ꓧꓶꓽ ꓗꓴꓷꓼ ꓗꓪ ꓟꓶꓽ ꓦ ꓓꓽ ꓟ ꓦ ꓢꓲ ꓡꓽ ꓧꓳꓹ ꓧꓳꓹ ꓟ (ꓡꓳꓽ ꓓꓳ ꓧꓳꓹ ꓟ) ꓑꓶꓸ ꓓꓴ 7 ꓣꓳ ꓒꓲꓼ ꓓꓹ ꓟ

(Photo: SouthChinaMorningPost) ꓧꓶꓽ ꓗꓴꓷꓼ ꓗꓪ ꓟꓶꓽ ꓦ ꓓꓽ ꓟ ꓦ ꓢꓲ ꓡꓽ ꓧꓳꓹ ꓧꓳꓹ ꓟ (ꓡꓳꓽ ꓓꓳ ꓧꓳꓹ ꓟ) ꓑꓶꓸ ꓓꓴ 7 ꓣꓳ ꓒꓲꓼ ꓓꓹ ꓟ

Wednesday, June 28, 2023

ꓧꓶꓽ ꓗꓴꓷꓼ ꓐꓶ ꓓꓵꓽ ꓖꓴ ꓟꓶꓸ ꓢꓲꓚꓧꓴꓮꓠ ꓗꓴꓷꓼ ꓫꓴ ꓗꓪ 6 ꓦ 27 ꓠꓬꓲ ꓠꓯꓼ ꓕꓯ ꓟꓶꓽ ꓦ ꓓ ꓟ ꓦ ꓢꓲ ꓡꓽ ꓧꓳꓹ ꓧꓳꓹ ꓗꓷ ꓠꓬꓲ ꓡ ꓞꓳ 7 ꓣꓳ ꓒꓲꓼ ꓓꓹ ꓡꓳ ꓐꓰ ꓗꓴꓷꓼ ꓗꓪ ꓟ ꓓꓳꓽ ꓦ ꓖꓴ ꓕꓲ ꓟ ꓥ ꓟ ꓚꓚꓔꓦ ꓡꓰ ꓐꓯ ꓑꓶ ꓔ ꓡꓳ=

ꓢꓲꓚꓧꓴꓮꓠ ꓗꓴꓷꓼ ꓫꓴ ꓗꓪ ꓟ ꓟ-ꓬꓯꓹ-ꓢꓲ ꓡꓳ ꓒꓱ ꓐꓰ ꓪꓰꓜꓧꓳꓴ ꓡꓳ ꓒꓱ ꓐꓴ ꓗꓪ ꓟꓶꓽ ꓦ ꓓꓽ ꓟ ꓦˍ ꓟ ꓑꓶꓸ ꓓꓴ ꓡꓹ ꓧꓳꓽ ꓧꓳꓹ ꓗꓷ ꓟ ꓥ ꓡꓳ꓾ ꓐꓰ ꓙꓵꓽ ꓪ ꓙꓳ ꓢꓴ ꓕꓲ ꓣꓳ ꓡꓰ ꓐꓯ ꓡꓳ=

ꓠꓽ ꓠꓬꓲꓽ ꓠꓬꓲ ꓠꓯꓼ 10ꓽ30 ꓙꓵꓹ ꓗꓪ ꓛꓲ ꓫꓵꓽ ꓪꓴ ꓕꓱ ꓟ ꓗꓪ ꓐꓰ ꓫꓸ ꓙꓵ ꓡꓰ ꓟ ꓑ ꓫꓬ 900 ꓣꓳ ꓔꓯ ꓥ ꓟꓲ ꓦ ꓡꓱ ꓐꓳ ꓓꓹ ꓟ ꓔꓶꓸ ꓗꓪ ꓚꓵꓸ ꓖꓶ ꓗꓷꓳ꓾ ꓐꓰ ꓢꓷꓸ ꓪ ꓡꓳ=

ꓒꓲꓼ ꓓꓹ ꓢꓴ ꓐꓴ ꓔꓯ ꓧꓪ ꓠꓹ ꓟ ꓐꓱ ꓶ ꓬꓰ ꓙˍ ꓟ ꓟꓬꓱꓽ ꓬꓰ ꓢꓴ 400 ꓟꓽ ꓞꓲꓹ ꓔꓯ ꓝꓲ ꓩꓴ ꓔ ꓡꓳ ꓐꓰ ꓗꓴꓷꓼ ꓓꓳꓽ ꓐꓯ ꓑꓶ ꓖꓴ ꓕꓲ ꓟ ꓥ ꓟ ꓚꓚꓔꓦ ꓡꓰ ꓐꓯ ꓑꓶ ꓔ ꓡꓳ=

2008 ꓘꓳꓼ ꓕꓯ ꓢꓲꓚꓧꓴꓮꓠ ꓠꓬ ꓬꓲ ꓢꓯꓼ 8ꓸ0 ꓙꓳˍ ꓟ ꓢꓲꓚꓧꓴꓮꓠ ꓟꓵꓽ ꓙꓴꓽ ꓬꓲ ꓚꓰꓺ ꓒꓬꓱꓼ ꓗꓷ ꓢꓲ꓾ ꓞꓳ ꓤ 70ꓹ000 ꓣꓳ ꓛꓲꓺ ꓫꓵꓻ ꓗꓷ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=