ꓲ-ꓓꓲ-ꓬ ꓗꓴꓷꓼ ꓔꓱꓹ ꓫꓵ꓾ Madhya Pradesh ꓗꓴꓷꓼ ꓫꓴ ꓗꓪ ꓪꓽ ꓘꓴ ꓦꓲ ꓮ ꓔꓳꓸ ꓐꓬ ꓗꓷꓳ

ꓲ-ꓓꓲ-ꓬ ꓗꓴꓷꓼ ꓔꓱꓹ ꓫꓵ꓾ Madhya Pradesh ꓗꓴꓷꓼ ꓫꓴ ꓗꓪ ꓪꓽ ꓘꓴ ꓦꓲ ꓮ ꓔꓳꓸ ꓐꓬ ꓗꓷꓳ

ꓲ-ꓓꓲ-ꓬ ꓗꓴꓷꓼ ꓔꓱꓹ ꓫꓵ꓾ Madhya Pradesh ꓗꓴꓷꓼ ꓫꓴ Narmadapuram ꓗꓪ 2 ꓦ 12 ꓠꓬꓲ ꓠꓽ ꓦꓬꓼ ꓠꓬꓲ ꓕꓯ ꓡ ꓞꓳ ꓕꓲ ꓜꓴꓻ ꓡꓰ ꓪꓽ ꓘꓴ ꓦꓲ ꓠꓬꓲ ꓟꓳ ꓒꓰꓼ ꓗꓪ ꓐꓰ ꓓꓵꓽ ꓙꓰ ꓢꓲ ꓠꓬꓲ ꓪ ꓘꓴ ꓦꓲ ꓔꓯ ꓮ ꓔꓳꓸ ꓛꓴ ꓠꓹ ꓟ ꓢꓯꓼ ꓕꓵꓼ ꓗꓷꓳ꓾ ꓐꓰ ꓢꓷꓸ ꓪ ꓡꓳ=

ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓫꓵꓽ ꓪꓴꓻ ꓕꓱ ꓟ ꓠꓬ Chowkipura ꓟꓵꓽ ꓗꓪ ꓙꓳˍ ꓟ ꓪꓽ ꓘꓴ ꓦꓲ ꓗꓪ ꓠꓽ ꓦꓬꓼ ꓠꓬꓲ ꓕꓯ ꓒꓬꓱꓼ ꓗꓷꓳ꓾ ꓐꓰ ꓢꓷꓸ ꓙ ꓟꓳ ꓙ ꓔ ꓡꓳ= ꓟꓯꓼ ꓐꓴ ꓥˍ ꓟꓲ ꓡ ꓞꓳ ꓖꓳ ꓕꓲ ꓜꓴꓻ ꓔꓯ ꓧꓪ ꓠꓹ ꓟ ꓢꓯꓼ ꓕꓵꓼ ꓔꓬ ꓡꓳ=

ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓠꓺ ꓠꓬꓲ ꓚꓬ, ꓠꓬꓲ ꓔ ꓟ ꓗꓪ ꓠꓬ ꓡ ꓞꓳ ꓕꓲ ꓜꓴꓻ ꓠꓬ ꓪꓽ ꓘꓴ ꓦꓲꓻ ꓠꓬꓲ ꓟꓳ ꓒꓰꓼ ꓗꓪ ꓟ ꓤ-ꓗ ꓗꓽ ꓔ ꓟ ꓔꓯ ꓣꓴ ꓦ ꓗꓷ ꓢꓲ ꓪꓽ ꓘꓴ ꓦꓲꓻ ꓘꓴꓽ ꓗꓪ ꓐꓰ ꓮ ꓔꓳꓸ ꓛꓴ ꓠꓹ ꓟ ꓢꓯꓼ ꓕꓵꓼ ꓔꓬ ꓡꓳ꓾ ꓐꓰ ꓢꓷꓸ ꓪ ꓡꓳ= ꓪꓽ ꓘꓴ ꓕꓳꓽ ꓶ ꓑꓷꓠꓽ ꓐꓰ ꓠꓱꓸ ꓐꓯ ꓐꓴ ꓔꓯ ꓥˍ ꓟꓲ ꓮ ꓔꓳꓸ ꓐꓬ ꓗꓷꓳ=

ꓮ ꓔꓳꓸ ꓐꓬ ꓗꓷ ꓟ ꓪꓽ ꓘꓴ ꓦꓲꓻ ꓠꓬ Madhya Pradesh ꓗꓴꓷꓼ ꓫꓴ ꓗꓪ ꓟ Narmadapuram ꓾ Kesla ꓘꓹ ꓜꓴ꓾ Sukhtawa ꓞꓳ ꓘꓹ ꓗꓪ ꓙꓳˍ ꓟ ꓥ ꓢꓲ ꓰꓡꓚꓮ (Evangelical Lutheran Church in America) ꓐꓰ ꓙꓻ ꓡꓯꓽ ꓘꓳ ꓔ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓪꓽ ꓘꓴ ꓦꓲꓻ ꓔꓯ ꓛꓴ ꓗꓷ ꓢꓴ ꓕꓲ ꓧꓳꓽ ꓔꓯ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓙꓵꓽ ꓗ ꓓꓽ ꓟ ꓠ-ꓑ 295 ꓗꓪ ꓐꓰ ꓐꓯ ꓟꓴ ꓔ ꓟ ꓥ ꓢꓲ꓾ ꓬꓲ ꓪ ꓔꓯ ꓣꓴ ꓟꓶ ꓠꓹ ꓟ ꓐꓱ ꓶ ꓟꓯꓼ ꓜꓴꓻ ꓮ ꓟꓬꓹ ꓜꓲꓼ ꓡꓳꓽ ꓔ ꓡꓳ꓾ ꓐꓰ ꓣꓦꓮ ꓓꓳꓽ ꓗꓪ ꓐꓯ ꓔ ꓡꓳ=