ꓲ-ꓔꓲ-ꓬ ꓗꓴꓷꓼ ꓗꓪ ꓡ ꓞꓳ 100 ꓣꓳ ꓟꓵ: ꓡꓶ: ꓢꓲ ꓑꓲ. ꓔꓲ ꓡꓰ ꓟ ꓓꓳꓽ

Friday, July 21, 2023

ꓲ-ꓔꓲ-ꓬ ꓗꓴꓷꓼ ꓗꓪ ꓡ ꓞꓳ 100 ꓣꓳ ꓟꓵ: ꓡꓶ: ꓢꓲ ꓑꓲ. ꓔꓲ ꓡꓰ ꓟ ꓓꓳꓽ

ꓲ-ꓔꓲ-ꓬ ꓗꓴꓷꓼ ꓗꓪ ꓟꓶꓽ ꓦ ꓮ ꓟꓬꓹ ꓜꓯꓼ ꓡ ꓟ ꓪꓴꓸ ꓠꓬꓲ ꓬꓲꓻ ꓙꓬ ꓙꓵ ꓡ ꓢꓲ ꓟꓵ ꓡꓶꓽ ꓡꓰ_ ꓟ ꓥˍ ꓡꓳ=ꓟꓵꓽ ꓡꓶꓽ ꓡꓰ ꓟ ꓗꓪ ꓡ ꓞꓳ 100 ꓣꓳ ꓟꓽ ꓞꓲ ꓡꓶꓽ ꓔꓲꓸ ꓡꓰ ꓢꓲ꓾ ꓬꓰ ꓙ ꓢꓴ ꓜꓴ ꓐꓴ ꓡꓰ ꓮ ꓘꓶꓸ ꓫꓸ ꓢꓲ ꓬꓰ ꓙ ꓔꓬ ꓟ ꓥˍ ꓡꓳ ꓐꓰ ꓢꓷꓸ ꓪ ꓡꓳ=

ꓕꓱ ꓟꓵ ꓡꓶꓽ ꓡꓰ ꓟ ꓪꓴꓸ ꓠꓬꓲ ꓡ ꓞꓳ 10 ꓣꓳ ꓠꓬ ꓫꓵꓻ ꓡꓰ ꓢꓲ 80 ꓣꓳ ꓔꓯ ꓠꓬ ꓚꓬꓴ ꓙ ꓗꓷꓳ ꓐꓰ ꓢꓷꓸ ꓪ ꓡꓳ=ꓖꓳ ꓡꓱ ꓐꓯ ꓥ ꓟꓲ ꓰ-ꓫ-ꓳ-ꓓꓲ ꓘꓹ ꓠꓬ 225 ꓣꓳ ꓔꓬ ꓟ ꓘꓹ ꓥ ꓢꓲ꓾ 100 ꓣꓳ ꓠꓬ ꓟꓵ ꓡꓶꓽ ꓔꓲ ꓡꓰ_ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=ꓲ-ꓔꓲ-ꓬ ꓗꓴꓷꓼ ꓗꓪ ꓟꓶꓽ ꓦ ꓜꓯ ꓝꓲꓸ ꓥ ꓟ 6 ꓦ ꓟ 1 ꓠꓬꓲ ꓗꓪ ꓐꓰ ꓟꓶꓽ ꓦ ꓜꓯꓼ ꓢꓲ꓾ ꓬꓲꓻ ꓙꓬ ꓙꓵ ꓝꓮꓲ ꓟꓵ ꓡꓶꓽ ꓡ ꓟ ꓪꓴꓸ ꓠꓬꓲ ꓡ ꓞꓳ ꓕꓲ ꓦ ꓣꓳ ꓫꓵꓻ ꓡꓰ ꓟ ꓥ ꓡꓳ=ꓲ-ꓔꓲ-ꓬ ꓗꓴꓷꓼ ꓡꓯꓼ ꓶꓹ ꓕꓲ ꓛꓱ ꓗꓪ ꓠꓬ ꓮ ꓕꓯ ꓟꓶ ꓕꓯ ꓟꓶꓽ ꓦ ꓜꓯꓼ ꓟ ꓕꓯ ꓢꓲ꓾ 41 ꓝꓸ ꓜꓯꓼ ꓡꓳ ꓐꓰ ꓢꓷꓸ ꓠꓲꓹ ꓙꓳ ꓢꓴ ꓐꓴ ꓡꓰ ꓐꓯ ꓔ ꓡꓳ=