ꓣꓳ-ꓟ ꓢ-ꓢꓶ-ꓠ 2025 ꓘꓳꓼ ꓐꓲˍ ꓟ jubilee ꓑꓮꓲ ꓔꓯ ꓬꓰ ꓠꓹ ꓟ ꓙ ꓖꓶ ꓔꓬ ꓟ ꓓꓳꓽ

Tuesday, July 11, 2023

ꓣꓳ-ꓟ ꓢ-ꓢꓶ-ꓠ 2025 ꓘꓳꓼ ꓐꓲˍ ꓟ jubilee ꓑꓮꓲ ꓔꓯ ꓬꓰ ꓠꓹ ꓟ ꓙ ꓖꓶ ꓔꓬ ꓟ ꓓꓳꓽꓡ ꓠ ꓟ ꓣꓳ-ꓟ ꓢ-ꓢꓶ-ꓠ 2025 ꓘꓳꓼ ꓐꓲˍ ꓟ ꓑꓮꓲ ꓗꓪ ꓕꓲ ꓟꓲ ꓠꓯ ꓡꓱꓼ ꓪꓽ ꓘꓴ ꓡ ꓢꓴ 39 ꓫꓬꓹ ꓛꓲ ꓜꓲꓼ ꓡ ꓥꓳ ꓐꓰ ꓙ ꓟꓶ ꓔ ꓡꓳ ꓐꓰ ꓢꓷꓸ ꓪ ꓡꓳ= ꓕꓱ jubilee ꓑꓮꓲ ꓔꓯ ꓥ ꓟꓲ 2025 ꓘꓳꓼ ꓕꓯ ꓬꓰ ꓓꓴ ꓥ ꓡꓳ ꓐꓰ ꓢꓷꓸ ꓪ ꓡꓳ=
ꓕꓱ ꓑꓮꓲ ꓐꓱ ꓶ ꓣꓳ-ꓟ ꓡꓳ ꓒꓱ ꓐꓰ Italy ꓗꓴꓷꓼ ꓐꓴ ꓠꓬ ꓙ ꓖꓶ ꓠ ꓔ ꓟ ꓮ ꓙꓵ ꓔꓯ ꓙ ꓖꓶ ꓔꓬ ꓡꓳ ꓐꓰ ꓢꓷꓸ ꓪ ꓡꓳ= Italy ꓗꓴꓷꓼ ꓙꓵ ꓢꓲꓽ ꓒ ꓠꓬ ꓟꓽ ꓟꓶ ꓫꓵ ꓕꓯ ꓔꓲꓸꓸ ꓒ ꓓꓽ Gallagher ꓐꓰ ꓜꓲꓼ ꓡꓯ ꓘꓳ ꓢꓲ꓾ Italy ꓮ ꓢꓳꓸ ꓬ ꓐꓴ ꓡꓰ ꓕꓱ jubilee ꓑꓮꓲ ꓔꓯ ꓫꓸ ꓓꓴ ꓟꓽ ꓙꓳ ꓗꓹ ꓛꓲ ꓛꓲ ꓬꓰ ꓐ ꓡ ꓠꓹ ꓟ ꓐꓱ ꓶ ꓑ ꓡ ꓟꓬ ꓛꓲ ꓬꓰ ꓙ ꓓꓴ ꓥꓳ ꓐꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=
Vatican ꓥˍ ꓟꓲ ꓪꓽ ꓘꓴ ꓗꓪ ꓡ ꓢꓴ ꓐꓴ ꓣꓱꓽ ꓬꓯꓼ ꓟ ꓮ ꓙꓵ ꓔꓯ ꓬꓰ ꓖꓶ ꓠꓹ ꓟ ꓐꓱ ꓶ ꓬꓰ ꓔꓬ ꓡꓳ ꓐꓰ ꓢꓷꓸ ꓪ ꓡꓳ= ꓕꓱ jubilee ꓬꓰ ꓠꓹ ꓟ ꓠꓬ 2 ꓘꓳꓼ ꓓꓲ ꓞꓸ ꓡꓳ ꓐꓰ ꓢꓷꓸ ꓪ ꓡꓳ= ꓕꓱ jubilee ꓠꓬ ꓡꓳꓹ ꓬꓰ ꓟ 2000 ꓘꓳꓼ ꓐꓲˍ ꓟ jubilee ꓑꓮꓲ ꓕꓯ ꓢꓲ꓾ ꓪꓴ_ ꓟ jubilee ꓑꓮꓲ ꓒꓬꓱꓼ ꓡ ꓥꓳ ꓐꓰ ꓢꓷꓸ ꓪ ꓡꓳ=