ꓲ-ꓓꓲ-ꓬ ꓗꓴꓷꓼ ꓗꓪ 2022 ꓘꓳꓼ ꓘꓴꓽ ꓗꓪ ꓟꓴꓽ ꓖꓴꓽ ꓘꓶꓽˍ ꓟ ꓑꓶꓸ ꓓꓴ 907 ꓣꓳ ꓫꓵꓳ

ꓲ-ꓓꓲ-ꓬ ꓗꓴꓷꓼ ꓗꓪ 2022 ꓘꓳꓼ ꓘꓴꓽ ꓗꓪ ꓟꓴꓽ ꓖꓴꓽ ꓘꓶꓽˍ ꓟ ꓑꓶꓸ ꓓꓴ 907 ꓣꓳ ꓫꓵꓳ

2022 ꓘꓳꓼ ꓘꓴꓽ ꓗꓪ꓾ ꓲ-ꓓꓲ-ꓬ ꓕꓲ ꓗꓴꓷꓼ ꓡꓱꓼ ꓗꓪ ꓟꓴꓽ ꓖꓴꓽ ꓘꓶꓽˍ ꓟ ꓑꓶꓸ ꓓꓴ ꓑ ꓫꓬ 907 ꓣꓳ ꓫꓵ ꓗꓷꓳ ꓐꓰ ꓲ-ꓓꓲ-ꓬ ꓓꓳꓽ ꓫꓵꓽ ꓐꓯ ꓑꓶ ꓖꓴ ꓕꓲ ꓟ ꓗꓪ 12 ꓦ 7 ꓠꓬꓲ ꓕꓯ ꓐꓯ ꓑꓶ ꓔ ꓡꓳ ꓐꓰ ꓢꓷꓸ ꓪ ꓡꓳ=

ꓲ-ꓓꓲ-ꓬ ꓗꓪ ꓮ ꓘꓶꓸ ꓛ ꓡ ꓟ 27 ꓧꓪꓹ ꓐꓰ ꓟꓴꓽ ꓖꓴꓽ ꓕꓳꓽ ꓥꓳ ꓙꓱꓼˍ ꓟ 240 ꓧꓪꓹ ꓗꓪ ꓛꓲꓺ ꓗꓷ ꓡꓰ ꓢꓲ ꓑ ꓫꓬ 907 ꓣꓳ ꓫꓵꓻ ꓗꓷꓳ ꓐꓰ ꓟꓵꓽ ꓘꓳꓼ ꓔꓯ ꓟꓳꓸ ꓙꓵꓽ ꓪ ꓙꓳ ꓢꓴ ꓡꓰ ꓐꓯ ꓡꓳ=

ꓟꓴꓽ ꓖꓴꓽ ꓘꓶꓽˍ ꓟ꓾ ꓬꓲꓻ ꓙꓬ ꓙꓵꓽ ꓟꓷˍ ꓟ ꓐꓰ ꓟꓶꓽ ꓦ ꓓꓽ ꓟ ꓦ ꓗꓷ ꓟ ꓑꓶꓸ ꓓꓴ ꓕꓲ ꓗꓴꓷꓼ ꓡꓱꓸꓼ ꓗꓪ ꓡ ꓞꓳ 2183 ꓣꓳ ꓫꓵꓻ ꓗꓷ ꓢꓲ꓾ ꓫꓵꓽ ꓪꓴ ꓕꓱ ꓟ ꓠꓬ ꓞꓳ ꓤ 3017 ꓣꓳ ꓫꓵꓻ ꓗꓷ ꓟ 2019 ꓘꓳꓼ ꓗ ꓠꓯꓸ ꓮ ꓘꓶꓸ ꓟꓴ ꓓꓯ ꓡ ꓟ ꓥ ꓡꓳ꓾ ꓐꓰ ꓐꓯ ꓡꓳ=

ꓲ-ꓓꓲ-ꓬ ꓗꓴꓷꓼ ꓗꓪ ꓟꓵꓽ ꓘꓳꓽ ꓛ ꓢꓯꓼ ꓠꓬ ꓕꓱ ꓕꓲ ꓦꓬ ꓘꓳꓼ ꓘꓴꓽ ꓗꓪ ꓬꓲ ꓐꓷꓹ ꓟꓴ ꓓꓯꓻ ꓡ ꓢꓲ꓾ ꓡꓯ ꓫꓵ ꓛˍ ꓟ ꓢꓯꓼ ꓔꓯ ꓔꓳꓹ ꓜꓳꓽ ꓡ ꓓꓴ ꓥꓳ꓾ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓑꓶ ꓔ ꓟ ꓗꓪ ꓐꓰ ꓢꓷꓸ ꓪ ꓡꓳ=

Source:EternalPeaceNewsNetwork (EPN)

Photo credit