ꓬꓲ ꓡꓱꓼ ꓜꓴ ꓔꓯ ꓢꓔ ꓟꓮꓣꓬ ꓐꓮꓢꓲꓡꓲꓚꓮ ꓪ: ꓘꓴ ꓦꓲꓻ ꓗꓪ ꓙ ꓖꓶ ꓔ ꓡꓳ ꓐꓰ ꓔꓲꓺ ꓒ ꓪ ꓔꓲ ꓡꓰ ꓐꓯ ꓔ ꓟ꓾

ꓬꓲ ꓡꓱꓼ ꓜꓴ ꓔꓯ ꓢꓔ ꓟꓮꓣꓬ ꓐꓮꓢꓲꓡꓲꓚꓮ ꓪ: ꓘꓴ ꓦꓲꓻ ꓗꓪ  ꓙ ꓖꓶ ꓔ ꓡꓳ ꓐꓰ ꓔꓲꓺ ꓒ ꓪ ꓔꓲ ꓡꓰ ꓐꓯ ꓔ ꓟ꓾

ꓟꓮꓫꓲꓚꓮꓠ ꓓꓳ: ꓲꓠꓔꓰꓣꓦꓲꓰꓪ ꓕꓲ ꓟ ꓗꓪ ''ꓔꓲꓺ ꓒ ꓪ ꓔꓲ ꓠꓬ Salus Populi Romani ꓟꓬꓱꓺ ꓔ ꓟ ꓟꓹ ꓟ ꓟ-ꓡꓲ ꓔꓯ ꓠꓲꓹ ꓠꓵˍ ꓟ ꓡꓰ ꓐꓰ ꓬꓲ ꓡꓱꓼ ꓜꓴ ꓔꓯ ꓢꓔ ꓟꓮꓣꓬ ꓟꓮꓙꓳꓣ ꓐꓮꓢꓲꓡꓲꓚꓮ ꓗꓪ ꓙꓻ ꓖꓶ ꓔ ꓡꓳ꓾'' ꓐꓰ ꓫꓵ: ꓓꓳ: ꓐꓳ ꓢꓴ ꓡꓰ ꓫ(Twitter) ꓗꓪ ꓐꓳ ꓑꓶ ꓔ ꓡꓳ=

ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓬꓲ ꓶꓼ ꓓꓳ ꓫꓱ. ꓓꓳ: ꓟ: ꓚꓳ ꓙꓰ ꓟ ꓟꓲ ꓕꓯ꓾ ꓠꓱ. ꓐꓯꓼ ꓑꓮꓲ ꓟ: ꓬꓰ ꓢꓰ ꓟ ꓟꓲ ꓕꓯ ꓗꓪ ꓕꓱ ꓟꓹ ꓟ ꓟ-ꓡꓲ ꓔꓬ ꓟ ꓐꓮꓢꓲꓡꓲꓚꓮ ꓗꓪ ꓙꓰ ꓢꓲ ꓪ: ꓘꓴˍ ꓟ ꓙꓳˍ ꓡꓳ=
ꓔꓲꓺ ꓒ ꓪ ꓔꓲ ꓡꓰ ꓦꓮꓔꓲꓚꓮꓠ ꓗꓪ ꓔꓬ ꓟ ꓙꓵ: ꓪ ꓙꓳ ꓢꓴ ꓐꓴ ꓔꓯ ''ꓚꓲ ꓛꓬ ꓞꓲꓼ ꓪꓴ: ꓡ ꓟ ꓡꓰ ꓐꓰ ꓙ: ꓖꓶ ꓔ ꓡꓳ꓾'' ꓐꓰ ꓐꓯ ꓑꓶ ꓔ ꓟ ꓙꓳˍ ꓡꓳ=
ꓖꓳ ꓟ ꓡꓰ ꓐꓰ ꓕꓱ ꓕꓲ ꓘꓳꓼ ꓘꓴ: ꓗꓪ ꓠꓻ ꓫꓵ ꓮ ꓟꓬꓹ ꓐꓰ ꓠꓻ ꓔꓬ ꓥ ꓟꓲ ꓔꓲꓺ ꓒ ꓪ ꓔꓲ ꓙꓵ: ꓪ ꓗꓪ ꓐꓰ ꓠ: ꓓꓴ ꓟ: ꓙ ꓟꓶˍ ꓟ ꓔꓯ ꓐꓯ ꓔ ꓡꓳ=
2013 ꓘꓳꓼ ꓕꓯ ꓔꓲꓺ ꓒ ꓪ ꓔꓲ Benedict ꓫꓦꓲ ꓬꓲ ꓔꓲꓺ ꓒ ꓪ ꓔꓲ ꓙꓵ: ꓪ ꓗꓪ ꓐꓰ ꓠ: ꓡꓰ ꓕꓯ ꓡ ꓞꓳ ꓮ ꓟꓬꓹ ꓔꓯ ꓓꓵ: ꓙ ꓟꓶ ꓓꓴ ꓗꓷ ꓡꓰ ꓝꓲˍ ꓟ ꓥꓳ= ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ''ꓔꓲꓺ ꓒ ꓪ ꓔꓲ Benedict ꓫꓦꓲ ꓠꓬ ꓠꓲꓹ ꓟ ꓙ: ꓣꓳꓺ ꓗꓴ. ꓢꓴ ꓥ ꓢꓲ꓾ ꓬꓲ ꓟꓯ ꓟ: ꓘꓴ ꓟ ꓶꓻ ꓔꓯ ꓢꓯꓼ ꓙꓳ ꓙꓳ ꓡꓰ ꓡꓲꓹ ꓩꓴ ꓗꓷˍ ꓟ ꓥꓳ= ꓕꓱ ꓟ ꓔꓯ ꓔꓯꓺ ꓢꓳꓺ ꓠꓹ ꓟ ꓥ ꓡꓳ= ꓥꓪ ꓥ ꓟꓲ ꓟꓯꓺ ꓟ: ꓘꓴ ꓟ ꓶꓻ ꓔꓯ ꓡꓲꓹ ꓩꓴ ꓐ ꓡ ꓠꓹ ꓟ ꓐꓱ ꓶ ꓪ: ꓘꓴ ꓔꓬ ꓟ ꓡꓰ ꓐꓰ ꓪꓴ-ꓢ ꓠꓲꓹ ꓡꓶ: ꓙꓳˍ ꓟ ꓥ ꓕ ꓑꓳ. ꓟꓬꓱ: ꓟꓯꓺ ꓘꓴ ꓐ ꓡ ꓠꓹ ꓟ ꓐꓱ ꓶ ꓥ ꓟꓲ ꓶ: ꓓꓰ: ꓔꓬ ꓡꓳ='' ꓐꓰ ꓫꓵ: ꓓꓳ: ꓐꓲ ꓢꓴ ꓡꓰ ꓙ ꓔ ꓡꓳ=