ꓮ‐ꓡꓮꓟ ꓡꓯꓼ ꓐꓳ ꓔꓶ. ꓓꓴ ꓪꓽ ꓙꓵꓽ ꓗꓪ ꓪꓽ ꓘꓴ ꓡ ꓢꓴ ꓙꓲ‐ꓢꓴ ꓢꓲꓺ ꓤ ꓕꓲꓽ ꓟꓶꓽ ꓣꓳ ꓟꓽ ꓞꓲ ꓡ ꓟ ꓓꓳꓽ

   ꓮ‐ꓡꓮꓟ ꓡꓯꓼ ꓐꓳ ꓔꓶ. ꓓꓴ ꓪꓽ ꓙꓵꓽ ꓗꓪ ꓪꓽ ꓘꓴ ꓡ ꓢꓴ ꓙꓲ‐ꓢꓴ ꓢꓲꓺ ꓤ ꓕꓲꓽ ꓟꓶꓽ ꓣꓳ ꓟꓽ ꓞꓲ ꓡ ꓟ ꓓꓳꓽ

9 ꓦ14 ꓠꓬꓲ 2022 ꓘꓳꓼ ꓕꓯ ꓟꓲ‐ꓚꓲ‐ꓠ ꓡꓳ ꓒꓱ ꓮ‐ꓡꓮꓟ ꓡꓯꓼ ꓐꓳ ꓔꓶ. ꓓꓴ ꓪꓽ ꓙꓵꓽ ꓗꓪ ꓪꓽ ꓘꓴ ꓡ ꓢꓴ ꓙꓲ‐ꓢꓴ ꓢꓲꓺ ꓤ ꓕꓲꓽ ꓟꓶꓽ ꓣꓳ ꓟꓽ ꓞꓲ ꓡ ꓗꓷꓳ꓾ ꓐꓰ ꓢꓷ. ꓪ ꓡꓳ꓿ ꓗ‐ꓕꓳ‐ꓡꓲ ꓘꓴ ꓜꓲꓼ ꓞꓳ ꓐꓴ ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ (39) ꓧꓪ, ꓟ ꓮ‐ꓡꓮꓟ ꓡꓯꓼ ꓐꓳ ꓔꓶ. ꓓꓴ ꓪꓽ ꓙꓵꓽ ꓗꓪ ꓪꓽ ꓘꓴ ꓑꓮꓲ ꓓꓽ ꓔꓯ ꓬꓰ ꓓꓳ ꓡꓰꓳ꓾ ꓐꓰ ꓢꓷ. ꓪ ꓡꓳ꓿ ꓟꓲ‐ꓢ ꓪꓽ ꓘꓴ ꓙꓵ, ꓔꓯ ꓪꓽ ꓙꓵꓽ ꓗꓪ ꓕꓲ ꓔꓶ. ꓝꓮꓲ ꓪꓽ ꓙꓵꓽ ꓛꓲ ꓔꓲ ꓗꓪ ꓕꓲ ꓔꓶ. ꓥꓪꓽ ꓧꓪ, ꓪꓽ ꓘꓴ ꓙꓵ, ꓬꓰ ꓗꓷ ꓢꓲ ꓠꓬꓲ ꓑꓮꓲꓽ ꓗꓪ ꓡ ꓢꓴ ꓙꓲ‐ꓢꓴ ꓢꓲꓺ ꓤ ꓮ ꓟꓬ, ꓐꓴ ꓐꓰ ꓧꓪ. ꓧꓪꓸꓼ ꓐꓰ ꓬꓰ ꓓꓳ ꓡꓰꓳ꓿

ꓑꓮꓲ ꓬꓰˍ ꓟ ꓦꓬꓼ ꓠꓬꓲ ꓗꓪ ꓟꓬ‐ꓟ ꓗꓴꓷꓼ ꓗꓪ ꓗꓴꓷꓼ ꓫꓵꓽ ꓪꓴ ꓐꓰ ꓠꓻ ꓫꓵꓽ ꓙꓳˍ ꓥ ꓟꓲ ꓮ ꓫꓵꓽ ꓘꓶꓻ ꓡꓶꓽ ꓓꓴ ꓟꓽ ꓙꓳ ꓧꓪ. ꓧꓪꓸꓼ ꓐꓰ ꓬꓰ ꓓꓳ ꓡꓰꓳ꓿ ꓑꓮꓲꓽ ꓗꓪ ꓡ ꓢꓴ ꓐꓴ ꓮ ꓙꓵꓽ ꓥ ꓟꓲ ꓠꓻ ꓢꓴ ꓒꓬ ꓢꓴ ꓟꓽ ꓙꓳ꓿ ꓝꓮꓲ ꓑꓮꓲꓽ ꓗꓪ ꓟꓬꓱꓽ ꓬꓰ ꓙ ꓐꓴ ꓥ ꓟꓲ ꓮ ꓘꓶ. ꓛꓲ ꓢꓯꓼ ꓕꓵꓼˍ ꓟ ꓪꓴ. ꓠꓬꓲ ꓑꓮꓲꓽ ꓔꓯ ꓗ, ꓛꓲ ꓛꓲ ꓐꓰ ꓬꓰ ꓓꓳ ꓡꓰꓳ꓿ ꓮ‐ꓡꓮꓟ ꓡꓯꓼ ꓐꓳ ꓔꓶ. ꓓꓴ ꓪꓽ ꓙꓵꓽ  ꓗꓪ ꓬꓲ. ꓪꓴ. ꓪꓽ ꓘꓴˍ ꓟ ꓑꓮꓲꓽ ꓔꓯ 1983 ꓘꓳꓼ ꓕꓯ ꓬꓰ ꓗꓷꓳ꓿ ꓮ‐ꓡꓮꓟ ꓡꓯꓼ ꓐꓳ ꓔꓶ. ꓓꓴ ꓪꓽ ꓙꓵꓽ ꓠꓬ ꓟꓲ‐ꓚꓲ‐ꓠ ꓡꓳ ꓒꓱ ꓗꓪ ꓐꓰ ꓡꓳ‐ꓔ 15 ꓕꓷ, ꓶˍ ꓟ ꓥ ꓡꓳ꓾ ꓐꓰ ꓢꓷ. ꓪ ꓡꓳ꓿