ꓲ‐ꓓꓴ‐ꓠꓲ‐ꓫ ꓗꓴꓷꓼ ꓗꓪ ꓤ ꓠꓱ ꓤ ꓐꓴ ꓠꓯꓻ ꓞꓲꓼ ꓓꓳꓻˍ ꓟ ꓑꓶ. ꓓꓴ ꓫꓵꓻ ꓢꓴ (195) ꓣꓳ ꓙꓳˍ ꓟ ꓓꓳꓽ

ꓲ‐ꓓꓴ‐ꓠꓲ‐ꓫ ꓗꓴꓷꓼ ꓗꓪ ꓤ ꓠꓱ ꓤ ꓐꓴ ꓠꓯꓻ ꓞꓲꓼ ꓓꓳꓻˍ ꓟ  ꓑꓶ. ꓓꓴ ꓫꓵꓻ ꓢꓴ (195) ꓣꓳ ꓙꓳˍ ꓟ ꓓꓳꓽ

11 ꓦ ꓟ 8 2022 ꓘꓳꓼ ꓕꓯ ꓲ‐ꓓꓴ‐ꓠꓲ‐ꓫ ꓗꓴꓷꓼ ꓗꓪ ꓤ ꓠꓱ ꓤ ꓐꓴ ꓠꓯꓻ ꓞꓲꓼ ꓓꓳꓻ ꓗꓷ ꓟ ꓑꓶ. ꓓꓴ ꓫꓵꓻ ꓢꓴ ꓤ ꓠꓱ ꓤ (195) ꓣꓳ ꓙꓳ ꓡꓰꓳ꓿ ꓠꓻ ꓔꓬ ꓢꓴ ꓤ ꓠꓱ ꓤ ꓐꓴ ꓠꓬ ꓤ ꓠꓱ ꓤ ꓓꓳꓻ ꓓꓴ ꓠꓯꓻ ꓞꓲꓼ ꓓꓳꓻ ꓗꓷ ꓗ ꓠꓯ. ꓫꓵꓻ ꓡꓰ ꓢꓴ ꓤ ꓠꓱ ꓤ ꓐꓴ ꓮꓽ ꓟꓬ, ꓙꓳˍ ꓡꓳ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓔ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓠꓯꓻ ꓞꓲꓼ ꓔꓯ ꓟꓽ ꓪꓴꓽ ꓠ, ꓟ ꓐꓯ ꓑꓶ ꓗꓷꓳ꓿ ꓲ‐ꓓꓴ‐ꓠꓲ‐ꓫ ꓗꓴꓷꓼ ꓗꓪ ꓠꓻ ꓔꓬ ꓢꓴ ꓤ ꓠꓱ ꓤ (320) ꓕꓯꓽ ꓢꓲ ꓙꓳ ꓢꓲ ꓠꓬꓲ ꓠꓻ ꓢꓴ ꓮꓽ ꓟꓬ, ꓔꓯ ꓠꓯꓻ ꓞꓲꓼ ꓦꓲꓻ ꓗꓪ ꓠꓻ ꓫꓬ, ꓔꓬ ꓟ ꓥ ꓡꓳ꓿

ꓫꓵꓻ ꓢꓴ ꓤ ꓠꓱ ꓤ ꓐꓴ ꓠꓬ ꓬꓲ. ꓞꓲꓼ 5 ꓘꓳꓼ ꓙꓳ ꓡꓰ ꓢꓴ ꓐꓴ ꓥ ꓡꓳ꓿ ꓤ ꓠꓱ ꓤ ꓐꓴ ꓠꓻˍ ꓕꓯ ꓣꓱꓽˍ ꓟ ꓠꓯꓻ ꓞꓲꓼ ꓓꓳꓻ ꓗꓷ ꓟ ꓪꓴ. ꓠꓬꓲ ꓤ ꓠꓱ ꓤ ꓐꓴ ꓫꓵꓻ ꓗꓪ ꓛꓲ ꓙꓳ ꓡꓰ ꓟ ꓪꓴ. ꓠꓬꓲ ꓗꓴꓷꓼ ꓘꓴꓽ ꓗꓪ ꓙꓳˍ ꓟ ꓤ ꓠꓱ ꓤ ꓠꓯꓻ ꓞꓲꓼ ꓔꓯ ꓟꓽ ꓪꓴꓽ ꓠ, ꓟ ꓐꓯ ꓗꓷꓳ꓿ ꓝꓮꓲ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓮꓽ ꓫꓵꓽ ꓑꓶ. ꓓꓴ ꓤ ꓠꓱ ꓤ ꓐꓴ ꓫꓵꓻ ꓡꓰ ꓟ ꓔꓯ ꓚꓺ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓮ‐ꓩ‐ꓣꓲ‐ꓗ ꓗꓴꓷꓼ ꓗꓪ ꓥ ꓟꓲ ꓲ‐ꓓꓲ‐ꓬ ꓗꓴꓷꓼ ꓗꓪ ꓐꓰ ꓛꓲ ꓡ ꓟ ꓤ ꓠꓱ ꓤ ꓓꓳꓻ ꓓꓴ ꓠꓯꓻ ꓞꓲꓼ ꓓꓳꓻ ꓗꓷ ꓟ ꓪꓴ. ꓠꓬꓲ ꓤ ꓠꓱ ꓤ (70) ꓫꓵꓻ ꓗꓷ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿