ꓧꓶꓽ ꓗꓴꓷꓼ ꓗꓪ ꓧ3ꓠ8 ꓠꓻ ꓫꓵ ꓑꓶ ꓓꓴ ꓞꓳ ꓤ ꓫꓵꓻ ꓡꓰ ꓟ ꓓꓳꓽ

ꓧꓶꓽ ꓗꓴꓷꓼ ꓗꓪ ꓧ3ꓠ8 ꓠꓻ ꓫꓵ ꓑꓶ ꓓꓴ ꓞꓳ ꓤ ꓫꓵꓻ ꓡꓰ ꓟ ꓓꓳꓽ

ꓧꓶꓽ ꓟꓵꓽ ꓗꓪ ꓧ3ꓠ8 ꓐꓯ_ ꓟ ꓠꓻ ꓫꓵ ꓑꓶ ꓓꓴ ꓤ ꓟꓶ ꓤ ꓕꓲ ꓣꓳ ꓫꓵꓻ ꓡꓰꓳ ꓐꓰ ꓠꓯꓺ ꓞꓲꓼ ꓟꓬꓱꓽ ꓣꓱꓽ ꓜꓴꓻ (ꓪꓧꓳ) ꓗꓪ ꓐꓰ 4 ꓦ 12 ꓠꓬꓲ ꓕꓯ ꓐꓯ ꓑꓶ ꓔ ꓟ ꓥꓳ= ꓕꓱ ꓟ ꓠꓬ ꓧ3ꓠ8 ꓠꓻ ꓫꓵ ꓑꓶ ꓓꓴ ꓬꓲꓸ ꓪꓴꓸ ꓕꓲꓽ ꓧꓪꓹ ꓟ ꓞꓳ ꓤ ꓫꓵꓻ ꓓꓴ ꓗꓷ ꓡꓰ ꓟ ꓥꓳ=

ꓮ ꓟꓶ ꓫꓵꓻ ꓢꓴ ꓠꓬ ꓖꓴ ꓟꓶꓸ ꓖꓴꓮꓠꓖꓓꓳꓠꓖ ꓗꓴꓷꓼ ꓫꓴꓻ ꓗꓪ ꓐꓰ 56 ꓘꓳꓼ ꓡꓳꓼ ꓡꓰ ꓟ ꓤ ꓟꓶ ꓤ ꓕꓲ ꓣꓳ ꓥ ꓢꓲ꓾ 3 ꓦ 3 ꓠꓬꓲ ꓗꓪ ꓐꓰ ꓐꓵꓼ ꓟꓵ ꓳ_ ꓟ ꓑꓶ ꓓꓴ ꓠꓯꓺ ꓞꓲ ꓦꓲꓻ ꓗꓪ ꓠꓯꓺ ꓞꓲꓼ ꓫꓬꓹ ꓔꓬ ꓟ ꓥ ꓢꓲ꓾ 3 ꓦ 16 ꓠꓬꓲ ꓕꓯ ꓫꓵꓻ ꓡꓰ ꓟ ꓥꓳ ꓐꓰ ꓪꓧꓳ ꓗꓪ ꓐꓰ ꓐꓯ ꓑꓶ ꓔ ꓡꓳ=

ꓬꓲ ꓠꓬ 3 ꓣꓳ ꓕꓲ ꓣꓳ ꓟ ꓥ ꓡꓳ ꓐꓰ ꓪꓧꓳ ꓗꓪ ꓐꓰ ꓠꓽ ꓠꓬꓲ ꓠꓬꓲ ꓕꓯ ꓐꓯ ꓑꓶ ꓔ ꓡꓳ= ꓕꓱ ꓠꓻ ꓫꓵ ꓠꓬ 2002 ꓘꓳꓼ ꓗꓪ ꓐꓰ ꓗꓷ ꓡꓰ ꓟ ꓥ ꓢꓲ꓾ ꓙꓱꓽ ꓤꓽ ꓐꓴ ꓔꓯ ꓡꓰ ꓠꓻ ꓟ ꓥꓳ= ꓞꓳ ꓤ ꓐꓴ ꓔꓯ ꓢ ꓢ ꓟꓽ ꓗꓴꓸ ꓡ ꓟ ꓥ ꓡꓳ ꓐꓰ ꓐꓯ ꓔ ꓡꓳ=

ꓡꓳꓹ ꓬꓰ ꓟ ꓘꓳꓼ 4 ꓦ ꓐꓰ 5 ꓦ ꓗꓪ ꓧ3ꓠ8 ꓠꓻ ꓫꓵ 2 ꓣꓳ ꓗꓷ ꓡꓰ ꓢꓲ꓾ ꓟꓲ ꓠꓯ ꓗꓪ ꓧ3ꓠ8 ꓠꓻ ꓫꓵ ꓠꓻ ꓢꓴ 3 ꓣꓳ ꓡꓰ ꓔꓬ ꓟ ꓥꓳ꓾ ꓕꓱ ꓢꓽ ꓣꓳ ꓠꓬ ꓧꓶꓽ ꓟꓵꓽ ꓗꓪ ꓐꓰ ꓡꓰ ꓥꓳ ꓐꓰ ꓢꓷꓸ ꓪ ꓡꓳ=