ꓲ‐ꓓꓲ‐ꓬ ꓗꓴꓷꓼ ꓗꓪ ꓐꓰ ꓫꓬ, ꓦ ꓟ ꓤ ꓠꓱ ꓤ ꓠꓯꓻ ꓞꓲꓼ ꓓꓳꓻ ꓟ ꓪꓴ. ꓠꓬꓲ ꓖꓯ‐ꓐꓲ‐ꓬ ꓗꓴꓷꓼ ꓗꓪ ꓤ ꓠꓱ ꓤ 66 ꓣꓳ ꓫꓵꓻ ꓡꓰ ꓟ ꓓꓳꓽ

ꓲ‐ꓓꓲ‐ꓬ ꓗꓴꓷꓼ ꓗꓪ ꓐꓰ ꓫꓬ, ꓦ ꓟ ꓤ ꓠꓱ ꓤ ꓠꓯꓻ ꓞꓲꓼ ꓓꓳꓻ ꓟ  ꓪꓴ. ꓠꓬꓲ ꓖꓯ‐ꓐꓲ‐ꓬ ꓗꓴꓷꓼ ꓗꓪ ꓤ ꓠꓱ ꓤ 66 ꓣꓳ ꓫꓵꓻ ꓡꓰ ꓟ ꓓꓳꓽ

10 ꓦ ꓟ 6 ꓠꓬꓲ 2022 ꓘꓳꓼ ꓕꓯ ꓲ‐ꓓꓲ‐ꓬ ꓗꓴꓷꓼ ꓗꓪ ꓐꓰ ꓫꓬ, ꓦ ꓟ ꓤ ꓠꓱ ꓤ ꓠꓯꓻ ꓞꓲꓼ ꓓꓳꓻ ꓗꓷ ꓟ ꓪꓴ. ꓠꓬꓲ ꓖꓯ‐ꓐꓲ‐ꓬ ꓗꓴꓷꓼ ꓗꓪ ꓤ ꓠꓱ ꓤ 66 ꓣꓳ ꓫꓵꓻ ꓡꓰꓳ꓾ ꓐꓰ ꓢꓷ. ꓪ ꓡꓳ꓿ ꓕꓱ ꓤ ꓠꓱ ꓤ ꓐꓴ ꓫꓵꓻ ꓗꓪ ꓛꓲ ꓒꓬꓱꓼ ꓡꓰ ꓟ ꓠꓬ ꓲ‐ꓓꓲ‐ꓬ ꓗꓴꓷꓼ ꓡꓰ ꓫꓬ, ꓦ ꓟ ꓤ ꓠꓱ ꓤ ꓐꓴ ꓐꓱ ꓶ  ꓟ ꓛꓶꓽ ꓥꓶꓽ ꓟꓽ ꓝꓲ. ꓠꓯꓻ ꓞꓲꓼ ꓥ ꓡꓳ ꓐꓰ ꓪꓧꓳ ꓜꓴꓻ ꓡꓰ ꓐꓯ ꓔ ꓡꓳ꓿ ꓪꓧꓳ ꓜꓴꓻ ꓠꓬ ꓲ‐ꓓꓲ‐ꓬ ꓗꓴꓷꓼ ꓗꓪ ꓫꓬ, ꓔ ꓟ ꓤ ꓠꓱ ꓤ ꓠꓯꓻ ꓞꓲꓼ ꓫꓬ, ꓔꓶ. ꓔꓯ ꓚ ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓖꓯ‐ꓐꓲ‐ꓬ ꓗꓴꓷꓼ ꓗꓪ ꓲ‐ꓓꓲ‐ꓬ ꓗꓴꓷꓼ ꓗꓪ ꓐꓰ ꓗꓴꓷꓼ ꓙꓵꓽ ꓢꓴ ꓐꓴ ꓡꓰ ꓙꓵꓽ ꓪ ꓟꓽ ꓖꓶ ꓔ ꓟ ꓤ ꓠꓱ ꓤ ꓠꓯꓻ ꓞꓲꓼ ꓮ ꓟꓬ, ꓛꓲꓺ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓤ ꓠꓱ ꓤ ꓠꓯꓻ ꓞꓲꓼ ꓔꓯ ꓓꓳꓻ ꓗꓷ ꓗ. ꓠꓯ 3 ꓠꓬꓲ ꓕꓯ ꓠꓻ ꓓꓴ ꓔꓳ, ꓜꓳꓽ ꓡ ꓢꓲ ꓠꓬꓲ ꓫꓵꓻ ꓢꓴ ꓥ ꓟꓲ ꓙꓳˍ ꓡꓳ ꓐꓰ ꓢꓷ. ꓪ ꓡꓳ꓿