ꓫꓵꓻ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓖꓶˍ ꓟ ꓦꓬꓼ ꓠꓬꓲ

ꓫꓵꓻ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓖꓶˍ ꓟ ꓦꓬꓼ ꓠꓬꓲ

11 ꓦ ꓟ 2 ꓠꓬꓲ 2022 ꓘꓳꓼ  ꓠꓯꓼ 10 ꓙꓵ, ꓕꓯ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓟꓲ‐ꓚꓲ‐ꓠ ꓢ‐ꓢꓶ‐ꓠ ꓣ‐ꓔ‐ꓗꓳ ꓡꓯꓼ ꓜꓳ ꓔꓴ. ꓔꓶ. ꓗꓪ ꓟꓲ‐ꓢ ꓪꓽ ꓘꓴ ꓙꓵ, ꓬꓰ ꓗꓷꓳ꓿ 11 ꓦ ꓟ 2 ꓠꓬꓲ ꓗꓪ ꓠꓬ ꓫꓵꓻ ꓢꓴ ꓐꓴ ꓦꓻ ꓐꓱ ꓶ ꓪꓽ ꓘꓴ ꓖꓶˍ ꓦꓬꓼ ꓠꓬꓲ ꓥ ꓡꓳ꓿ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓟꓲ‐ꓚꓲ‐ꓠ ꓢ‐ꓢꓶ‐ꓠ ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓣ‐ꓔ‐ꓗꓳ ꓡꓯꓼ ꓜꓳ ꓔꓴ. ꓔꓶ. ꓗꓪ ꓔꓲꓺ ꓒ ꓓꓽ ꓐꓰ ꓔꓲꓺ ꓒ ꓐꓴ ꓡꓰ ꓧꓳꓽ ꓣꓱ ꓢꓲ ꓠꓬꓲ ꓟꓲ‐ꓢ ꓔꓶ ꓖꓶˍ ꓗꓷꓳ꓿ ꓟꓲ‐ꓢ ꓔꓶ ꓖꓶˍ ꓟ ꓠꓬ 3 ꓧꓪ, ꓙꓳ ꓟ ꓥ ꓡꓳ꓿

ꓠꓯꓼ 7 ꓙꓵ, ꓕꓯ ꓕꓲ ꓧꓪ,  ꓠꓯꓼ 10 ꓙꓵ, ꓐꓰ ꓟꓶ ꓘꓶꓼ 2 ꓙꓵ, ꓕꓯ ꓟꓲ‐ꓢ ꓔꓶ ꓪꓽ ꓘꓴꓽ ꓙꓵ, ꓙꓳ ꓟ ꓥ ꓡꓳ꓿ ꓟꓲ‐ꓚꓲ‐ꓠ ꓢ‐ꓢꓶ‐ꓠ ꓘꓴꓽ ꓗꓪ ꓔꓬ ꓟ ꓙꓲ‐ꓢꓴ ꓢꓲꓺ ꓤ ꓮ ꓟꓬ, ꓪꓽ ꓘꓴ ꓙꓵ, ꓗꓪ ꓐꓽ ꓗꓷ ꓟ ꓔꓯ ꓡꓳ. ꓟꓳ ꓪ ꓡꓳ꓿ ꓕꓲ ꓟꓲ ꓠꓯ ꓡꓱ ꓗꓪ 11 ꓦ ꓟ 2 ꓠꓬꓲ ꓗꓪ ꓠꓬꓲ ꓫꓵꓻ ꓢꓴ ꓐꓴ ꓐꓱ ꓶ ꓪꓽ ꓘꓴ ꓖꓶˍ ꓟ ꓥ ꓟ ꓪꓴ.ꓠꓬꓲ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓠꓬ ꓡꓳ ꓒꓱ ꓞꓳ ꓘ, ꓮ ꓙꓵꓽ ꓗꓪ ꓡꓯꓼ ꓜꓳ ꓔꓶ. ꓗꓪ ꓪꓽ ꓘꓴ ꓙꓵ, ꓬꓰ ꓟ ꓦꓬꓼ ꓠꓬꓲ ꓥ ꓡꓳ ꓐꓰ ꓢꓷ. ꓪ ꓡꓳ꓿