ꓦꓵꓻ ꓡ ꓕꓯ ꓡꓰ ꓙꓴꓽ ꓝꓲꓸ ꓖꓳꓼ ꓢꓴ ꓞꓳ ꓠꓻ 12 ꓣꓳ ꓔꓯ ꓬꓮꓥ-ꓖꓳꓥ ꓪꓳꓽ ꓔꓳ ꓠꓻ ꓫꓬꓹ ꓖꓴ ꓠꓯꓻ ꓞꓲꓼ ꓦꓲꓻ ꓗꓪ ꓙꓴꓽ ꓝꓲꓸ ꓪꓳꓽ ꓔꓳ ꓫꓬꓹ ꓔꓱꓹ ꓖꓶ ꓗꓷ ꓟ

ꓦꓵꓻ ꓡ ꓕꓯ ꓡꓰ ꓙꓴꓽ ꓝꓲꓸ ꓖꓳꓼˍ ꓟ ꓞꓳ ꓠꓻ 12 ꓣꓳ ꓔꓯ ꓬꓮꓥ-ꓖꓳꓥ ꓪꓳꓽ ꓔꓳ ꓠꓻ ꓫꓬꓹ ꓖꓴ ꓠꓯꓻ ꓞꓲꓼ ꓦꓲꓻ ꓗꓪ ꓙꓴꓽ ꓝꓲꓸ ꓪꓳꓽ ꓔꓳ ꓔꓯ ꓫꓬꓹ ꓔꓱꓹ ꓖꓶ ꓐ ꓡ ꓗꓷꓳ꓾ ꓐꓰ 7 ꓦ 17 ꓠꓬꓲ ꓕꓯ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓡꓳ=

ꓬꓮꓥ-ꓖꓳꓥ ꓪꓴꓽ ꓔꓳ ꓠꓻ ꓫꓬꓹ ꓖꓶˍ ꓟ ꓠꓯꓻ ꓞꓲꓼ ꓦꓲꓻ ꓗꓪ ꓐꓰ ꓗꓸ ꓗꓴ ꓪꓳꓽ ꓔꓳ ꓫꓬꓹ ꓖꓶˍ ꓟ ꓠꓯꓻ ꓞꓲꓼ ꓟꓸ ꓒ ꓐꓴ ꓥ ꓟ Dr. Thein Aung Kyaw꓾ Dr Shein Myint Han꓾ Dr Naing Lin Oo꓾ Dr Kyaw Lin Lin ꓐꓴ ꓐꓰ Switzerland ꓗꓴꓷꓼ Swiss Spine Foundation ꓗꓪ ꓟ ꓗꓸ ꓗꓴ ꓪꓳꓽ ꓔꓳ ꓫꓬꓹ ꓖꓶ ꓢꓴ ꓠꓯꓻ ꓞꓲꓼ ꓟꓸ ꓒ ꓓꓽ Kan Min ꓐꓴ ꓡꓰ ꓕꓲ ꓪ ꓬꓰ ꓢꓲ 6 ꓦ 12 ꓠꓬꓲ ꓗꓪ ꓐꓰ 16 ꓠꓬꓲ ꓗꓪ ꓛꓲ꓾ ꓦꓵꓻ ꓡ ꓕꓯ ꓡꓰ ꓙꓴꓽ ꓝꓲꓸ ꓪꓳꓽ ꓔꓳ ꓖꓳꓼ ꓢꓴ ꓞꓳ ꓠꓻ 12 ꓣꓳ ꓔꓯ ꓙꓴꓽ ꓝꓲꓸ ꓫꓬꓹ ꓔꓱꓹ ꓖꓶˍ ꓟ ꓔꓯ ꓧꓪꓸ ꓧꓪꓸꓼ ꓡꓰꓽ ꓬꓰ ꓖꓶ ꓓꓳ ꓡꓰꓳ꓾ ꓐꓰ ꓢꓷꓸ ꓪ ꓡꓳ=

ꓕꓱ ꓡꓱ ꓦꓵꓻ ꓡ ꓕꓯ ꓡꓰ ꓙꓴꓽ ꓝꓲꓸ ꓖꓳꓼ ꓔꓬ ꓟ ꓞꓳ ꓠꓻ ꓐꓴ ꓔꓯ ꓬꓮꓥ-ꓖꓳꓥ ꓠꓯꓻ ꓞꓲꓼ ꓦꓲꓻ ꓓꓽ ꓟ ꓗꓪ ꓗꓸ ꓗꓴ ꓪꓳꓽ ꓔꓳ ꓔꓯ ꓟꓳꓸ ꓠꓻ ꓫꓬꓹ ꓖꓶ ꓔꓬ ꓟ ꓠꓯꓻ ꓞꓲꓼ ꓟꓸ ꓒ ꓐꓴ ꓬꓲ ꓪ ꓚꓲꓸ ꓛꓬ ꓥˍ ꓟꓲ꓾ ꓝꓮꓲ ꓠꓱꓸ ꓐꓯ ꓗꓴꓷꓼ ꓗꓪ ꓟ ꓠꓯꓻ ꓞꓲꓼ ꓟꓸ ꓒ ꓐꓴ ꓔꓯ ꓘꓴ ꓢꓲ ꓥˍ ꓟꓲ ꓫꓬꓹ ꓖꓶ ꓔꓬ ꓟ ꓠꓬ 2005 ꓘꓳꓼ ꓗꓪ ꓐꓰ ꓪꓴꓸ ꓔꓴ ꓗꓷ ꓟ ꓥ ꓢꓲ꓾ ꓕꓲ ꓘꓳꓼ ꓘꓴꓽ ꓗꓪ 12 ꓣꓳ ꓛꓲꓺ ꓔꓯ ꓫꓬꓹ ꓖꓶ ꓗꓷ ꓟ ꓥ ꓢꓲ ꓠꓬꓲ꓾ ꓮ ꓟꓶ ꓗꓪ ꓛꓲ ꓠꓬ ꓙꓴꓽ ꓝꓲꓸ ꓪꓳꓽ ꓔꓳ ꓖꓳꓼ ꓢꓴ ꓞꓳ ꓠꓻ 200 ꓣꓳ ꓔꓯ ꓫꓬꓹ ꓖꓶ ꓓꓳ ꓡꓰ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=