ꓬꓲ ꓢꓯꓼ ꓮ ꓘꓶꓸ ꓪꓽ ꓠꓬꓲˍ ꓟ ꓚꓬꓚꓡꓳꓠꓰ ꓟꓲꓽ ꓦꓲ ꓕꓳꓽ ꓥꓳꓽ ꓓꓽ ꓟ ꓙꓱꓼ ꓡ ꓓꓴ ꓙꓳˍ ꓟ ꓑꓶꓸ ꓓꓴ ꓲꓠꓓꓲꓮ ꓬꓲꓻ ꓙꓬ ꓘꓶꓽ ꓗꓪ ꓔꓬ ꓢꓴ ꓐꓴ ꓖꓯ-ꓓꓲ-ꓓꓯꓟ ꓡꓳ ꓒꓱ ꓗꓪ ꓚꓵꓸ ꓙꓰ ꓟ

Arabia ꓠꓯ ꓬꓲꓻ ꓐꓶ ꓓꓳ ꓖꓴ ꓟꓶꓸ ꓔꓯ ꓗꓳꓸ ꓢꓲ ꓬꓲ ꓢꓯꓼ ꓮ ꓘꓶꓸ ꓪꓽ ꓠꓬꓲˍ ꓟ ꓚꓬꓚꓡꓳꓠꓰ ꓟꓲꓽ ꓦꓲ ꓕꓳꓽ ꓥꓳꓽ ꓓꓽ ꓟ ꓕꓲ ꓟ ꓙꓱꓼ ꓡ ꓓꓴ ꓙꓳˍ ꓟ ꓑꓶꓸ ꓓꓴ꓾ ꓗꓯꓟ-ꓓ-ꓡ ꓬꓲꓻ ꓙꓬ ꓘꓶꓽ ꓡꓳ ꓒꓱ ꓗꓪ ꓟ ꓑ ꓫꓬ ꓐꓴ ꓠꓬ 6 ꓦ 13 ꓠꓬꓲ꓾ 2023 ꓘꓳꓼ ꓕꓯ ꓖꓯ-ꓓꓲ-ꓓꓯꓟ ꓡꓳ ꓒꓱ ꓗꓪ ꓚꓵꓸ ꓙꓰ ꓔꓬ ꓪˍ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓚꓬꓚꓡꓳꓠꓰ ꓟꓲꓽ ꓦꓲ ꓕꓳꓽ ꓥꓳꓽ Biparjoy ꓠꓬ꓾ ꓫꓵꓽ ꓫꓵ ꓕꓲ ꓟ ꓗꓪ ꓟꓲꓽ ꓦꓲ ꓙꓱꓼ ꓢꓯꓼ ꓡꓳ ꓔ 90 ꓕꓷꓹ ꓗꓪ ꓐꓰ 105 ꓕꓷꓹ ꓟꓽ ꓞꓲꓺ ꓢꓯꓼ ꓪꓽ ꓠꓬꓲ ꓢꓲ꓾ ꓬꓲꓻ ꓙꓬ ꓬꓲꓻ ꓒꓻ ꓠꓬ 30’ ꓗꓪ ꓛꓲꓺ ꓟꓴ ꓓꓯ ꓡˍ ꓥꓳ꓾ ꓐꓰ ꓑ-ꓗꓲ-ꓢ-ꓔꓯ ꓟꓵꓽ ꓘꓳꓼ ꓟꓬꓱꓽ ꓣꓱꓽ ꓜꓴ ꓗꓪ ꓐꓰ ꓐꓯ ꓑꓶ ꓔ ꓡꓳ=

ꓟꓲꓽ ꓦꓲ ꓕꓳꓽ ꓥꓳꓽ ꓖꓳ ꓟ ꓠꓬ ꓑ-ꓗꓲ-ꓢ-ꓔꓯ ꓗ-ꓣ-ꓛꓲ ꓡꓳ ꓒꓱ ꓐꓰ ꓟꓵꓽ ꓫꓸ ꓗ ꓥ ꓟ ꓲ-ꓓꓲ-ꓬ ꓗꓴꓷꓼ ꓖꓴ-ꓙ-ꓣꓯꓸꓼ ꓬꓲꓻ ꓙꓬ ꓘꓶꓽ ꓟꓵꓽ ꓘꓴꓽ ꓠꓯꓸꓼ ꓗꓪ ꓠꓽ ꓡꓲꓸ ꓠꓬꓲ ꓟꓳꓼ ꓡꓳ ꓙꓵꓹ ꓛꓲ ꓕꓯ ꓟꓲꓽ ꓦꓲ ꓙꓱꓼ ꓡ ꓗꓴꓸˍ ꓡꓳ꓾ ꓐꓰ ꓟꓵꓽ ꓘꓳꓼ ꓡꓳꓹ ꓬꓰˍ ꓕꓯ ꓢꓷꓸ ꓔ ꓟ ꓔꓯ ꓡꓳꓸ ꓢꓲ꓾ ꓴꓠ ꓥˍ ꓟꓲ ꓐꓯ ꓑꓶ ꓔ ꓡꓳ=

ꓞꓳ ꓤ 55000꓾ ꓞꓳ ꓦꓲ 9000 ꓛꓲꓺ ꓠꓬ ꓟꓲꓽ ꓦꓲ ꓕꓳꓽ ꓥꓳꓽ ꓙꓱꓼ ꓟꓶˍ ꓟ ꓐꓰ ꓬꓲꓻ ꓙꓬ ꓘꓶꓽ ꓟꓵꓽ ꓗꓪˍ ꓟꓲ ꓟꓲꓽ ꓦꓲꓽ ꓙꓱꓼˍ ꓟ ꓑꓶꓸ ꓓꓴ ꓮ ꓘꓶꓸ ꓙꓳ ꓠꓯꓹ ꓟ ꓫꓵꓽ ꓪꓴꓽ ꓔꓳꓹ ꓜꓳꓽ ꓡˍ ꓥꓳ꓾ ꓐꓰ ꓴꓠ ꓡꓰ ꓙꓳꓺ ꓗꓽ ꓖꓶ ꓔ ꓡꓳ꓾ ꓐꓰ ꓢꓷꓸ ꓪ ꓡꓳ=