ꓲ-ꓓꓲ-ꓬ ꓗꓴꓷꓼ ꓗꓪ covid-19 ꓠꓻ ꓫꓵ ꓠꓻ ꓢꓴ ꓡꓯꓼ ꓫꓴꓺ ꓙꓳ ꓔꓬ ꓢꓲ꓾ 24 ꓙꓵꓹ ꓬꓲꓸ ꓘꓴꓽ ꓗꓪ ꓠꓻ ꓫꓵ ꓙꓳ ꓢꓴ 12000 ꓣꓳ ꓙꓳ ꓡꓰ ꓟ ꓓꓳꓽ

Monday, April 24, 2023

ꓲ-ꓓꓲ-ꓬ ꓗꓴꓷꓼ ꓗꓪ covid-19 ꓠꓻ ꓫꓵ ꓠꓻ ꓡꓰ ꓢꓴ 12000 ꓣꓳ ꓟ ꓞꓲꓻ ꓠꓻ ꓢꓴ ꓙꓳ ꓡꓰꓳ ꓐꓰ 4 ꓦ ꓟ 20 ꓠꓬꓲ ꓕꓯ ꓓꓳꓽ ꓗꓪ ꓐꓯ ꓔ ꓟ ꓥ ꓡꓳ=ꓡꓳꓹ ꓬꓰ ꓟ 24 ꓙꓵꓹ ꓬꓲ ꓘꓴꓽ ꓗꓪ ꓠꓻ ꓢꓴ 12591 ꓣꓳ ꓙꓳ ꓡꓰꓳ ꓐꓰ ꓠꓯꓺ ꓞꓲꓼ ꓫꓬꓹ ꓜꓴꓻ ꓐꓴ ꓡꓰ ꓐꓯ ꓔ ꓟ ꓓꓳꓽ ꓗꓪ ꓐꓰ ꓢꓷꓸ ꓪ ꓡꓳ=ꓡꓳꓹ ꓬꓰ ꓟ ꓕꓲ ꓠꓬꓲ ꓬꓲ ꓘꓴꓽ ꓗꓪ ꓠꓻ ꓫꓵ ꓙꓳ ꓢꓴ ꓬꓲ ꓐꓶꓹ 10542 ꓣꓳ ꓙꓳ ꓡꓰ ꓢꓲ꓾ꓲ-ꓓꓲ-ꓬ ꓗꓴꓷꓼ ꓘꓴꓽ ꓗꓪ ꓠꓻ ꓫꓵ ꓙꓳ ꓢꓴ ꓮ ꓙꓵ ꓠꓬ꓾ 65286 ꓣꓳ ꓗꓪ ꓛꓲ ꓙꓳ ꓔꓬ ꓡꓳ ꓐꓰ ꓐꓯ ꓔ ꓡꓳ=

4 ꓦ ꓟ 14 ꓠꓬꓲ ꓗꓪ ꓐꓰ18 ꓠꓬꓲ ꓗꓪ ꓛꓲ ꓠꓬ ꓬꓲ ꓐꓶꓹ ꓠꓻ ꓢꓴ ꓟꓽ ꓔꓬ ꓐꓯ ꓥ ꓟꓲ ꓠꓽ ꓢ ꓠꓬꓲ ꓕꓯ ꓖꓪ ꓙꓱꓻ ꓞꓷꓹ ꓖꓴ ꓗꓪ ꓠꓬ ꓠꓻ ꓫꓵ ꓝꓮꓲ ꓕꓲ ꓧꓪꓹ ꓠꓻ ꓢꓴ ꓟꓬ ꓔꓬ ꓟ ꓔꓯ ꓐꓯ ꓡꓯꓼ ꓘꓳ ꓗꓷ ꓟ ꓟꓲ ꓥꓳ=ꓖꓳ ꓟ ꓪꓴꓸ ꓠꓬꓲ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓠꓻ ꓫꓵ ꓔꓯ ꓗꓽ ꓕ ꓠꓹ ꓟ ꓠꓯꓺ ꓞꓲꓼ ꓐꓴ ꓔꓯ ꓙ ꓖꓶ ꓔ ꓢꓲ꓾ ꓠꓻ ꓫꓵ ꓑꓶ ꓓꓴ ꓓꓵꓽ ꓙ ꓟꓬ ꓓꓴ ꓟꓽ ꓙꓳ ꓠꓹ ꓟ ꓐꓰ ꓬꓲꓸ ꓐ ꓗꓪ ꓙꓰ ꓠꓬ ꓠ ꓘꓴꓽ ꓑꓲꓸ ꓓꓴ ꓔꓯ ꓑꓲꓸ ꓠꓹ ꓟ ꓐꓯ ꓔ ꓡꓳ=