ꓬꓲꓸ ꓙꓲꓸꓹ ꓬꓲꓸ ꓟꓰꓹ ꓘꓴ ꓔꓯ ꓬꓰ ꓗꓷ ꓟꓶˍ ꓟ Jesuit ꓗꓪ ꓟ ꓔꓲꓸꓸ ꓒꓽ Paolo Dall’Oglio ꓬꓲꓸ ꓓꓳꓽ 6ꓘꓳꓼ ꓟꓶꓸꓸ ꓫꓵꓸꓸ ꓡꓰˍ ꓗꓪ ꓛꓲ ꓮꓸ ꓫꓵꓽ ꓬꓲꓸ ꓓꓳꓽˍ ꓟꓲ ꓟꓽ ꓑꓸꓹ ꓙ ꓟ=

ꓬꓲꓸ ꓙꓲꓸꓹ ꓬꓲꓸ ꓟꓰꓹ ꓘꓴ ꓔꓯ ꓬꓰ ꓗꓷ ꓟꓶˍ ꓟ Jesuit ꓗꓪ ꓟ ꓔꓲꓸꓸ ꓒꓽ Paolo Dall’Oglio ꓬꓲꓸ ꓓꓳꓽ 6ꓘꓳꓼ ꓟꓶꓸꓸ ꓫꓵꓸꓸ ꓡꓰˍ ꓗꓪ ꓛꓲ ꓮꓸ ꓫꓵꓽ ꓬꓲꓸ ꓓꓳꓽˍ ꓟꓲ ꓟꓽ ꓑꓸꓹ ꓙ  ꓟ=

7 ꓦꓸꓹ 29꓾ 2019

ꓬꓲꓸ ꓙꓲꓸꓹ ꓬꓲꓸ ꓟꓰꓹ ꓘꓴ ꓔꓯ ꓬꓰ ꓗꓷ ꓟꓶˍ ꓟ Jesuit ꓗꓪ ꓟ ꓔꓲꓸꓸ ꓒꓽ Paolo Dall’Oglio ꓬꓲꓸ ꓓꓳꓽ 6 ꓘꓳꓼ ꓟꓶꓸꓸ ꓫꓵꓸꓸ ꓡꓰˍ ꓗꓪ ꓛꓲ ꓮꓸ ꓫꓵꓽ ꓬꓲꓸ ꓓꓳꓽˍ ꓟꓲ ꓟꓽ ꓑꓸꓹ ꓙ  ꓟ ꓔꓯ꓾ ꓔꓲꓸꓸ ꓒꓽ Paolo Dall’Oglio ꓡꓰ ꓐꓰ Syria ꓗꓪ Islamic ꓜꓴꓸꓹ ꓐꓴ ꓙꓵꓽ ꓔꓬꓹ ꓟ ꓦꓬꓼ ꓠꓬꓲ ꓕꓯ ꓒꓲꓼ ꓬꓰ ꓟꓶꓽ ꓬꓰ ꓢꓴ ꓐꓴ ꓔꓯꓸ ꓟꓳꓸꓼ ꓟꓲ ꓠꓯ ꓔꓯꓸ ꓢꓷꓸ ꓡꓰ ꓝꓲ ꓠꓹ ꓟ Itali ꓗꓴꓷꓼ ꓗꓪ ꓟ ꓔꓲꓸꓸ ꓒꓽ Paolo ꓬꓲꓸ ꓫꓵꓽ ꓬꓲꓸ ꓧꓪ ꓐꓴ ꓐꓹ ꓟ ꓜꓴꓸꓹ ꓕꓲꓽ ꓟ ꓗꓪ ꓐꓰ ꓖꓪ ꓙꓱ ꓜꓲꓼ ꓓꓴ ꓕꓲꓽ ꓟ ꓔꓯ ꓣꓳ-ꓟ ꓡꓳ ꓒꓱ ꓗꓪ ꓬꓰ ꓗꓷꓳ=

2013 ꓘꓳꓼ 7 ꓦꓸꓹ ꓟ 29 ꓠꓬꓲ꓾ ꓠꓽ ꓕꓲꓽ ꓠꓬꓲ Islamic ꓜꓴꓸꓹ ꓐꓴ ꓙꓵꓽ ꓔꓬꓹ ꓟ ꓦꓬꓼ ꓠꓬꓲ ꓕꓯ Syria ꓗꓴꓷꓼ ꓐꓶꓽ ꓓꓳꓸꓹ Raqqa ꓡꓳ ꓒꓱ  ꓗꓪ ꓔꓲꓸꓸ ꓒꓽ Paolo ꓙꓸꓹ ꓫꓱꓽ ꓔꓬꓹ ꓕꓯ ꓬꓲꓸ ꓙꓲꓸꓹ ꓬꓲꓸ ꓟꓰꓹ ꓘꓴ ꓔꓯ ꓬꓰ ꓗꓷ ꓟꓶ  ꓗꓷ ꓟ ꓥꓳ ꓐꓰ꓾ ꓟꓳꓸꓹ ꓢꓴ ꓕꓲꓽ ꓣꓳ ꓡꓰ ꓐꓯ ꓗꓷ ꓟ ꓥ ꓢꓲ꓾ ꓖꓳ ꓕꓲꓽ ꓙꓵꓹ ꓗꓪ ꓐꓰ ꓮ ꓟꓶꓸꓹ ꓗꓪ ꓛꓲ ꓮ ꓡꓰ ꓕꓲꓽ ꓫꓵꓽˍ ꓟꓲ ꓟꓽ ꓑꓸꓹ ꓙ ꓟ꓾ ꓔꓲꓸꓸ ꓒꓽ Paolo ꓠꓬ ꓙꓲ-ꓢꓴ-ꓢꓲ-ꓤ  ꓐꓰ Muslim ꓠꓬꓲꓽ ꓗꓴꓸ ꓝ ꓗꓪ ꓠꓵ ꓠꓲꓹ ꓗꓪ ꓐꓰ ꓙ ꓡꓯꓽ ꓘꓳꓹ ꓟ ꓚ ꓚꓱꓹ ꓫꓬꓹ ꓖꓶꓽ ꓢꓴ ꓥ ꓟ ꓔꓯ ꓬꓲꓸ ꓠꓬꓲ ꓟ ꓣꓱꓽ ꓢꓴ ꓡꓰ ꓦꓮꓔꓲꓚꓮꓠ  ꓣꓮꓓꓲꓳ  ꓗꓪ ꓐꓯ ꓟꓸ ꓖꓶꓽ ꓗꓷ ꓟ ꓥ ꓡꓳ=

ꓔꓲꓸꓸ ꓒꓽ ꓪ ꓔꓲ Francis ꓗꓪ ꓐꓰˍ ꓟꓲ ꓔꓲꓸꓸ ꓒꓽ Paolo Dall’Oglio ꓡꓰ ꓐꓰ ꓒꓲꓼ ꓬꓰ ꓟꓶꓽ ꓬꓰ ꓢꓴ ꓐꓴ ꓓꓳꓽ ꓾ ꓬꓲꓸ ꓪ ꓐꓴ ꓟꓲꓽ ꓕꓯ ꓢꓲ ꓤꓶꓸꓹ ꓔꓯ ꓫꓬꓽ ꓫꓬꓽ ꓡꓰ ꓟꓸ ꓖꓶꓽ ꓠꓹ ꓟ Syria ꓟꓯꓼ ꓜꓴꓸꓹ ꓐꓴ ꓔꓯ ꓕꓵꓼ ꓪꓸꓸꓽ ꓖꓶꓽ ꓔ ꓡꓳ=

Photo Credit to VATICAN NEWS

http://bit.ly/2YfqrJc