ꓧꓶꓽ ꓗꓴꓷꓼ ꓗꓪ ꓟꓵꓽ ꓘꓳꓼ ꓟꓽ ꓙꓲꓻ ꓟꓲꓽ ꓦꓲ ꓟꓽ ꓙꓲꓻ ꓟ ꓪꓴ. ꓠꓬꓲ ꓕꓲ ꓘꓳꓼ ꓘꓴꓽ ꓗꓪ ꓤ ꓠꓱ ꓤ ꓛꓳꓼ ꓟꓶꓽ ꓣꓳ ꓟ, ꓟ ꓦꓲꓼ ꓟ ꓘꓴꓽ ꓗꓪ ꓫꓵꓻ ꓡꓰ ꓟ ꓓꓳꓽ

ꓧꓶꓽ ꓗꓴꓷꓼ ꓗꓪ ꓟꓵꓽ ꓘꓳꓼ ꓟꓽ ꓙꓲꓻ ꓟꓲꓽ ꓦꓲ ꓟꓽ ꓙꓲꓻ ꓟ ꓪꓴ. ꓠꓬꓲ ꓕꓲ ꓘꓳꓼ ꓘꓴꓽ ꓗꓪ ꓤ ꓠꓱ ꓤ ꓛꓳꓼ ꓟꓶꓽ ꓣꓳ ꓟ, ꓟ ꓦꓲꓼ ꓟ ꓘꓴꓽ ꓗꓪ ꓫꓵꓻ ꓡꓰ ꓟ ꓓꓳꓽ

12 ꓦ ꓟ 5 ꓠꓬꓲ 2022 ꓘꓳꓼ ꓕꓯ ꓧꓶꓽ ꓗꓴꓷꓼ ꓗꓪ ꓟꓵꓽ ꓘꓳꓼ ꓟꓽ ꓙꓲꓻ ꓟꓲꓽ ꓦꓲ ꓟꓽ ꓙꓲꓻ ꓟ ꓪꓴ. ꓠꓬꓲ ꓤ ꓠꓱ ꓤ ꓐꓴ ꓟ, ꓟ ꓦꓲꓼ ꓟ ꓘꓴꓽ ꓗꓪ ꓕꓲ ꓘꓳꓼ ꓘꓴꓽ ꓗꓪ ꓛꓳꓼ ꓟꓶꓽ ꓣꓳ ꓫꓵꓻ ꓔꓬ ꓡꓳ ꓐꓰ ꓢꓷ. ꓠꓲ, ꓙꓳ ꓢꓴ ꓐꓴ ꓡꓰ ꓐꓯ ꓔ ꓡꓳ꓿

ꓗꓳ. ꓗꓷ ꓟ 10 ꓘꓳꓼ ꓘꓴꓽ ꓗꓪ ꓧꓶꓽ ꓗꓴꓷꓼ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓟꓵꓽ ꓘꓳꓼ ꓒꓳ, ꓟ ꓔꓯ ꓗꓽ ꓕ. ꓠ, ꓟ ꓢꓯꓼ ꓕꓵꓼ ꓗꓷ ꓥ ꓟꓲ ꓟꓵꓽ ꓘꓳꓼ ꓒꓳ, ꓟꓲꓽ ꓦꓲ ꓟꓽ ꓙꓲꓻ ꓟ ꓪꓴ. ꓠꓬꓲ ꓫꓵꓻ ꓡꓰ ꓢꓴ ꓑ ꓫꓬ ꓐꓴ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓟꓬꓽ ꓡ ꓟ ꓔꓯ ꓡꓳ. ꓟꓳ ꓪ ꓡꓳ ꓐꓰ ꓐꓯ ꓔ ꓡꓳ꓿

ꓕꓱ ꓡꓱ ꓑ ꓫꓬ ꓐꓴ ꓐꓰ ꓤ ꓠꓱ ꓤ ꓐꓴ ꓬꓲ ꓟ, ꓟ ꓦꓲꓼ ꓟ ꓘꓴꓽ ꓗꓪ ꓫꓵꓻ ꓡꓰ ꓟ ꓠꓬ ꓟꓳ‐ꓓꓳ ꓗꓪ ꓐꓰ ꓓꓳ ꓡ ꓟ ꓟꓽ ꓙꓲꓻ ꓟ ꓟꓲꓽ ꓦꓲ ꓗꓪ ꓐꓰ ꓥ ꓡꓳ ꓐꓰ ꓢꓷ. ꓠꓲ, ꓙꓳ ꓢꓴ ꓐꓴ ꓡꓰ ꓐꓯ ꓔ ꓡꓳ꓿

ꓝꓮꓲ ꓢꓷ. ꓠꓲ, ꓙꓳ ꓢꓴ ꓐꓴ ꓡꓰ ꓧꓶꓽ ꓗꓴꓷꓼ ꓠꓬ ꓤ ꓠꓱ ꓤ ꓐꓴ ꓬꓲ. ꓟ, ꓟ ꓦꓲꓼ ꓟ ꓘꓴꓽ ꓗꓪ ꓫꓵꓻ ꓡꓰ ꓟ ꓟꓲ ꓠꓯ ꓕꓯ ꓢꓲ ꓠꓽ ꓑ ꓡꓲ ꓗꓴꓷꓼ ꓕꓲ ꓗꓴꓷꓼ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓟꓲ ꓠꓯ ꓕꓯ ꓢꓲ ꓗꓴꓷꓼ 137 ꓗꓴꓷꓼ ꓗꓪ ꓐꓰ ꓧꓶꓽ ꓗꓴꓷꓼ ꓠꓬ ꓟꓵꓽ ꓘꓳꓼ ꓒꓳ, ꓟ ꓔꓯ ꓗꓽ ꓕ. ꓟ ꓚꓱ, ꓗꓪ ꓢꓯꓼ ꓕꓵꓼ ꓥꓳꓽ ꓐꓯ ꓬꓲ ꓟ, ꓟ ꓦꓲꓼ ꓟ ꓘꓴꓽ ꓗꓪ ꓫꓵꓻ ꓡꓰ ꓟ ꓤ ꓠꓱ ꓤ ꓮ ꓘꓶ. ꓟꓽ ꓙꓳ ꓡ ꓓꓴ ꓥꓳ ꓐꓰ ꓢꓷ. ꓠꓲ, ꓙꓳ ꓢꓴ ꓐꓴ ꓡꓰ ꓐꓯ ꓔ ꓡꓳ꓿