ꓧꓶꓽ ꓗꓴꓷꓼ ꓗꓪ ꓤ ꓠꓱ ꓤ ꓟꓲ ꓠꓯ ꓢꓳꓻ ꓦꓲꓻ ꓕꓲ ꓦꓲꓻ ꓗꓪ ꓮ ꓔꓳ ꓐꓬ ꓡꓰ ꓟ ꓪꓴ. ꓠꓬ (13) ꓣꓳ ꓫꓵꓻ ꓡꓰ ꓢꓲ ꓠꓬꓲ ꓕꓲ ꓣꓳ ꓠꓻ ꓓꓴ ꓡꓰ ꓟ

#creditphoto #China #Fire destory School #13 people death

Monday, January 22, 2024

1 ꓦ ꓟ 20 2024 ꓘꓳꓼ ꓗꓪ ꓧꓶꓽ ꓗꓴꓷꓼ ꓦ‐ꓠ ꓟꓵꓽ ꓒ‐ꓛ‐ꓖꓳ‐ꓓꓰ ꓗꓪ ꓟꓲ ꓠꓯ ꓢꓷ. ꓠꓲ, ꓢꓳꓻ ꓦꓲꓻ ꓕꓲ ꓦꓲꓻ ꓗꓪ ꓮ ꓔꓳ. ꓐꓬ ꓡꓰ ꓟ ꓐꓴ . ꓠꓬꓲ ꓡ ꓞꓳ (13) ꓣꓳ ꓫꓵꓻ ꓡꓰ ꓢꓲ ꓠꓬꓲ ꓠꓻ ꓓꓴ ꓡꓰ ꓢꓴ ꓙꓳ ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓮ ꓔꓳ. ꓐꓬ ꓡꓰ ꓟ ꓪꓴ. ꓠꓬꓲ ꓫꓵꓻ ꓡꓰ ꓟ ꓗꓪ ꓢꓳꓻ ꓤ ꓮ ꓟꓬ, ꓣꓳ ꓫꓵꓻ ꓡꓰ ꓟ ꓟꓽ ꓢꓷ. ꓢꓲ ꓐꓰ ꓐꓯ ꓔ ꓟ ꓥ ꓡꓳ꓿

ꓮ ꓔꓳ. ꓢꓰꓼ ꓜꓴꓻ ꓡꓰ ꓐꓬ ꓡꓰ ꓟ ꓦꓲꓻ ꓘꓴꓽ ꓗꓪ ꓐꓰ ꓡ ꓞꓳ ꓕꓲ ꓣꓳ ꓔꓯ ꓚꓬꓴ ꓙ ꓟꓶ ꓡꓰ ꓢꓲ ꓠꓬꓲ ꓠꓯꓼ ꓞꓲꓼ ꓦꓲꓻ ꓗꓪ ꓠꓻ ꓫꓬ, ꓖꓶ ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓒ‐ꓛ ꓟꓵꓽ ꓬꓲꓠꓖꓚꓮꓲ ꓟꓲ ꓠꓯ ꓢꓷ. ꓠꓲ, ꓢꓳꓻ ꓦꓲꓻ ꓗꓪ ꓠꓽ ꓥꓪ ꓠꓬꓲ ꓟꓶꓼ ꓘꓶꓼ ꓗꓪ ꓮ ꓔꓳ. ꓐꓬ ꓡꓰ ꓟ ꓥ ꓡꓳ꓿ ꓕꓲ ꓐꓱ ꓡꓰ ꓟ ꓢꓳꓻ ꓦꓲꓻ ꓗꓪ ꓠꓬ ꓤ ꓠꓱ ꓤ ꓐꓴ ꓔꓯ ꓟꓲ ꓠꓯ ꓢꓷ. ꓠꓲ, ꓟ. ꓖꓶ ꓟ ꓥ ꓢꓲ ꓠꓬꓲ ꓶꓻ ꓤ ꓗꓪ ꓐꓰ ꓡ ꓢꓴ ꓢꓳꓻ ꓒ ꓢꓳꓻ ꓟ ꓐꓴ ꓔꓯ ꓔꓬ ꓝꓲ ꓟ ꓦꓲ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓮ ꓔꓳ. ꓠꓬ ꓮ ꓡꓰ ꓐꓬ ꓡꓰ ꓟ ꓔꓯ ꓚꓲ. ꓚ ꓔꓬ ꓟ ꓐꓰ ꓠꓻ ꓓꓴ ꓡꓰ ꓢꓴ ꓐꓴ ꓔꓯ ꓬꓰ ꓙ ꓔꓳ, ꓙ ꓔꓬ ꓡꓳ ꓐꓰ (Popurla News Journal) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿