ꓪꓮꓲ‐ꓟꓮꓪ ꓡꓳ ꓒꓱ ꓗꓪ ꓠ ꓘꓴꓻ ꓢꓲꓽ ꓓꓳꓻ ꓢꓲ ꓠꓬꓲ ꓮ ꓠꓬꓲꓽ (50) ꓘ, ꓕꓯ ꓢꓲ ꓫꓵꓻ ꓡꓰ ꓟ ꓓꓳꓽ

ꓪꓮꓲ‐ꓟꓮꓪ ꓡꓳ ꓒꓱ ꓗꓪ ꓠ ꓘꓴꓻ ꓢꓲꓽ ꓓꓳꓻ ꓢꓲ ꓠꓬꓲ ꓮ ꓠꓬꓲꓽ (50) ꓘ, ꓕꓯ ꓢꓲ ꓫꓵꓻ ꓡꓰ ꓟ ꓓꓳꓽ

3 ꓦ ꓟ 31 ꓠꓬꓲ 2023 ꓘꓳꓼ ꓕꓯ ꓗ‐ꓛꓲ ꓗꓴꓷꓼ ꓫꓴ ꓪꓮꓲ‐ꓟꓮꓪ ꓡꓳ ꓒꓱ ꓗꓪ ꓙꓳ ꓟ ꓞꓳ ꓘ, ꓮ ꓟꓬ, ꓗꓪ ꓐꓰ ꓮ ꓠꓬꓲꓽ (50) ꓘ, ꓕꓯ ꓢꓲ ꓠꓬ ꓠ ꓘꓴꓻ ꓢꓲꓽ ꓓꓳꓻ ꓢꓲ ꓠꓬꓲ ꓫꓵꓻ ꓡꓰꓳ ꓐꓰ ꓐꓯ ꓔ ꓡꓳ꓿

ꓪꓴ‐ꓬ ꓘ, ꓗꓪ ꓔꓬ ꓢꓴ ꓞꓳ ꓪꓴꓽ ꓕꓲ ꓣꓳ ꓫ. ꓕꓱ ꓔ ꓟ ꓠꓬꓲ ꓓꓲ‐ꓟꓲ ꓗꓪ ꓔꓬ ꓟ ꓮ ꓠꓬꓲꓽ ꓮ ꓟꓬꓲ, ꓠꓬ ꓠ ꓘꓴꓻ ꓢꓲꓽ ꓓꓳꓻ ꓢꓲ ꓠꓬꓲ ꓫꓵꓻ ꓔꓬ ꓟ ꓔꓯ ꓡꓳ. ꓟꓳ ꓪ ꓡꓳ ꓐꓰ ꓐꓯ ꓔ ꓡꓳ꓿ ꓝꓮꓲ ꓮ ꓠꓬꓲꓽ ꓕꓲ ꓐꓱ ꓠꓬ ꓢꓯꓼ ꓦ ꓟꓽ ꓓ ꓗꓷ ꓡꓰ ꓢꓲ ꓫꓵꓻ ꓔꓬ ꓟ ꓔꓯ ꓡꓳ. ꓟꓳ ꓪ ꓡꓳ ꓐꓰ ꓐꓯ ꓔ ꓡꓳ꓿

ꓝꓮꓲ ꓬꓲ. ꓡꓰ ꓐꓯ ꓔ ꓟ ꓠꓬ ꓪꓮꓲ‐ꓟꓮꓪ ꓡꓳ ꓒꓱ ꓒ ꓕꓲ ꓗꓪ ꓣꓺ ꓟ ꓤꓰ ꓔꓶꓻ ꓔ ꓟ ꓮ ꓟꓬ, ꓙꓳ ꓡꓳ ꓝꓮꓲ ꓣꓺ ꓟ ꓤꓰ ꓔꓶ ꓟ ꓟꓵꓽ ꓗꓪ ꓣꓱ ꓟ ꓠꓯꓺ ꓞꓲꓼ ꓐꓰ ꓥꓪ. ꓧꓪ ꓢꓴ ꓐꓴ ꓡꓰ ꓡꓳ ꓗ. ꓗꓪ ꓠꓯꓺ ꓞꓲꓼ ꓣꓱ ꓢꓲ ꓠꓬꓲ ꓥꓪ. ꓧꓪ ꓔꓬ ꓟ ꓪꓴ. ꓠꓬꓲ ꓕꓱ ꓬꓲꓻ ꓙꓬ ꓔꓯ ꓮ ꓠꓬꓲꓽ ꓐꓴ ꓓꓳꓻ ꓪ ꓡꓰ ꓕꓯ ꓫꓵꓻ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓕꓱ ꓡꓱ ꓐꓰ ꓮ ꓠꓬꓲꓽ ꓮ ꓟꓬ, ꓫꓵꓻ ꓡꓰ ꓟ ꓪꓴ. ꓠꓬꓲ ꓮ ꓠꓬꓲꓽ ꓔꓬ ꓢꓴ ꓐꓴ ꓡꓰ ꓐꓯ ꓔ ꓟ ꓠꓬ ꓠꓻ ꓔꓬ ꓟ ꓮ ꓠꓬꓲꓽ ꓐꓴ ꓔꓯ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓠꓯꓺ ꓞꓲꓼ ꓫꓬ, ꓖꓶ ꓠ, ꓟ ꓠꓲ, ꓫꓵˍ ꓡꓳ ꓐꓰ ꓐꓯ ꓔ ꓡꓳ꓿

ꓪꓮꓲ‐ꓟꓮꓪ ꓡꓳ ꓒꓱ ꓗꓪ ꓠꓬ ꓑ ꓫꓬ ꓔꓬ ꓦꓲꓻ ꓠꓬꓲꓽ ꓟꓶ ꓦꓲꓻ ꓔꓬ ꓢꓲ ꓠꓬꓲ ꓑ ꓫꓬ ꓕꓲ ꓫꓬ, ꓣꓳ ꓔꓬ ꓟ ꓥ ꓡꓳ ꓐꓰ (The 74 media ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿