ꓤ ꓠꓱ ꓤ ꓐꓴ ꓐꓱ ꓶ ꓢꓳꓻ ꓜꓲꓼ ꓓꓴ ꓔꓯ ꓑꓴꓔꓮꓳ ꓗ‐ꓔꓳ‐ꓡꓲ ꓪꓽ ꓘꓴ ꓦꓲꓻ ꓗꓪ ꓟ. ꓖꓶ ꓗꓷˍ ꓟ

ꓤ ꓠꓱ ꓤ ꓐꓴ ꓐꓱ ꓶ  ꓢꓳꓻ ꓜꓲꓼ ꓓꓴ ꓔꓯ ꓑꓴꓔꓮꓳ ꓗ‐ꓔꓳ‐ꓡꓲ ꓪꓽ ꓘꓴ ꓦꓲꓻ ꓗꓪ ꓟ. ꓖꓶ ꓗꓷˍ ꓟ

3 ꓦ 12 2023 ꓘꓳꓼ ꓕꓯ ꓤ ꓠꓱ ꓤ ꓐꓴ ꓐꓱ ꓶ ꓢꓳꓻ ꓜꓲꓼ ꓓꓴ ꓔꓯ ꓑꓴꓔꓮꓳ ꓗ‐ꓔꓳ‐ꓡꓲ ꓪꓽ ꓘꓴ ꓦꓲꓻ ꓗꓪ ꓟ. ꓖꓶ ꓗꓷ ꓐꓰ ꓐꓯ ꓔ ꓡꓳ꓿ ꓕꓱ ꓢꓳꓻ ꓜꓲꓼ ꓓꓴ ꓗꓪ ꓤ ꓠꓱ ꓤ ꓬꓲ. ꓞꓲꓼ 10 ꓘꓳꓼ ꓗꓪ ꓐꓰ 15 ꓘꓳꓼ ꓙꓳ ꓢꓴ  ꓤ ꓠꓱ ꓤ ꓐꓴ ꓐꓱ ꓶ ꓢꓳꓻ ꓞꓲꓼ ꓓꓴ ꓒꓴ ꓖꓶ ꓗꓷ ꓟ ꓥ ꓡꓳ꓿ ꓢꓳꓻ ꓜꓲꓼ ꓓꓴ ꓦꓬꓼ ꓠꓬꓲ ꓠꓬ 3 ꓦ ꓟ 6  ꓠꓬꓲ ꓗꓪ ꓐꓰ 12 ꓠꓬꓲ ꓗꓪ ꓛꓲ ꓥ ꓡꓳ꓿

ꓕꓱ ꓢꓳꓻ ꓜꓲꓼ ꓓꓴ ꓗꓪ ꓤ ꓠꓱ ꓤ ꓐꓴ ꓔꓯ ꓪꓴ‐ꓢ ꓐꓯ ꓘꓶꓽ꓾ ꓟꓲ ꓠꓯ ꓡ ꓞꓳ ꓞꓳ ꓙꓳ ꓚꓱ,꓾ ꓬꓯꓼ ꓒꓲ. ꓔꓯ ꓮ ꓡꓰ ꓤ ꓟꓳꓻ ꓠ, ꓟ ꓚꓱ,꓾ ꓟꓴꓽ ꓖꓪ ꓟ. ꓖꓶ ꓟ꓾ ꓡꓳ ꓖꓪ ꓓꓴ ꓮ ꓟꓬ, ꓫꓵꓽ ꓔꓯ ꓥ ꓟꓲ ꓢꓳꓻ ꓜꓲꓼ ꓓꓴ ꓗꓪ ꓟ. ꓖꓶ ꓗꓷꓳ꓿

ꓕꓱ ꓢꓳꓻ ꓜꓲꓼ ꓓꓴ ꓗꓪ ꓤ ꓠꓱ ꓤ ꓐꓴ (135) ꓣꓳ ꓔꓯ ꓟ. ꓖꓶ ꓗꓷ ꓟ ꓥ ꓡꓳ꓿ ꓝꓮꓲ ꓢꓳꓻ ꓜꓲꓼ ꓓꓴ ꓗꓪ ꓟ. ꓖꓶ ꓢꓴ ꓟ. ꓒꓽ ꓟ. ꓟ ꓠꓬ (16) ꓣꓳ ꓥ ꓡꓳ꓿ ꓢꓳꓻ ꓜꓲꓼ ꓓꓴ ꓗꓪ ꓬꓰ ꓙ ꓔꓳ, ꓙ ꓢꓴ ꓮ ꓟꓬ, ꓔꓯ ꓮ ꓘꓶ. ꓫ. ꓟꓳ ꓡꓳ ꓐꓰ ꓔꓲꓺ ꓒ ꓬꓳ‐ꓦ ꓮꓴꓠꓖ‐ꓧꓔꓳꓲ  ꓡꓰ ꓓꓳꓽ ꓖꓶ ꓩꓴ ꓡ ꓟ ꓗꓪ ꓐꓰ ꓢꓷ. ꓪ ꓡꓳ꓿