ꓮ ꓟ ꓔꓯ ꓥˍ ꓟꓲ ꓫ ꓕꓱ ꓠꓹ ꓟ ꓢꓯꓼ ꓙꓳ ꓡꓳ

ꓮ ꓟ ꓔꓯ ꓥˍ ꓟꓲ ꓫ ꓕꓱ ꓠꓹ ꓟ ꓢꓯꓼ ꓙꓳ ꓡꓳ 

ꓗꓳ. ꓗꓷ ꓟ 2 ꓠꓬꓲ ꓟˍ ꓡꓰ ꓐꓰ Asia ꓗꓴꓷꓼ ꓖꓪ ꓙꓱꓻ ꓜꓲꓼ ꓓꓴ ꓬꓰˍ ꓟ ꓢ: ꓠꓬꓲ ꓕꓲ ꓠꓬꓲ ꓐꓰ ꓬꓲ. ꓟꓶ: ꓕꓲ ꓠꓬꓲ ꓗꓪ ꓠꓬ ꓢꓲ:-ꓫꓬ-ꓟ-ꓦ ꓪꓴ-ꓢ ꓔꓬꓹ ꓗꓪ ꓪ: ꓘꓴˍ ꓟ "Adsumus Sancte Spiritus" ꓐꓰ ꓪꓴ. ꓔꓴ ꓗꓷꓳ= ꓠꓬꓲ. ꓠꓬꓲ ꓐꓱ ꓶ ꓜꓲꓼ ꓡꓳ:ˍ ꓟ ꓗꓪ ꓧꓳ: ꓣꓱ: ꓢꓴ ꓐꓴ ꓠꓬ ꓗ-ꓕꓳ-ꓡꓲꓗ ꓔꓲꓺ ꓒ ꓓ ꓐꓴ ꓜꓴꓻ ꓢ: ꓡ ꓙꓵ:꓾ ꓗꓡꓳ-ꓳ-ꓗꓯ ꓢ-ꓢꓶ-ꓠ ꓔꓲꓺ ꓒ ꓓ Bishop Pablo David꓾ ꓧꓶ: ꓗꓴꓷꓼ ꓗ-ꓔꓳ-ꓡꓲꓗ ꓔꓲꓺ ꓒ ꓓ ꓐꓴ ꓜꓴꓻ ꓗꓪ ꓐꓰ Mrs Teresa Wu꓾ Asia ꓗꓴꓷꓼ ꓔꓲꓺ ꓒ ꓓ ꓐꓴ ꓜꓴꓻ ꓗꓪ ꓐꓰ ꓪꓴ-ꓢ ꓟ. ꓟꓲ: ꓢꓳ ꓟꓰꓹ ꓟ ꓗꓳ-ꓟꓲꓫꓲ (Theological Commission) ꓬꓳꓹ ꓗꓪ ꓟ ꓟꓬꓱ: ꓙꓻ꓾ Asia ꓗꓴꓷꓼ ꓔꓲ ꓒ ꓓ ꓐꓴ ꓜꓴꓻ ꓖꓪ ꓙꓱꓻ ꓜꓲꓼ ꓓꓴ ꓔꓯ ꓟꓳ. ꓟꓬꓱ: ꓬꓰ ꓢꓴ ꓜꓴꓻ (FABC Synod Task Force) ꓜꓴꓻ ꓗꓪ ꓐꓰ Mrs Eestela Padilla ꓐꓴ ꓥ ꓡꓳ= ꓝꓲ ꓓꓴ ꓐꓴ ꓠꓬ ꓬꓲ. ꓪ ꓠꓲꓹ ꓟ ꓗꓪ ꓓꓵ: ꓙ ꓟꓶˍ ꓟ ꓠꓬꓲ: ꓠꓬꓲ ꓗꓪ ꓔꓳꓹ ꓜꓳ: ꓗꓷ ꓟ ꓐꓰ ꓗꓴ. ꓙꓲ: ꓙꓳ ꓢꓲ ꓬꓲ. ꓪ ꓓꓵ: ꓙˍ ꓟ꓾ ꓟꓳˍ ꓟ ꓐꓴ ꓔꓯ ꓬꓲ. ꓪ ꓜꓴꓻ ꓘꓴ: ꓗꓪ ꓐꓯ ꓑꓶ ꓖꓶ: ꓗꓷꓳ=

Relator general of the XVI Ordinary General Assembly of the Synod of Bishops꓾ ꓡꓴ-ꓤꓲꓐꓮꓪ. ꓔꓲꓺ ꓒ ꓓ Cardinal Jean-Claude Cardinal Hollerich SJ ꓗꓪ ꓐꓰ ꓝꓲ ꓓꓴ ꓐꓴ ꓔꓯ ꓬꓲ. ꓙꓰ: 3 ꓙꓰ: ꓔꓯ ꓠꓲꓹ ꓟ ꓗꓪ ꓗꓶ ꓔ ꓠꓹ ꓟ ꓐꓯ ꓖꓶ ꓗꓷꓳ=ꓠ ꓢꓹ ꓟ ꓟꓶꓻ ꓫꓵ: ꓟꓶꓻ ꓙꓰ: ꓬꓲ. ꓔꓯꓺ ꓥꓳ: ꓔꓯ ꓣꓱ: ꓢꓲ ꓝꓲ ꓓꓴ ꓕꓲ ꓣꓳ ꓡꓰ ꓕꓲ ꓣꓳ ꓠꓬ ꓠ ꓢꓹ ꓟ ꓟꓶꓻ ꓓꓴ ꓕꓲ ꓟ ꓥ ꓢꓲ꓾ ꓖꓳ ꓟ ꓠꓬ ꓠꓲꓹ ꓧꓳꓹ ꓫꓵ: ꓧꓳꓹ ꓡꓰ ꓝꓲˍ ꓟ ꓢꓰ-ꓩꓳ-ꓠꓲ ꓕꓲ ꓟ ꓒꓬꓱꓼ ꓠꓹ ꓟ ꓕꓲ ꓠꓲꓹ ꓕꓲ ꓪ ꓬꓰ ꓠꓹ ꓟ ꓔꓯ Cardinal Hollerich ꓡꓰ ꓬꓲ. ꓪꓴ. ꓐꓯ ꓟ. ꓖꓶ ꓗꓷꓳ= ꓖꓳ ꓟ ꓡꓰ: ꓟ: ꓞꓲꓺ ꓟꓶꓻ ꓢꓯꓼ ꓟ: ꓪ: ꓟ: ꓫꓱ. ꓟ ꓫꓵ: ꓪꓴꓻ ꓟ: ꓒꓬꓱꓼ ꓡꓰ ꓝꓲ ꓠꓹ ꓟ ꓠꓱ. ꓐꓯ ꓟꓶꓻ ꓓꓴ ꓐꓰ ꓕꓲ ꓡꓰꓹ ꓔ: ꓧꓳ: ꓬꓰ ꓢꓲ꓾ ꓕꓱ ꓟ ꓔꓯ ꓮ ꓟꓬꓹ ꓧꓪꓹ ꓬꓰ ꓠꓯꓹ ꓟ ꓥ ꓡꓳ= ꓠꓬꓲ: ꓙꓰ ꓕꓲ ꓙꓰ: ꓠꓬ꓾ Cardinal Hollerich ꓡꓰ ꓕꓲ ꓠꓲꓹ ꓕꓲ ꓪ ꓙꓻ ꓫꓱ: ꓙꓰˍ ꓟ ꓠꓬ ꓙ: ꓣꓳ ꓠꓲꓹ ꓙꓳ ꓠ ꓔ ꓟ꓾ ꓟꓬꓱ: ꓕꓱ ꓟ ꓠꓬ ꓙ: ꓣꓳˍ ꓕꓯ ꓢꓲ. ꓡꓰ: ꓣꓳ ꓐꓴ ꓬꓰ ꓐ ꓡˍ ꓟ ꓥ ꓢꓲ꓾ ꓙꓻ ꓖꓴ ꓕꓱ ꓟ ꓗꓪ ꓕꓲ ꓪ ꓙꓻ ꓫꓱ: ꓙꓰ ꓐ ꓡˍ ꓟ ꓔꓯ ꓐꓯ ꓖꓶ: ꓗꓷꓳ= ꓡꓳꓹ ꓬꓰˍ ꓕꓯ Cardinal Hollerich ꓠꓬ꓾ ꓕꓲ ꓠꓲꓹ ꓕꓲ ꓪ ꓙꓻ ꓫꓱ: ꓙꓰ ꓔꓬꓹ ꓟ ꓘꓴ ꓜꓲꓼ ꓞꓳ ꓠꓬ ꓶꓼ ꓓꓳ: ꓫꓱꓹ ꓓꓳ: ꓬꓲ. ꓙꓲˍ ꓟ ꓓꓳ: ꓔꓯ ꓐꓯ ꓒꓬꓱꓻ ꓠꓹ ꓟ ꓐꓰ ꓪꓴ-ꓢ ꓬꓲ. ꓡ ꓞꓳ ꓮ ꓙꓵ: ꓐꓱ ꓶ ꓚꓲ. ꓛꓬ ꓙꓲꓻ ꓓꓴ ꓐꓱ ꓶ ꓟ: ꓓꓵ: ꓙ: ꓙ: ꓪꓴ-ꓢ ꓟꓬꓱ: ꓬꓰ ꓠꓹ ꓟ ꓬꓰ-ꓢꓴ ꓢꓲꓺ ꓒ ꓡꓰ ꓝꓲ ꓩꓴ ꓔ ꓟ ꓘꓴ-ꓜꓲꓼ ꓞꓳ ꓥ ꓟ ꓔꓯ ꓐꓯ ꓟ. ꓖꓶ ꓗꓷꓳ=

ꓖꓳ ꓗꓸ ꓠꓯꓸ ꓢꓷꓸ ꓠꓲꓹ ꓙ ꓜꓲꓼ ꓟ ꓐꓰ ꓕꓳ ꓶ ꓫꓬꓹ ꓔꓱ_ ꓟ ꓜꓴ ꓗꓪ ꓐꓰ ꓔꓲꓺ ꓒ Clarence Devadass ꓡꓰ ꓕꓲ ꓒꓳꓹ ꓗꓪ ꓐꓰ ꓙ ꓖꓶ ꓔ ꓟ ꓕꓳ ꓶ ꓕꓲ ꓐꓱ ꓐꓰ ꓜꓲꓼ ꓡ ꓢꓴ ꓝꓲ ꓓꓴ ꓐꓴ ꓡꓰ ꓢꓷꓸ ꓠꓲꓹ ꓖꓶ ꓔ ꓟ ꓮ ꓙꓵꓽ ꓐ_ ꓟ ꓟꓬꓱꓽ ꓚꓱꓹ ꓔꓯ ꓐꓯ ꓗꓷꓳ= ꓜꓴ ꓘꓴꓽ ꓗꓪ ꓐꓰ ꓦ ꓢꓯꓼ ꓪ ꓘꓶꓽ ꓐꓱ ꓶ ꓙ ꓖꓶ_ ꓟ ꓗꓪ ꓐꓰ ꓜꓲꓼ ꓡ ꓢꓴ ꓝꓲ ꓓꓴ ꓐꓴ ꓔꓯ ꓢꓲ ꓡꓲꓹ ꓐꓰ ꓔꓬ ꓢꓲ ꓓꓵꓽ ꓙ ꓠꓹ ꓟ ꓐꓯ ꓗꓷꓳ= ꓟꓳ ꓡꓳꓼ ꓖꓪ ꓙꓱ ꓜꓲꓼ ꓓꓴ ꓗꓪ ꓝꓲ ꓓꓴ ꓐꓴ ꓠꓬ ꓮꓢꓲꓮ ꓗꓪ ꓔꓬ ꓟ ꓙꓲ-ꓢꓴ ꓢꓲ ꓤ ꓐꓴ ꓠꓲꓹ ꓧꓳ ꓫꓵꓽ ꓧꓳ ꓐꓰ ꓪꓴ ꓟꓴ ꓡ ꓠꓹ ꓟ꓾ ꓘꓴ ꓜꓲꓼ ꓞꓳ ꓫꓬꓹ ꓔꓶ_ ꓟ ꓙꓵꓽ ꓗ ꓔꓯ ꓮ ꓡꓲ ꓐꓰ ꓒꓳꓹ ꓠ ꓔ ꓡ? ꓟꓽ ꓥ ꓠꓬ ꓫꓬꓹ ꓠꓹ ꓟ ꓣꓱꓽ

ꓬꓯꓼ_ ꓡ? ꓠ ꓠꓬꓲ ꓘꓶꓽ ꓐꓰ ꓝꓲ ꓓꓴ ꓐꓴ ꓔꓯ 2023 ꓘꓼ 10 ꓦ ꓖꓪ ꓙꓱ ꓜꓲꓼ ꓓꓴ ꓐꓰ 2024 ꓘꓳꓼ 10 ꓦ ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ ꓗꓪ ꓐꓰ ꓖꓪ ꓙꓱ ꓜꓲꓼ ꓟ ꓘꓴꓽ ꓗꓪ ꓒꓬꓱꓼ ꓠꓲꓹ ꓫꓵ_ ꓟ ꓠꓬ ꓮ ꓫꓵ ꓥ ꓡ ꓐꓯ_ ꓟ ꓠ ꓠꓬꓲ ꓘꓶꓽ ꓠꓬꓲꓽ ꓘꓶꓽ ꓐꓰ ꓝꓮꓲ ꓔꓱꓹ ꓕ ꓝꓲ_ ꓡꓳ=ꓖꓳ ꓗꓸ ꓠꓯꓸ ꓝꓲ ꓓꓴ ꓐꓴ ꓠꓬ ꓖꓪ ꓙꓱ ꓜꓲꓼ ꓓꓴ ꓬꓲꓸ ꓟꓶ ꓕꓲ ꓒꓳꓹ ꓗꓪ ꓐꓰ ꓬꓲ ꓪ ꓓꓵꓽ ꓙ_ ꓟ ꓔꓯ ꓐꓯ ꓡꓯꓼ ꓘꓳ ꓢꓲ꓾ ꓢꓲ ꓡꓲꓹ ꓐꓰ ꓪꓽ ꓘꓴ ꓔꓬ ꓟ ꓙꓵꓹ ꓥ ꓡꓳ= ꓬꓲꓸ ꓟꓶ ꓐꓯ ꓑꓶ_ ꓟ ꓗꓪ ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ ꓔꓲꓺ ꓒ ꓓꓽ ꓜꓴ ꓗꓪ ꓐꓰ ꓟꓬꓱꓺ ꓢꓲꓺ ꓙ ꓢꓴ ꓥ ꓟ Mario Cardinal Grech ꓡꓰ ꓝꓲ ꓓꓴ ꓐꓴ ꓔꓯ ꓖꓪ ꓙꓰ ꓜꓲꓼ_ ꓟ ꓢꓽ ꓠꓬꓲ ꓘꓴꓽ ꓐꓱ ꓶ ꓬꓲ ꓡꓰ ꓟꓳ_ ꓟ ꓓꓵꓽ ꓙ_ ꓟ ꓔꓯ ꓢꓷꓸ ꓙ ꓟꓳ ꓙ ꓢꓲ ꓝꓲ ꓓꓴ ꓐꓴ ꓔꓯ ꓕꓱ ꓖꓪ ꓙꓱ ꓜꓲꓼ ꓓꓴ ꓗꓪ ꓬꓲ ꓪ ꓙ ꓫꓱꓽ_ ꓟ ꓠꓬ ꓙꓲ ꓖꓴ ꓙꓳ_ ꓟ ꓐꓰ ꓜꓲꓼ ꓡ ꓢꓴ ꓔꓹ ꓢꓴ ꓮ ꓙꓵ ꓢꓴ ꓔꓯ ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ ꓡꓱꓼ ꓗꓪ ꓐꓰ ꓟꓲ ꓡꓰ ꓓꓴ ꓟꓽ ꓥ ꓐꓰ ꓐꓯ_ ꓡꓳ= ꓮꓢꓲꓮ ꓕꓲ ꓟ ꓡꓱꓼ ꓗ-ꓕꓳꓡꓲꓗ ꓔꓲꓺ ꓒ ꓓꓽ ꓜꓴ ꓚꓰ ꓗꓪ ꓐꓰ ꓟꓬꓱꓺ ꓢꓲꓺ ꓔꓲꓺ ꓒ ꓓꓽ Kikuchi ꓡꓰ ꓕꓱ ꓖꓪ ꓙꓱ ꓜꓲꓼ ꓓꓴ ꓠꓬ ꓧꓪꓸ ꓡꓰ_ ꓟ꓾ ꓜꓲꓼ ꓡ ꓢꓴ ꓐꓴ ꓔꓯ ꓫ ꓟꓳ ꓘꓶꓽ ꓐꓰ ꓫꓱꓸ ꓖꓶ_ ꓟ ꓥꓳ=

ꓖꓪ ꓙꓱ ꓜꓲꓼ ꓓꓴ ꓬꓲꓸ ꓟꓶꓽ ꓟꓲ-ꓢ ꓪꓽ ꓘꓴ ꓙꓵꓹ ꓔꓯ ꓮꓢꓲꓮ ꓡꓱꓼ ꓗꓪ ꓐꓰ ꓗ-ꓕꓳ-ꓡꓲꓗ ꓔꓲꓺ ꓒ ꓓꓽ ꓜꓴ ꓢ ꓡ ꓙꓵ꓾ ꓬꓥꓖꓳ ꓔꓲꓺ ꓒ ꓓꓽ ꓜꓴ ꓚꓰ ꓗꓪ ꓐꓰ ꓔꓲꓺ ꓒ ꓓꓽ Cardinal Charles Bo ꓾ ꓐꓮꓠꓖꓗꓳꓗ ꓔꓲꓺ ꓒ ꓓꓽ ꓜꓴ ꓚꓰ ꓗꓪ ꓐꓰ ꓔꓲꓺ ꓒ ꓓꓽ Francis Xavier Kriengsak Kovitvanit꓾ ꓲ-ꓓꓲ-ꓬ ꓗꓴꓷꓼ ꓗꓪ ꓐꓰ Cardinal George Cardinal Alencherry꓾ Major Archbishop of Ernakulam-Angamaly (Syro-Malabar) ꓐꓰ ꓖꓴ ꓟꓶꓸ ꓗꓳꓣꓰꓮ ꓗꓴꓷꓼ ꓢꓴ-ꓪꓯ ꓗꓪ ꓐꓰ ꓔꓲꓺ ꓒ ꓓꓽ Mathias Ri long-hoon (Lee Yong-Hoon) ꓐꓴ ꓡꓰ ꓧꓳꓽ ꓪꓴꓸ ꓟꓴ ꓗꓷ ꓟ ꓥꓳ= ꓕꓱ ꓖꓪ ꓙꓱ ꓜꓲꓼ ꓓꓴ ꓠꓬ ꓢꓲꓺ ꓒ ꓬꓰ-ꓢꓴ ꓡꓲ ꓛꓲ ꓟꓵꓽ ꓛꓱ, ꓗꓪ ꓙꓰ ꓢꓲ ꓠꓬꓲ ꓪꓽ ꓘꓴ ꓟ ꓐꓰ ꓫꓱ ꓡꓯ ꓘꓳ, ꓢꓲ ꓠꓬꓲ ꓬꓰ ꓠ, ꓟ ꓟꓬꓱꓽ ꓮ ꓟꓬ, ꓙꓳ ꓡꓳ꓿ ꓮ ꓫꓵꓽ ꓑꓶ. ꓓꓴ ꓥ ꓐꓯ ꓠꓬ ꓕꓱ ꓟ ꓠꓬ ꓘꓴ ꓜꓲꓼ ꓞꓳ ꓘꓴꓽ ꓔꓯ ꓠ ꓠ, ꓠ ꓟ ꓐꓰ ꓟꓬꓱꓽ ꓮ ꓡꓰ ꓐꓰ ꓬꓰ ꓠ, ꓟ ꓢꓷ. ꓠ, ꓔ ꓟ ꓚꓱ, ꓥ ꓡꓳ꓿ ꓕꓱ ꓬꓰ ꓠ, ꓟ ꓟꓬꓱꓽ ꓠꓬ ꓪꓴ-ꓢ ꓐꓯ ꓘꓶꓽ ꓔꓯ ꓚꓺ ꓟ. ꓖꓶ ꓠ, ꓟ ꓥ ꓡꓳ ꓐꓰ ꓚꓮꓣꓓꓲꓠꓮꓡ ꓚꓧꓣꓮꓡꓰꓢ ꓐꓳ ꓡꓰ ꓟ. ꓟꓲ ꓚꓺ ꓟ. ꓖꓶ ꓗꓷꓳ꓿ ꓚꓮꓣꓓꓲꓠꓮꓡ ꓡꓰ ꓚꓺ ꓗꓷ ꓟ ꓟ. ꓟꓲ ꓗꓪ ꓣꓳ ꓠꓬ ꓓꓴ ꓙ ꓒꓳ, ꓡꓶ. ꓠ, ꓟ ꓭ ꓛꓵꓻ ꓟ ꓚꓱ, ꓔꓯ ꓐꓯ ꓟ. ꓖꓶ ꓗꓷꓳ꓿

ꓕꓱ ꓟ ꓔꓯ L.E.N.T. ꓐꓯ ꓟ ꓡꓲ ꓘꓶꓽ ꓗꓪ ꓐꓰ ꓐꓯ ꓟ. ꓖꓶ ꓗꓷꓳ꓿ ꓡ꓿ ꓐꓯ ꓟ ꓠꓬ ꓡꓳ ꓩꓴ ꓗꓷ ꓐꓯ ꓟ ꓟ. ꓟꓲ ꓥ ꓡꓳ꓿ ꓕꓲ ꓠꓲ. ꓕꓲ ꓪ ꓙ ꓫꓱꓽ ꓟ ꓠꓬ ꓙꓲꓻ ꓟ ꓥ ꓡꓳ꓿ ꓬꓰ ꓙ ꓔꓳ ꓙ ꓟ ꓠꓬ ꓪꓴꓽ ꓟꓴ ꓡ ꓚꓱ, ꓗꓪ ꓮ ꓘꓶ. ꓛꓲ ꓭ ꓛꓵꓻ ꓟ ꓕꓲ ꓫꓵꓽ ꓥ ꓡꓳ꓿ ꓕꓱ ꓡꓰ ꓐꓰ ꓙ ꓫꓱ ꓔꓬ ꓟ ꓘꓴ ꓜꓲꓼ ꓞꓳ ꓠꓬ ꓣꓳ ꓔꓯ ꓟꓽ ꓙꓲꓻ ꓟ ꓗꓪ ꓗ, ꓕꓽ ꓟ ꓚꓱ, ꓔꓯ ꓡꓳ ꓩꓴ ꓑꓬ ꓩꓴ ꓠ, ꓟ ꓟꓬꓱꓽ ꓔꓯ ꓮ ꓡꓰ ꓬꓰ ꓠ, ꓟ ꓢꓳ ꓣꓴ ꓠ ꓔ ꓡꓳ꓿ ꓰ꓿ ꓐꓯ ꓟ ꓠꓬ ꓙ ꓡꓯꓽ ꓘꓳ ꓐꓯ ꓟ ꓥ ꓡꓳ꓿ ꓢꓲꓺ ꓒ ꓬꓰ-ꓢꓴ ꓝꓲ ꓓꓴ ꓒꓬꓱꓼ ꓡ ꓠ, ꓟ ꓙ ꓫꓱꓽ ꓔꓬ ꓢꓴ ꓐꓴ ꓠꓯꓻ ꓗꓪ ꓔꓶ. ꓙꓱꓽ ꓕꓲ ꓫꓵꓽ ꓙꓳ ꓟ ꓥ ꓡꓳ꓿ ꓢꓲꓺ ꓒ ꓬꓰ-ꓢꓴ ꓐꓰ ꓙ ꓡꓯ ꓘꓳ ꓠ, ꓟ ꓮ ꓟꓶ ꓟ ꓙꓵ, ꓗꓪ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓣꓱꓽ ꓢꓴ ꓔꓲꓺ ꓒ ꓪ ꓔꓲ ꓝꓣꓮꓚꓲꓢ ꓔꓯ ꓔꓯꓺ ꓢꓳ ꓠ, ꓟ ꓥ ꓡꓳ꓿ ꓣꓳ ꓡꓳ. ꓟꓳ ꓟ ꓔꓯ ꓙꓲꓻ ꓟ ꓕꓲ ꓒꓳ, ꓗꓪ ꓡꓳ. ꓟꓳ ꓖꓴ. ꓠ, ꓟ ꓐꓰ ꓣꓳ ꓠ ꓠ, ꓑꓺ ꓙꓽ ꓟ ꓔꓯ ꓮ ꓘꓶ. ꓛꓲ ꓢꓯꓼ ꓕꓵꓼ ꓢꓲ ꓠꓬꓲ ꓠ, ꓡꓳ ꓠ, ꓟ ꓥ ꓡꓳ꓿ ꓞꓳ ꓤ ꓮ ꓟꓬ, ꓔꓬ ꓗꓪ ꓙꓰ ꓗꓷ ꓔꓯ ꓬꓲ. ꓪ ꓐꓰ ꓕꓲ ꓪ ꓠꓽ ꓗꓴ. ꓠ, ꓟ ꓐꓰ ꓞꓳ ꓫ. ꓔꓯ ꓟꓽ ꓙꓲꓻ ꓟ ꓡ ꓞꓳ ꓟꓽ ꓫꓬ ꓟ ꓡ ꓞꓳ ꓐꓰ ꓟꓽ ꓫ. ꓕꓱ ꓠ, ꓟ ꓥ ꓡꓳ꓿ ꓬꓲ. ꓪ ꓔꓯ ꓠꓵꓻ ꓠꓲ, ꓡꓰ ꓬꓰ ꓙ ꓔꓳ ꓙ ꓠ, ꓟ ꓭ ꓛꓵꓻ ꓡꓳ꓿ ꓖꓳ ꓡꓱ ꓐꓰ ꓢꓲꓺ ꓒ ꓬꓰ-ꓢꓴ ꓫ. ꓢꓴ ꓟꓷꓼ ꓢꓴ ꓐꓴ ꓔꓯ ꓬꓰ ꓙ ꓟ ꓡꓰ ꓐꓰ ꓣꓳ ꓔꓯ ꓬꓰ ꓠ, ꓟ ꓘꓴ ꓔꓬ ꓟ ꓥ ꓡꓳ꓿ ꓠ꓿ ꓐꓯ ꓟ ꓠꓬ ꓣꓳ ꓦꓲꓻ ꓒ ꓕꓲ ꓗꓪ ꓔꓬ ꓢꓴ ꓜꓶꓽ ꓜꓶꓽ ꓢꓴ ꓐꓯ ꓟ ꓥ ꓡꓳ꓿

ꓙꓲˍ ꓟ ꓢ-ꓟ-ꓡꓲ ꓡ ꓞꓳ ꓕꓲ ꓣꓳ ꓔꓯ ꓥꓳꓽ ꓡꓰ ꓐꓰ ꓥ ꓡꓳ꓿ ꓣꓳ ꓦꓲꓻ ꓒ ꓕꓲ ꓗꓪ ꓔꓬ ꓢꓴ ꓐꓴ ꓠꓬ ꓮꓽ ꓟ ꓥ ꓡ? ( ꓡꓴ-ꓘ10ꓽ 29) ꓗꓪ ꓐꓯ ꓔ ꓟ ꓐꓯ ꓘꓶꓽ ꓥ ꓡꓳ꓿ ꓬꓲ. ꓟꓶ ꓗꓪ ꓙꓲˍ ꓟ ꓢ-ꓟ-ꓡꓲ ꓡ ꓞꓳ ꓠꓬ ꓠꓵꓻ ꓠꓲ, ꓙꓳ ꓢꓴ ꓥ ꓡꓳ꓿ ꓮ-ꓫ ꓟꓵꓽ ꓗꓪ ꓔꓬ ꓢꓴ ꓣꓳ ꓠꓬ ꓡ ꓞꓳ ꓮ ꓟꓬ, ꓟꓽ ꓔꓬ ꓢꓴ ꓐꓴ ꓥ ꓢꓲ ꓠꓬꓲ ꓕꓲ ꓣꓳ ꓛꓳ ꓕꓲ ꓣꓳ ꓙ ꓡꓯ ꓘꓳ, ꓚꓱ, ꓶ ꓡꓯꓼ ꓬꓰ ꓚꓱ, ꓙꓵꓻ ꓠꓲ ꓚꓱ, ꓗꓪ ꓟꓽ ꓪ ꓡꓯ ꓘꓳ ꓓꓴ ꓮ ꓟꓬ,ꓫꓵꓽ ꓙꓳ ꓟ ꓗꓪ ꓔꓬ ꓢꓴ ꓐꓴ ꓥ ꓡꓳ꓿ ꓕꓱ ꓟꓽ ꓪ ꓡꓯ ꓘꓳ, ꓓꓴ ꓙꓳ ꓟ ꓗꓪ ꓔꓬ ꓢꓴ ꓐꓴ ꓫ. ꓢꓴ ꓟꓷꓼ ꓢꓴ ꓣꓱ ꓞ ꓔꓬ ꓢꓴ ꓐꓴ ꓔꓯ ꓬꓰ ꓙ ꓔꓳ ꓙ ꓠ, ꓟ ꓘꓴ ꓔꓬ ꓡꓳ꓿

Cardinal Bo ꓠꓬ ꓟꓴꓽ ꓖꓪ ꓐꓳ ꓒ ꓡꓰ ꓐꓯ ꓔ ꓟ ꓔꓯ ꓒꓳꓹ ꓢꓲ ꓐꓯ ꓟꓸ ꓖꓶˍ ꓡꓳ=''ꓳ ꓢꓲꓺ ꓒ ꓪꓴ-ꓢꓺꓳ꓾ ꓠꓴ ꓦ ꓔꓯ ꓝꓲ ꓩꓴ ꓡ ꓢꓲ꓾ ꓟꓲ ꓠꓯ ꓔꓯ ꓬꓲ ꓫꓵꓼ ꓫꓬꓹ ꓖꓶ ꓡꓯ''= ꓖꓪ ꓙꓱꓻ ꓜꓲꓼ ꓓꓴ ꓕꓱ ꓟ ꓗꓪ ꓢꓲ: ꓫꓬ ꓟ ꓦ ꓪꓴ-ꓢ ꓠꓬ ꓥꓪ ꓠꓴ: ꓔꓯ ꓐꓯ ꓖꓶ ꓡˍ ꓟ ꓔꓯ ꓠ ꓠꓹ ꓠꓹ ꓟ ꓥꓪ ꓠꓴ: ꓔꓯ ꓘꓴˍ ꓟ ꓥ ꓡꓳ꓾ ꓐꓰ ꓐꓯ ꓡꓳ= ꓖꓳ ꓟ ꓪꓴꓸ ꓠꓬꓲ ꓣꓳ ꓐꓴ ꓠꓬ ꓘꓴ-ꓜꓲ-ꓞꓳ ꓤꓶꓸꓹ ꓠꓯꓸꓼ ꓗꓪ ꓬꓲ ꓫꓵꓼ ꓫꓬꓹ ꓦꓵꓻ ꓠꓹ ꓟ ꓐꓱ ꓶ ꓕꓲ ꓠꓲꓹ ꓕꓲ ꓪ ꓙꓰ ꓔꓬ ꓐꓭˍ ꓠꓬ꓾ ꓣꓳ ꓐꓴ ꓠꓬ ꓣꓳ ꓢꓯꓼ ꓪ ꓗꓪ ꓐꓰ ꓮ ꓫꓵ: ꓔꓯ ꓥ ꓟꓲ ꓧꓪ. ꓡꓰ ꓟ: ꓘꓴ ꓟ ꓪꓴꓸ ꓠꓬꓲ ꓣꓳ ꓐꓴ ꓠꓬ ꓢꓲ: ꓫꓬꓹ ꓟ ꓦ ꓬꓲ. ꓢꓯꓼ ꓪ ꓔꓯ ꓣꓱꓽ ꓞꓹ ꓟ ꓥ ꓡꓳ= ꓖꓪ ꓙꓱꓻ ꓜꓲꓼ ꓓꓴ ꓕꓱ ꓟ ꓗꓪ ꓕꓲ ꓠꓲꓹ ꓕꓲ ꓪ ꓙꓻ ꓫꓱ: ꓔꓬ ꓕꓯ ''ꓪꓴ-ꓢ ꓬꓲ ꓕꓲ ꓣꓳ ꓔꓯ ꓡꓰ: ꓣꓱ: ꓙ ꓠꓹ ꓟ'' ꓣꓳ ꓐꓴ ꓠꓬ ꓢꓲꓺ ꓒ ꓬꓲ ꓒꓳꓹ ꓡꓶ. ꓖꓶˍ ꓟ ꓣꓱ: ꓛꓰ: ꓔꓯ ꓮ ꓕꓯ ꓥˍ ꓟꓲ ꓣꓱ: ꓞꓹ ꓟ ꓥ ꓡꓳ= ꓟꓲ-ꓢ ꓪ: ꓘꓴˍ ꓟ ꓘꓴ: ꓗꓪ ꓖꓪ ꓙꓱꓻ ꓜꓲꓼˍ ꓟ ꓜꓴꓻ ꓗꓪ ꓟ ꓝꓲ ꓓꓴ 12 ꓣꓳ ꓔꓯ ꓖꓪ ꓙꓱꓻ ꓜꓲꓼˍ ꓟ 3 ꓠꓬꓲ ꓘꓴ: ꓗꓪ ꓬꓲ ꓪ ꓕꓲ ꓣꓳ ꓐꓰ ꓕꓲ ꓣꓳ ꓙꓻ ꓡꓯ ꓘꓳˍ ꓟ ꓐꓰ ꓬꓲ. ꓪ ꓬꓰˍ ꓟ ꓔꓯ ꓚꓲ. ꓔ ꓟ ꓢꓷ. ꓡꓰ ꓓꓴ ꓥ ꓟ ꓒꓴ ꓑꓮꓲ: ꓟꓲ-ꓢ ꓪ: ꓘꓴˍ ꓟ ꓗꓪ ꓢꓲꓹ ꓪꓰꓻ ꓐꓰ ꓶꓼ ꓥꓳ: ꓙꓱ: ꓖꓶ ꓗꓷ ꓟ ꓑꓶꓻ ꓡꓹ (ꓒꓬꓳ. ꓔꓲ) ꓐꓴ ꓔꓯ ꓔꓯꓹ ꓔ ꓝꓲ ꓢꓲ ꓟꓲ-ꓢ ꓗꓪ ꓧꓳ: ꓣꓱ: ꓢꓴ ꓐꓴ ꓟꓲ: ꓙꓬ ꓗꓪ ꓒꓵ: ꓗ ꓬꓰ ꓖꓶ: ꓗꓷꓳ=