ꓲꓠ‐ꓓꓴ‐ꓠꓲ,‐ꓫ ꓗꓴꓷꓼ ꓙ‐ꓦ ꓟꓵꓽ ꓗꓪ ꓟꓵꓽ ꓙꓴꓽ ꓚꓵ, ꓗꓷ ꓟ ꓪꓴ. ꓠꓬꓲ ꓑ ꓫꓬ (160) ꓣꓳ ꓫꓵꓻ ꓡꓰ ꓢꓲ ꓠꓬꓲ ꓮ ꓟꓬ, ꓠꓻ ꓓꓴ ꓡꓰ ꓟ ꓓꓳꓽ

ꓲꓠ‐ꓓꓴ‐ꓠꓲ,‐ꓫ ꓗꓴꓷꓼ ꓙ‐ꓦ ꓟꓵꓽ ꓗꓪ ꓟꓵꓽ ꓙꓴꓽ ꓚꓵ, ꓗꓷ ꓟ ꓪꓴ. ꓠꓬꓲ ꓑ ꓫꓬ (160) ꓣꓳ ꓫꓵꓻ ꓡꓰ ꓢꓲ ꓠꓬꓲ ꓮ ꓟꓬ, ꓠꓻ ꓓꓴ ꓡꓰ ꓟ ꓓꓳꓽ

11 ꓦ 22 ꓠꓬꓲ 2022 ꓘꓳꓼ ꓕꓯ ꓲꓠ‐ꓓꓴ‐ꓠꓲ,‐ꓫ ꓗꓴꓷꓼ ꓙ‐ꓦ ꓟꓵꓽ ꓗꓪ ꓟꓵꓽ ꓙꓴꓽ ꓚꓵ, ꓗꓷ ꓟ ꓪꓴ. ꓠꓬꓲ ꓑ ꓫꓬ (160) ꓣꓳ ꓫꓵꓻ ꓡꓰ ꓢꓲ ꓠꓬꓲ ꓮ ꓟꓬ, ꓠꓻ ꓓꓴ ꓡꓰꓳ ꓐꓰ ꓐꓯ ꓔ ꓡꓳ꓿ ꓕꓱ ꓟꓵꓽ ꓙꓴ ꓬꓲ. ꓢꓯꓼ ꓠꓬ 6 ꓙꓳˍ ꓟ ꓟꓵꓽ ꓙꓴꓽ ꓥ ꓡꓳ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓔ ꓡꓳ꓿

ꓠꓻ ꓓꓴ ꓡꓰ ꓢꓴ  ꓑ ꓫꓬ ꓐꓴ ꓮ ꓟꓬ, ꓙꓳˍ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓔꓯ ꓠꓯꓻ ꓞꓲꓼ ꓦꓲꓻ ꓗꓪ ꓠꓻ ꓫꓬ, ꓖꓶ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓠꓻ ꓓꓴ ꓡꓰ ꓟ ꓑ ꓫꓬ ꓐꓴ ꓔꓯ ꓚꓬꓴ. ꓙ ꓠ, ꓟ ꓐꓬ ꓡꓰ ꓟ ꓑ ꓫꓬ ꓦꓲꓻ ꓗꓪ ꓬꓰ ꓙ ꓢꓴ ꓜꓴꓻ ꓠꓬ 11 ꓦ ꓟ 21 ꓠꓬꓲ ꓗꓪ ꓐꓰ ꓚꓬꓴ. ꓙˍ ꓟ ꓟꓬꓱꓽ ꓬꓰ ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓟꓵꓽ ꓙꓴꓽ ꓚꓵ, ꓗꓷ ꓟ ꓪꓴ. ꓠꓬꓲ ꓑ ꓫꓬ ꓔꓬ ꓦꓲꓻ (2200) ꓦꓲꓻ ꓐꓰ ꓑ ꓫꓬ (326) ꓣꓳ ꓠꓻ ꓓꓴ ꓡꓰ ꓢꓲ ꓠꓬꓲ ꓑ ꓫꓬ 160 ꓣꓳ ꓫꓵꓻ ꓗꓷ ꓟ ꓥ ꓡꓳ꓿

ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓑ ꓫꓬ ꓐꓴ ꓔꓯ ꓜꓽ ꓓꓴ ꓓꓳ ꓓꓴ ꓐꓰ ꓔꓬ ꓔꓶ. ꓬꓰ ꓙ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓲꓠ‐ꓓꓴ‐ꓠꓲ,‐ꓫ ꓗꓴꓷꓼ ꓗꓪ ꓗꓳ. ꓗꓷ ꓟ 2018 ꓕꓯ ꓟꓵꓽ ꓙꓴꓽ ꓚꓵ, ꓗꓷ ꓟ ꓪꓴ. ꓠꓬꓲ ꓑ ꓫꓬ (2000) ꓣꓳ ꓫꓵꓻ ꓗꓷ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿