ꓬ‐ꓗꓮꓲ ꓟꓵꓽ ꓢꓲ‐ꓓꓪꓰ ꓗꓪ ꓟꓲ ꓦꓲꓻ ꓕꓳꓽ ꓥꓳꓽ ꓙꓱꓼ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓔꓬ ꓦꓲꓻ ꓮ ꓟꓬ, ꓐꓬ ꓡꓰ ꓟ ꓓꓳꓽ

ꓬ‐ꓗꓮꓲ ꓟꓵꓽ ꓢꓲ‐ꓓꓪꓰ ꓗꓪ ꓟꓲ ꓦꓲꓻ ꓕꓳꓽ ꓥꓳꓽ ꓙꓱꓼ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓔꓬ ꓦꓲꓻ ꓮ ꓟꓬ, ꓐꓬ ꓡꓰ ꓟ ꓓꓳꓽ

5 ꓦ ꓟ 15 ꓠꓬꓲ 2023 ꓘꓳꓼ ꓕꓯ ꓬ‐ꓗꓮꓲ ꓟꓵꓽ ꓢꓲ‐ꓓꓪꓰ ꓗꓪ  (ꓟꓳ‐ꓘ) ꓟꓬꓱꓺ ꓟ ꓟꓲꓽ ꓦꓲꓻ ꓕꓳꓽ ꓥꓳꓽ ꓙꓱꓼ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓔꓬ ꓦꓲꓻ ꓮ ꓟꓬ, ꓐꓬ ꓡꓰ ꓐꓰ ꓐꓯ ꓔ ꓡꓳ꓿ ꓬꓲꓻ ꓡꓳ ꓐꓱ ꓬꓲꓻ ꓙꓬ ꓥ ꓟꓲ ꓮ ꓟꓬ, ꓓꓯꓻ ꓡ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓬꓲꓻ ꓙꓬ ꓟꓽ ꓛꓲ ꓡ ꓟ ꓟꓵꓽ ꓗꓪ ꓚꓵ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ 5 ꓦ ꓟ 14 ꓠꓬꓲ ꓟꓳ ꓡꓳ 2 ꓙꓵ, ꓗꓪ ꓐꓰ (ꓟꓳ‐ꓘ) ꓟꓲ ꓦꓲꓻ ꓕꓳꓽ ꓥꓳꓽ ꓠꓬ ꓬ‐ꓗꓮꓲ ꓟꓵꓽ ꓢꓲ‐ꓓꓪꓰ ꓗꓪ ꓙꓱꓼ ꓔꓬ ꓟ ꓥ ꓡꓳ꓿

ꓢꓲ‐Dꓪꓰ ꓡꓳ ꓒꓱ ꓮ ꓟꓬ, ꓗꓪ ꓬꓲꓻ ꓙꓬ ꓮ ꓟꓬ, ꓙꓵꓽ ꓔꓬ ꓡꓳ ꓝꓮꓲ ꓑ ꓫꓬ ꓐꓴ ꓔꓬ ꓦꓲꓻ ꓮ ꓟꓬ, ꓗꓪ ꓬꓲꓻ ꓙꓬ ꓟꓶ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓑ ꓫꓬ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓠꓬ ꓥꓪ ꓦꓲꓻ ꓠꓬ ꓟꓲ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓟ ꓪꓴ. ꓠꓬꓲ ꓥꓪ ꓠꓴ ꓦꓲꓻ ꓐꓬ ꓡꓰꓳ ꓕꓱ ꓡꓱ ꓐꓰ ꓟꓲꓽ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓓꓴ ꓥꓳ ꓐꓰ ꓟꓽ ꓓꓵꓽ ꓙ ꓔ ꓐꓰ ꓐꓯ ꓔ ꓡꓳ꓿ ꓑ ꓫꓬ ꓫꓵꓻ ꓡꓰ ꓟ ꓐꓰ ꓠꓻ ꓓꓴ ꓡꓰ ꓟ ꓙꓳˍ ꓡꓳ ꓐꓰ  ꓑ ꓫꓬ ꓕꓲ ꓣꓳ ꓡꓰ ꓫ. ꓕꓱ ꓔ ꓡꓳ꓿

ꓕꓱ ꓟꓲ ꓦꓲꓻ ꓕꓳꓽ ꓥꓳꓽ ꓠꓬ ꓛꓲ꓾ ꓟꓵꓽ ꓐꓰ ꓢꓲ‐ꓗꓮꓲ ꓟꓵꓽ ꓐꓰ ꓗ‐ꓛꓲ ꓟꓵꓽ ꓗꓪ ꓥ ꓟꓲ ꓬꓲ. ꓢꓯꓼ ꓮ ꓟꓬ, ꓟꓽ ꓙꓳ ꓡꓰ ꓟ ꓟꓶ ꓦ ꓐꓰ ꓟꓲ ꓦꓲ ꓙꓱꓼ ꓡ ꓓꓴ ꓥꓳ ꓐꓰ ꓐꓯ ꓔ ꓡꓳ꓿ ꓟꓲ‐ꓚꓲ‐ꓠ ꓡꓳ ꓒꓱ ꓗꓪ ꓠꓬ ꓟꓶꓽ ꓦ ꓦ ꓢꓲ ꓠꓬꓲ ꓟꓲꓽ ꓦꓲ ꓙꓱꓼ ꓔꓬ ꓟ ꓥ ꓡꓳ꓿ ꓑ ꓫꓬ ꓐꓴ ꓔꓯ ꓤ ꓟꓳ ꓠ, ꓟ ꓐꓯ ꓔ ꓡꓳ ꓐꓰ Myanmaplatform ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿