ꓧꓶꓽ ꓗꓴꓷꓼ ꓗꓪ ꓟꓶꓽ ꓦ ꓓꓽ ꓦ ꓡ ꓓ_ ꓟ ꓑꓶ ꓓꓴ 40000 ꓣꓳ ꓟꓽ ꓞꓲ ꓚꓵꓸ ꓠ ꓗꓷ ꓡꓰ ꓟ꓾

Thursday, July 13, 2023

ꓧꓶꓽ ꓗꓴꓷꓼ ꓗꓪ ꓟꓶꓽ ꓦ ꓓꓽ ꓦ ꓡ ꓓ_ ꓟ ꓑꓶ ꓓꓴ 40000 ꓣꓳ ꓟꓽ ꓞꓲ ꓚꓵꓸ ꓠ ꓗꓷ ꓡꓰ ꓟ꓾

ꓧꓶꓽ ꓗꓴꓷꓼ Sichuan ꓗꓪ ꓔꓬ ꓟ ꓬꓲꓸ ꓔꓶꓸ ꓮ ꓟꓬꓹ ꓗꓪ ꓬꓲꓻ ꓙꓬ ꓙꓵ_ ꓟ ꓑꓶ ꓓꓴ 40000 ꓣꓳ ꓟꓽ ꓞꓲ ꓚꓵꓸ ꓖꓶ ꓠ ꓗꓷ ꓡꓰꓳ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ_ ꓡꓳ=

ꓡꓳꓹ ꓬꓰ ꓟ ꓙꓵꓹ ꓘꓴꓽ ꓗꓪ ꓟꓶꓽ ꓦ ꓓꓽ ꓟ ꓦ ꓡ ꓟ ꓑꓶ ꓓꓴ ꓬꓲꓸ ꓖ ꓮ ꓟꓬꓹ ꓗꓪ ꓬꓲꓻ ꓙꓬ ꓙꓵꓹ ꓢꓲ꓾ ꓬꓲꓻ ꓙꓬ ꓟꓶꓸ ꓡꓰ ꓟ ꓔꓬ ꓦꓲꓻ ꓐꓬ ꓡꓰ ꓟ ꓞꓳ ꓤ ꓫꓵꓻ ꓡꓰ ꓟ ꓗꓷ ꓡꓰ ꓟ ꓥꓳ=

ꓕꓱ ꓡꓱ ꓟꓵꓽ ꓘꓳꓼ ꓒꓳꓹ ꓡ ꓟ ꓑꓶ ꓓꓴ ꓟꓲ ꓠꓯ ꓕꓲ ꓚꓳ ꓡꓳ ꓗꓪ ꓟꓶꓽ ꓦ ꓦ ꓟ꓾ ꓬꓲꓻ ꓙꓬ ꓙꓵꓹ ꓟ꓾ ꓡ ꓧꓳ ꓧꓳꓹ ꓔ ꓟ꓾ ꓮ ꓟꓬ ꓗꓷ ꓔꓬ ꓟ ꓥꓳ= ꓧꓶꓽ ꓗꓴꓷꓼ ꓚꓚꓔꓦ ꓓꓳꓽ ꓗꓪ ꓐꓯ ꓑꓶ ꓔ ꓟ ꓗꓪ Sichuan ꓗꓪ ꓟꓶꓽ ꓦ ꓓꓽ ꓦ ꓡ ꓢꓲ꓾ ꓬꓲꓻ ꓙꓬ ꓙꓵꓹ ꓟ꓾ ꓡꓽ ꓧꓳ ꓧꓳꓹ ꓢꓲ꓾ ꓔꓬ ꓦꓲꓻ ꓥ ꓟꓲ ꓐꓬ ꓡꓰꓳ ꓐꓰ ꓢꓷꓸ ꓪ ꓡꓳ=