ꓦꓰꓠꓰꓜꓴꓰꓡꓮ ꓗꓪ ꓟꓶꓽ ꓦ ꓓꓽ ꓟ ꓦ ꓢꓲ ꓬꓲꓻ ꓙꓬ ꓙꓵꓽ ꓡ ꓑꓶꓸ ꓓꓴ (25) ꓣꓳ ꓫꓵꓻ ꓟ

Wednesday, October 12, 2022

ꓦꓰꓠꓰꓜꓴꓰꓡꓮ ꓗꓪ ꓟꓶꓽ ꓦ ꓓꓽ ꓟ ꓦ ꓢꓲ ꓬꓲꓻ ꓙꓬ ꓙꓵꓽ ꓡ ꓑꓶꓸ ꓓꓴ (25) ꓣꓳ ꓫꓵꓻꓳ

ꓦꓰꓠꓰꓜꓴꓰꓡꓮ ꓗꓴꓷꓼ ꓔꓱꓹ ꓫꓵ ꓗꓪ ꓟꓶꓽ ꓦ ꓬꓲ ꓓꓽ ꓟ ꓦ ꓗꓷ ꓟ ꓪꓴꓸ ꓠꓬꓲ ꓬꓲꓻ ꓙꓬ ꓡꓳ ꓥꓪꓽ ꓟ ꓗꓪ ꓬꓲꓻ ꓙꓬ ꓙꓵꓽ ꓓꓯꓻ ꓡ ꓢꓲ ꓞꓳ ꓤ (25) ꓣꓳ ꓫꓵꓻ ꓢꓲ ꓠꓬꓲ (52) ꓣꓳ ꓛꓲ ꓒꓲꓼ ꓓꓹ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓗꓳꓸ ꓗꓷ ꓟ 10 ꓦ 8 ꓠꓬꓲ ꓟꓶꓽ ꓘꓶꓼ ꓝꓲꓸ ꓕꓯ ꓟꓶꓽ ꓦ ꓦ ꓗꓷ ꓟ ꓪꓴꓸ ꓠꓬꓲ ꓒ ꓕꓲꓺ ꓗꓪ ꓟ ꓪꓽ ꓙꓵꓽ ꓗꓪ ꓐꓰ ꓢꓲꓹ ꓜꓲ ꓓꓽ ꓟ ꓐꓴ ꓠꓬ ꓗ-ꓣ-ꓗꓯꓸ-ꓢꓶꓽ ꓐꓶ ꓓꓵꓽ ꓖꓴ ꓟꓶꓸ ꓔꓯ ꓟꓳꓸ ꓡꓳ ꓔ (40) ꓕꓷꓹ ꓶꓽ ꓞꓹ ꓟ ꓗꓪ ꓛꓲ ꓡ ꓗꓷ ꓟ ꓑꓶꓸ ꓓꓴ ꓶꓻ ꓡꓯ ꓬꓰ ꓖꓴ ꓐꓰ ꓦ ꓟꓲ ꓓꓰꓺ ꓟꓲ ꓐꓴ ꓐꓬ ꓡꓰꓳ꓾ ꓐꓰ ꓢꓷꓸ ꓪ ꓡꓳ=

ꓟꓶꓽ ꓦ ꓡꓲˍ ꓟ ꓪꓴꓸ ꓠꓬꓲ ꓓꓳꓻ ꓓꓴ ꓬꓲꓻ ꓙꓬ ꓐꓰ ꓙꓼ ꓮ ꓔꓳꓸ ꓖꓶ ꓓꓴ ꓗꓪ ꓣꓱꓽ ꓔꓬ ꓟ ꓑꓴꓟꓑ ꓐꓴ ꓥˍ ꓟꓲ ꓬꓲꓻ ꓙꓬ ꓙꓵꓽˍ ꓟ ꓗꓪ ꓐꓴ ꓙꓰ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓡꓳ ꓒꓱ ꓔꓯ ꓗꓽ ꓕ ꓙˍ ꓟ ꓔꓳꓹ ꓙ ꓢꓲꓽ ꓒ ꓗ-ꓡꓳꓸ-ꓢꓶ-ꓑꓲ-ꓣꓯꓸ-ꓜ ꓡꓰ ꓬꓰ ꓙ ꓢꓴ 1 ꓔꓴ ꓣꓳ ꓠꓬ ꓖꓳ ꓗꓪ ꓑ ꓫꓬ ꓐꓴ ꓔꓯ ꓧꓪ ꓔꓬꓹ ꓡꓳ ꓐꓰ ꓬꓲ ꓢꓳꓚꓲꓮꓡ ꓟꓰꓓꓲꓮ ꓗꓪ ꓐꓳ ꓔ ꓡꓳ=

ꓟꓶꓽ ꓦ ꓮ ꓘꓶꓸ ꓦ ꓗꓷ ꓟ ꓑꓶꓸ ꓓꓴ ꓗꓳꓸ ꓗꓷ ꓟ ꓕꓲ ꓠꓽ ꓘꓴꓽ ꓗꓪ ꓦꓰꓠꓰꓜꓴꓰꓡꓮ ꓗꓴꓷꓼ ꓠꓬ ꓬꓲꓻ ꓙꓬ ꓙꓵꓽ ꓟꓶꓸˍ ꓟ꓾ ꓟꓵꓽ ꓘꓪꓼˍ ꓟ (ꓡꓽ ꓧꓳ ꓧꓳꓹ ꓟ) ꓫꓵꓽ ꓪꓴ ꓐꓰ ꓔꓳꓹ ꓜꓳꓽ ꓔꓬ ꓪ ꓟ ꓥ ꓢꓲ ꓫꓵꓻ ꓢꓴ (40) ꓟꓽ ꓞꓲꓺ ꓙꓳ ꓗꓷ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=