ꓧꓶꓽ ꓗꓴꓷꓼ ꓖꓴ ꓟꓶꓸ ꓐꓰ ꓦꓲꓰꓔꓠꓮꓟ ꓗꓪ ꓔꓬꓑꓧꓳꓳꓠ ꓟꓲꓽ ꓦꓲ ꓕꓳꓽ ꓥꓳꓽ ꓙꓱꓼ ꓛꓲ ꓡ ꓔꓬ ꓠꓬꓲ ꓞꓳ ꓤ ꓬꓲ ꓔꓴ ꓣꓳ ꓛꓲꓺ ꓶꓽ ꓤ ꓗꓪ ꓚꓵꓸ ꓙꓰ ꓔꓬ ꓪˍ ꓟ

ꓔꓬꓑꓧꓳꓳꓠ ꓟꓲꓽ ꓦꓲ ꓕꓳꓽ ꓥꓳꓽ ꓙꓱꓼ ꓛꓲꓺ ꓡ ꓔꓬ ꓟ ꓑꓶꓸ ꓓꓴ 7 ꓦ 17 ꓠꓬꓲ ꓕꓯ ꓧꓶꓽ ꓗꓴꓷꓼ ꓖꓴ ꓟꓶꓸ ꓐꓰ ꓦꓲꓰꓔꓠꓮꓟ ꓗꓴꓷꓼ ꓗꓪ ꓟ ꓑ ꓫꓬ ꓬꓲ ꓔꓴ ꓣꓳ ꓛꓲꓺ ꓠꓬ ꓟꓲꓽ ꓦꓲ ꓕꓳꓽ ꓥꓳꓽ ꓐꓰ ꓶꓽ ꓤ ꓗꓪ ꓚꓵꓸ ꓙꓰ ꓗꓷ ꓪ ꓡꓰ ꓢꓲ꓾ ꓐꓬꓱꓼ ꓦꓲ ꓐꓰ ꓓꓴ ꓓꓳ ꓙꓰˍ ꓟ ꓔꓯ ꓥ ꓟꓲ ꓠꓽ ꓔ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓔꓬꓑꓧꓳꓳꓠ ꓟꓲꓽ ꓦꓲ ꓕꓳꓽ ꓥꓳꓽ ꓔ-ꓡꓲ ꓓꓵꓽ ꓡˍ ꓕꓯ ꓡꓳꓽ ꓓꓳ ꓧꓳꓹ ꓢꓲ ꓗꓴꓟ-ꓔꓳꓠ ꓗꓴꓷꓼ ꓫꓴ ꓗꓪ ꓐꓰ ꓧꓮꓲꓠꓮꓠ ꓗꓴꓷꓼ ꓫꓴ ꓗꓪ ꓛꓲ ꓧꓶꓽ ꓖꓴ ꓟꓶꓸ ꓗꓪ ꓙꓳˍ ꓟ ꓬꓲꓻ ꓙꓬ ꓘꓶꓽ ꓚ ꓚ ꓗꓪ ꓟꓲꓽ ꓦꓲ ꓓꓽ ꓟ ꓙꓱꓼ ꓠꓬꓲ꓾ ꓬꓲꓻ ꓙꓬ ꓟꓵꓽ ꓓꓯꓻ ꓡ ꓠꓬꓲ ꓐꓰ ꓟꓶꓽ ꓦ ꓬꓲ ꓓꓽ ꓟ ꓦ ꓡˍ ꓟ ꓒꓬꓱꓼ ꓡˍ ꓥꓳ ꓐꓰ ꓧꓶꓽ ꓟꓵꓽ ꓘꓳꓼ ꓢꓷꓸ ꓠꓲꓹ ꓙꓳ ꓢꓴ ꓐꓴ ꓡꓰ ꓚꓬꓹ ꓠꓬꓲ ꓔ ꓡꓳ ꓐꓰ ꓢꓷꓸ ꓪ ꓡꓳ=

ꓮ ꓟꓶ ꓡ ꓔꓬ ꓟ ꓟꓲꓽ ꓦꓲ ꓕꓳꓽ ꓥꓳꓽ ꓠꓬ ꓮ ꓘꓶꓸ ꓙꓳꓺ ꓠꓯꓹ ꓟ ꓑꓶꓸ ꓓꓴ ꓦꓲꓰꓔꓠꓮꓟ ꓗꓪˍ ꓟꓲ ꓟꓲꓽ ꓦꓲ ꓙꓱꓼ ꓛꓲ ꓡˍ ꓟ ꓗꓴꓷꓼ ꓫꓴ ꓐꓴ ꓗꓪ ꓔꓬ ꓢꓴ 30ꓹ000 ꓛꓲꓺ ꓔꓯ 7 ꓦ 17 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ ꓟꓲꓽ ꓦꓲ ꓐꓰ ꓶꓽˍ ꓟ ꓗꓪ ꓚꓵꓸ ꓖꓶ ꓔꓬ ꓡꓳ꓾ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓡꓳ=

7 ꓦ 18 ꓠꓬꓲ ꓮ ꓟꓰ ꓕꓯ ꓠꓬ ꓔꓬꓑꓧꓳꓳꓠ ꓟꓲꓽ ꓦꓲ ꓕꓳꓽ ꓥꓳꓽ ꓔ-ꓡꓲ ꓠꓬ ꓧꓶꓽ ꓗꓴꓷꓼ ꓗꓪ ꓓꓵꓽ ꓙꓰ ꓗꓷ ꓗ ꓠꓯꓸ ꓬꓲ ꓢꓯꓼ ꓠꓬ ꓧꓶꓸ ꓕꓯ ꓢꓷꓸ ꓔ ꓟ ꓡꓰ ꓟꓽ ꓪ ꓠꓬꓲ ꓗꓷ ꓡꓰ ꓢꓲ ꓗ ꓠꓯꓸ ꓕꓯ ꓠꓬ ꓦꓲꓰꓔꓠꓮꓟ ꓗꓴꓷꓼ ꓗꓪ ꓓꓵꓽ ꓙꓰꓳ꓾ ꓐꓰ ꓢꓷꓸ ꓪ ꓡꓳ=