓴ ꓐꓴ ꓡꓰ ꓐꓯ ꓡꓳ=

ꓖꓳ ꓗꓪ ꓔꓬ ꓢꓴ ꓕꓲ ꓣꓳ ꓡꓰ “ꓟꓶꓽ ꓦ ꓠꓬ ꓮ ꓘꓶꓸ ꓦ ꓡ ꓢꓲ꓾ ꓬꓲꓻ ꓙꓬ ꓙꓵꓽ ꓡ ꓟ ꓑꓶꓸ ꓓꓴ ꓦꓯ-ꓖꓯ ꓞꓳ ꓘꓹ ꓘꓴꓽ ꓗꓪ ꓟ ꓟꓲ ꓠꓯ ꓱ’ˍ ꓟ ꓞꓳ ꓘꓹ ꓐꓴ ꓥ ꓟ ꓞꓳ ꓘꓹ 2꓾ 3꓾ 7꓾ 8 ꓐꓴ ꓗꓪ ꓬꓲꓻ ꓙꓬ ꓓꓵꓽ ꓡ ꓢꓲ꓾ ꓞꓳ ꓘꓹ ꓙ ꓖꓴ ꓕꓯꓽ ꓢꓲ ꓗꓪ ꓥˍ ꓟꓲ ꓬꓲꓻ ꓙꓬ ꓠꓬ 2’ ꓛꓲ ꓟꓴ ꓓꓯ ꓡ ꓟ ꓥ ꓡꓳ= ꓬꓲꓻ ꓡꓴꓽ ꓐꓱ ꓬꓲꓻ ꓙꓬ ꓓꓯ ꓡ ꓝꓲꓸ ꓐꓰ ꓔꓳꓹ ꓜꓳꓽ ꓡꓰ ꓕꓯ ꓠꓽ꓾ ꓟꓶꓽ ꓦ ꓥˍ ꓟꓲ ꓟꓽ ꓠꓽ ꓡꓰ ꓐꓷˍ ꓠꓬ ꓮ ꓟꓶ ꓟ ꓕꓯꓽ ꓢꓲ ꓬꓲꓻ ꓙꓬ ꓟꓬꓽ ꓡ ꓓꓴ ꓥꓳ” ꓐꓰ ꓐꓯ ꓡꓳ=

ꓣꓰꓹ ꓡꓳ ꓒꓱ ꓦꓯ-ꓖꓯ ꓞꓳ ꓘꓹ ꓗꓪ ꓗꓳꓸ ꓗꓷ ꓟ 7 ꓦ 18 ꓠꓬꓲ ꓕꓯ ꓕꓲ ꓧꓪꓹ꓾ 7 ꓦ 29 ꓠꓬꓲ ꓕꓯ ꓕꓲ ꓧꓪꓹ ꓬꓲꓻ ꓙꓬ ꓙꓵꓽ ꓗꓷ ꓢꓲ ꓮ ꓟꓶ ꓕꓲ ꓧꓪꓹ ꓟ ꓠꓬ 3 ꓧꓪꓹ ꓕꓲ ꓧꓪꓹ ꓬꓲꓻ ꓙꓬ ꓙꓵꓽˍ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓖꓳ ꓟ ꓡꓰꓽ ꓟꓽ ꓞꓲ ꓑꓯ-ꓖꓴꓹ ꓟꓵꓽ ꓫꓴ꓾ ꓟꓳꓹ-ꓠꓬꓳ ꓡꓳ ꓒꓱ ꓐꓶ ꓓꓵꓽ ꓗꓪ ꓙꓳˍ ꓟ ꓞꓳ ꓘꓹ 2 ꓟ ꓗꓪ ꓟꓶꓽ ꓦ ꓬꓲ ꓓꓽ ꓟ ꓦ ꓗꓷ ꓢꓲ꓾ ꓲ-ꓬ-ꓪ-ꓓꓲ ꓬꓲꓻ ꓙꓬ ꓟꓴ ꓓꓯ ꓡ ꓟ ꓑꓶꓸ ꓓꓴ ꓑ ꓫꓬꓼ 200 ꓣꓳ ꓟꓽ ꓞꓲ ꓠꓬ ꓜꓽ ꓓꓴ ꓓꓳꓻ ꓓꓴ ꓐꓰ ꓠꓯꓻ ꓞꓲꓼ ꓠꓯꓻ ꓟꓲꓸ ꓣꓱꓽ ꓞꓹ ꓔꓬ ꓡꓳ꓾ ꓐꓰ ꓬꓰ ꓙ ꓢꓴ ꓜꓴ ꓐꓴ ꓗꓪ ꓐꓰ ꓢꓷꓸ ꓪ ꓡꓳ=