ꓧꓶꓽ ꓗꓴꓷꓼ ꓙꓼ ꓦꓲꓻ ꓮ. ꓔꓳ. ꓐꓬ ꓡꓰ ꓟ ꓪꓴ. ꓠꓬꓲ ꓟꓬꓱꓽ ꓬꓰ ꓢꓴ (38) ꓣꓳ ꓫꓵꓻ ꓡꓰ ꓟ ꓓꓳꓽ

#creditphoto #At.Last 38 people killed #Factory fire in central China

Thursday, November 24, 2022

ꓧꓶꓽ ꓗꓴꓷꓼ ꓙꓼ ꓦꓲꓻ ꓮ. ꓔꓳ. ꓐꓬ ꓡꓰ ꓟ ꓪꓴ. ꓠꓬꓲ ꓟꓬꓱꓽ ꓬꓰ ꓢꓴ (38) ꓣꓳ ꓫꓵꓻ ꓡꓰ ꓟ ꓓꓳꓽ

11 ꓦ ꓟ 24 ꓠꓬꓲ 2022 ꓘꓳꓼ ꓕꓯ ꓧꓶꓽ ꓗꓴꓷꓼ ꓗꓪ ꓙꓼ ꓦꓲꓻ ꓕꓲ ꓦꓲꓻ ꓮ. ꓔꓳ. ꓐꓬ ꓡꓰ ꓟ ꓪꓴ. ꓠꓬꓲ ꓟꓬꓱꓽ ꓬꓰ ꓢꓴ (38) ꓣꓳ ꓫꓵꓻ ꓡꓰꓳ ꓐꓰ ꓐꓯ ꓔ ꓡꓳ꓿

ꓫꓵꓻ ꓡꓰ ꓢꓴ ꓮ ꓟꓬ, ꓣꓳ ꓠꓬ ꓤ ꓟꓶ ꓤ ꓥ ꓡꓳ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓔ ꓡꓳ꓿ ꓕꓱ ꓮ. ꓔꓳ. ꓐꓬ ꓡꓰ ꓟ ꓬꓲ. ꓔꓶ. ꓠꓬ ꓧꓶꓽ ꓗꓴꓷꓼ ꓧ‐ꓠꓮꓠ ꓗꓴꓷꓼ ꓫꓴ ꓮ‐ꓬꓮꓠ ꓡꓳ ꓒꓱ ꓗꓪ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓙꓼ ꓦꓲꓻ ꓗꓪ ꓮ. ꓔꓳ ꓐꓬ ꓡꓰ ꓟ ꓓꓳꓽ ꓔꓯ ꓑ ꓙ ꓗꓷ ꓗ ꓠꓯ. ꓮ. ꓔꓳ. ꓢꓰꓼ ꓢꓴ ꓜꓴꓻ ꓡꓰ ꓙꓼ ꓦꓲꓻ ꓔꓯ ꓮ. ꓔꓳ. ꓢꓰꓼ ꓙ ꓗꓷꓳ ꓐꓰ ꓐꓯ ꓔ ꓡꓳ꓿

ꓮ. ꓔꓳ. ꓐꓬ ꓡꓰ ꓟ ꓬꓲ. ꓔꓶ. ꓗꓪ ꓮ. ꓔꓳ. ꓢꓰꓼ ꓟꓳ‐ꓓꓳ (64) ꓢꓶꓽ ꓐꓰ ꓬꓰ ꓙ ꓢꓴ ꓜꓴꓻ ꓮ ꓟꓬ, ꓡꓰ ꓮ. ꓔꓳ. ꓢꓰꓼ ꓙ ꓗꓷꓳ ꓐꓰ ꓐꓯ ꓔ ꓡꓳ꓿ ꓮ. ꓔꓳ. ꓔꓯ ꓟꓶ ꓘꓶꓼ 11 ꓙꓵ, ꓕꓯ ꓢꓰꓼ ꓓꓳꓻ ꓡꓰꓳ ꓐꓰ ꓐꓯ ꓔ ꓡꓳ꓿