Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓣꓳ-ꓟ ꓡꓳ ꓒꓱ ꓗꓪ ꓟ ꓚꓳꓡꓳꓢꓢꓰꓴꓟ ꓗꓪ ꓢꓲꓺ ꓡꓲ ꓟ ꓐꓱ ꓶ ꓘꓴ ꓜꓲꓼ ꓞꓳ ꓮ ꓙꓵꓽ ꓡꓳꓽ ꓢꓲ ꓪꓽ ꓘꓴˍ ꓟ ꓗꓪ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓥˍ ꓟꓲ ꓔꓺ ꓠꓹ ꓟ ꓥꓳ
ꓣꓳ-ꓟ ꓡꓳ ꓒꓱ ꓗꓪ ꓟ ꓚꓳꓡꓳꓢꓢꓰꓴꓟ ꓗꓪ ꓢꓲꓺ ꓡꓲ ꓟ ꓐꓱ ꓶ ꓘꓴ ꓜꓲꓼ ꓞꓳ ꓮ ꓙꓵꓽ ꓡꓳꓽ ꓢꓲ ꓪꓽ ꓘꓴˍ ꓟ ꓗꓪ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓥˍ ꓟꓲ ꓔꓺ ꓠꓹ ꓟ ꓥꓳ
ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ 10 ꓦ ꓡꓳꓹ ꓬꓰˍ ꓕꓯ ꓣꓳ-ꓟ ꓡꓳ ꓒꓱ ꓚꓳꓡꓳꓢꓢꓰꓴꓟ ꓗꓪ ꓢꓲꓺ ꓡꓲ ꓟ ꓐꓱ ꓶ ꓪꓽ ꓘꓴˍ ꓟ ꓑꓮꓲꓽ ꓗꓪ ꓠꓱꓸ ꓐꓯ ꓙꓵꓻ ꓠꓲꓹ ꓗꓪ ꓟ ꓪꓴꓸ ꓓꓵ ꓣꓱꓽ ꓢꓴ ꓐꓴ ꓐꓰ ꓕꓲ ꓪ ꓔꓺ ꓓꓴ ꓥꓳ ꓐꓰ ꓦꓮꓔꓲꓚꓮꓠ ꓗꓪ ꓐꓰ ꓠꓽ ꓠꓬꓲꓽ ꓠꓬꓲ ꓕꓯ ꓢꓷꓸ ꓙ ꓟꓳ ꓙ ꓗꓷꓳ=
ꓢꓮꓠꓔ'ꓰꓖꓲꓓꓲꓳ ꓜꓴ ꓐꓴ ꓡꓰ ꓢꓲꓺ ꓡꓲ ꓟ ꓐꓰ ꓗꓴꓸ ꓙꓲ ꓙꓳ ꓢꓲ ꓟꓵꓽ ꓗꓳꓹ ꓓꓵ ꓓꓵ ꓖꓪ ꓙꓱ ꓜꓲꓼ ꓓꓴ ꓔꓯ ꓕꓱ ꓕꓲ ꓘꓳꓼ 10 ꓦ 23-25 ꓗꓪ ꓛꓲꓺ ꓣꓳ-ꓟ ꓡꓳ ꓒꓱ ꓗꓪ ꓬꓰ ꓓꓴ ꓥꓳ꓾ ꓐꓰ ꓗꓳꓸ ꓗꓷ ꓟ ꓦ ꓐ ꓗꓪ ꓐꓯ ꓑꓶ ꓗꓷ ꓟ ꓥ ꓡꓳ=
ꓲ-ꓔ-ꓡꓲ ꓗꓴꓷꓼ ꓮꓢꓢꓲꓢꓲ ꓗꓪ ꓢꓲꓺ ꓡꓲ ꓟ ꓐꓱ ꓶ ꓬꓲ ꓪꓴꓸ ꓪꓽ ꓘꓴ ꓑꓮꓲꓽ ꓬꓰˍ ꓟ ꓠꓬꓲ ꓔꓯ ꓔꓲꓺ ꓒ ꓪ ꓔꓲ ꓙꓳꓧꓠ ꓑꓮꓴꓡ 2 ꓡꓰ ꓬꓰ ꓪꓴꓸ ꓔꓴ ꓗꓷ ꓟ 1986 ꓘꓳꓼ ꓗꓪ ꓐꓰ ꓪꓴꓸ ꓔꓴ ꓢꓲ ꓢꓲꓺ ꓡꓲ ꓟ ꓔꓯ ꓟꓳꓸ ꓟꓵꓽ ꓗꓳꓹ ꓓꓵ ꓓꓵ ꓖꓪ ꓙꓱ ꓜꓲꓼ ꓓꓴ ꓔꓯ ꓢꓮꓠꓔ'ꓰꓖꓲꓓꓲꓳ ꓐꓴ ꓡꓰ ꓧꓳꓽ ꓪꓴꓸ ꓟꓴ ꓢꓲ ꓕꓲ ꓘꓳꓼ ꓡꓰ ꓕꓲ ꓘꓳꓼ ꓬꓰ ꓩꓴ ꓡ ꓔꓬ ꓟ ꓥ ꓡꓳ=
ꓟꓵꓽ ꓗꓳꓹ ꓓꓵ ꓓꓵ ꓙꓵꓻ ꓠꓲꓹ ꓚꓱꓹ ꓗꓪ ꓐꓰ ꓬꓲ ꓛꓲꓺ ꓐꓴ ꓠꓬ “ꓢꓲꓺ ꓡꓲ ꓟ ꓔꓯ ꓟꓽ ꓐꓬ ꓡꓰ ꓠ ꓗꓽ ꓙ ꓢꓲ꓾ ꓮ ꓕꓯ ꓥ ꓟꓲ꓾ ꓮ ꓡꓲ ꓫꓵꓽ ꓔꓳꓹ ꓜꓳꓽˍ ꓥ ꓟꓲ ꓕꓶꓻ ꓞꓹ ꓟ ꓖꓪ ꓙꓱꓻ ꓜꓲꓼ ꓓꓴ ꓔꓯ ꓫꓬꓹ ꓔꓱꓹ ꓟ” ꓚꓱꓹ ꓔꓯ ꓟꓳꓸ ꓖꓪ ꓙꓱꓻ ꓓꓴ ꓥꓳ꓾ ꓐꓰ ꓢꓮꓠꓔ'ꓰꓖꓲꓓꓲꓳ ꓪꓰꓐꓢꓲꓔꓰ ꓗꓪ ꓐꓳ ꓔ ꓡꓳ꓾ ꓐꓰ ꓦꓮꓔꓲꓚꓮꓠ ꓓꓳꓽ ꓗꓪ ꓐꓯ ꓔ ꓡꓳ=
Add new comment