ꓬꓲ ꓙꓯ ꓙꓵ ꓓꓴ ꓓꓼ ꓟ ꓗꓶ ꓡꓲ ꓟ ꓑ-ꓖꓳ ꓟꓵ ꓗꓪ ꓬꓲ ꓙꓯ ꓓꓳ ꓓꓴ ꓣꓱ ꓬꓯꓸ ꓔꓬ ꓟ ꓓꓳꓽ

60 ꓘꓳꓼ ꓡꓳꓸ ꓗꓪ ꓚꓲ ꓬꓲ ꓙꓯ ꓙꓵ ꓡ ꓟ ꓔꓯ ꓟ ꓔꓳ ꓜꓳ ꓠꓬꓲ ꓟ ꓥ ꓡꓳ ꓐꓰ ꓐꓯ ꓔ ꓡꓳ=ꓕꓱ ꓕꓲ ꓧꓪ ꓠꓬ ꓑ-ꓖꓳ ꓟꓵ ꓗꓪ ꓬꓲ ꓙꓯ ꓮ ꓟꓬ ꓙꓵꓻ ꓡ ꓟ ꓥ ꓡꓳ=ꓖꓳ ꓡꓱ ꓠꓬꓲ ꓬꓲ ꓙꓯ ꓓꓳ ꓓꓴ ꓮ ꓘꓶꓸ ꓫ ꓔꓬ ꓡꓳ ꓐꓰ ꓘꓼ ꓗꓪ ꓔꓬ ꓢꓴ ꓕꓲ ꓣꓳ ꓡꓲ ꓐꓯ ꓔ ꓡꓳ=ꓬꓲ ꓙꓯ ꓙꓵꓻ ꓟ ꓪꓴꓸ ꓠꓬꓲ ꓬꓲ ꓙꓯ ꓮ ꓙꓵ ꓠꓬ꓾ ꓬꓲ ꓠꓶ ꓡꓲ ꓗꓶ ꓡꓲ ꓢꓲ ꓓꓳ ꓟ ꓙꓵꓺ ꓡꓲ ꓟ ꓥ ꓡꓳ ꓐꓰ ꓐꓯ ꓔ ꓡꓳ=ꓜ ꓚꓸ ꓓꓴ ꓠꓬ ꓙꓵ ꓔꓲ ꓗꓪ ꓐꓰ ꓪꓴ ꓔ ꓟ ꓬꓲ ꓙꓯ ꓡꓲ ꓚꓸ ꓜꓻ ꓔꓬ ꓟ ꓥ ꓡꓳ ꓐꓰ ꓢꓷꓸ ꓪ ꓡ=

ꓑ-ꓖꓳ ꓟꓵ ꓗꓪ ꓬꓲ ꓙꓯ ꓙꓵꓺ ꓡ ꓢꓲ꓾ꓞꓳ ꓘꓼ ꓮ ꓙꓵ ꓑꓲꓸ ꓡꓲ ꓟ ꓥ ꓡꓳ=ꓖꓳ ꓡꓱ ꓟ ꓪꓴꓸ ꓠꓬꓲ ꓕꓲ ꓑ ꓤ ꓐꓱ ꓶ ꓬꓲ ꓙꓯ ꓑꓲꓸ ꓡꓲ ꓢꓲ꓾ ꓫꓸ ꓡꓲ ꓢꓴ ꓐꓴ ꓔꓬ ꓠꓹ ꓟ ꓦꓲ 47 ꓦꓲ ꓫꓬ ꓔ ꓢꓲ꓾ ꓖꓳ ꓗꓪ ꓔꓬ ꓬꓲ ꓙ ꓔ ꓢꓴ ꓑ ꓫꓬ 27302 ꓣꓳ ꓔꓯ ꓬꓲ ꓙ ꓔ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=

ꓖꓳ ꓡꓱ ꓐꓯ ꓥ ꓟꓲ ꓑ-ꓖꓳ ꓟꓵ ꓗꓪ ꓬꓲ ꓙꓯ ꓙꓵꓺ ꓟ ꓠꓬ 10 ꓦ ꓟ 11 ꓠꓬꓲ ꓕꓯ ꓟꓵ ꓚꓯꓼ ꓟ ꓗꓪ ꓓꓰ ꓙꓳ ꓡꓲꓳ ꓐꓰ ꓢꓷꓸ ꓪ ꓡꓳ=ꓑ-ꓖꓳ ꓟꓵ ꓗꓪ ꓬꓲ ꓙꓯ ꓙꓵ ꓡ ꓟ ꓪꓴꓸ ꓠꓬꓲ ꓜꓺ ꓟꓲ ꓮ ꓙꓵ ꓥ ꓟꓲ ꓑꓲꓸ ꓡꓲ ꓖꓴ ꓟ ꓥ ꓡꓳ ꓐꓰ ꓟꓬꓱ ꓬꓲ ꓢꓴ ꓐꓴ ꓡꓲ popular ꓓꓳꓽ ꓗꓪ ꓐꓯ ꓔ ꓡꓳ=