ꓴꓢꓮ ꓗꓴꓷꓼ ꓙꓵꓽ ꓢꓲ ꓒ ꓗꓪ ꓐꓰ ꓟꓬ-ꓟ ꓢꓳ ꓤ ꓕꓲ ꓪ ꓔꓯ ꓕꓳ ꓶ ꓐꓳꓻ ꓩꓴ ꓡ ꓖꓶ ꓟ ꓓꓳꓽ

ꓴꓢꓮ ꓗꓴꓷꓼ ꓙꓵꓽ ꓢꓲ ꓒ ꓗꓪ ꓐꓰ ꓟꓬ-ꓟ ꓢꓳ ꓤ ꓕꓲ ꓪ ꓔꓯ ꓕꓳ ꓶ ꓐꓳꓻ ꓩꓴ ꓡ  ꓖꓶ ꓟ ꓓꓳꓽ

NYIꓸ ꓠꓬꓲ 10ꓦ ꓟ 26 ꓠꓬꓲ ꓕꓯ USA ꓗꓴꓷꓼ California ꓡꓳ ꓒꓱ ꓗꓪ ꓔꓬ ꓟ ꓟꓬ-ꓟ ꓢꓳꓻ ꓤ ꓕꓲ ꓪ ꓔꓯ USA ꓗꓴꓷꓼ ꓙꓵ ꓢꓲꓽ ꓒ Joe Biden ꓗꓪ ꓐꓰ ꓕꓳ ꓶ ꓐꓳꓻ ꓡ ꓩꓴ ꓡ ꓟ ꓔꓯ ꓘꓳꓹ ꓣꓴ ꓪ ꓡꓰ ꓐꓰ ꓢꓷꓸ ꓪ ꓡꓳ= USA ꓗꓴꓷꓼ ꓗꓪ ꓔꓬ ꓟ ꓟꓬ-ꓟ ꓢꓳ ꓤ ꓟꓬꓱꓺ ꓠꓬ Doreas ꓥ ꓡꓳ= ꓬꓲ ꓠꓬ ꓟꓬ-ꓟ ꓗꓴꓷꓼ ꓗꓪ ꓒꓬꓱꓼ ꓔꓬ ꓟ ꓫꓵꓽ ꓪꓴ ꓑꓶ ꓓꓴ ꓫꓸ ꓔꓬ ꓟ ꓤ ꓠꓱ ꓤ ꓐꓴ ꓢꓯꓸ ꓐꓬꓱꓽ ꓔꓯ ꓡꓳꓸ ꓟꓳ ꓗꓷ ꓗꓹ ꓠꓯꓹ ꓠꓲ ꓟ ꓟꓽ ꓗꓹ ꓛꓲ ꓟꓹ ꓑꓶ ꓓꓴ USA ꓗꓴꓷꓼ ꓙꓵꓽ ꓢꓲꓽ ꓒ ꓔꓯ ꓕꓳ ꓶ ꓐꓳꓻ ꓖꓶ ꓟ ꓥ ꓡꓳ=

ꓟꓬ-ꓟ ꓗꓴꓷꓼ ꓗꓪ ꓔꓬ ꓟ ꓤ ꓠꓱ ꓤ ꓐꓴ ꓠꓬ ꓫꓵꓽ ꓪꓴ ꓑꓶꓸ ꓓꓴ ꓢꓲ ꓠꓯ ꓘꓹ ꓗꓪ ꓔꓬ ꓢꓲ ꓠꓬꓲ꓾ ꓫꓸ ꓔꓬ ꓡꓳ ꓢꓳꓻ ꓦꓲꓻ ꓗꓪ ꓥ ꓟꓲ ꓙꓰ ꓪ ꓟꓽ ꓓ ꓗꓷ ꓡꓰꓳ ꓐꓰ ꓕꓳ ꓶ ꓐꓳ ꓔ ꓡꓳ=USA ꓗꓴꓷꓼ ꓙꓵ ꓢꓲꓽ ꓒ ꓥ ꓟꓲ ꓬꓲ ꓔꓯ ꓕꓳ ꓶ ꓐꓳꓻ ꓖꓶ ꓡ ꓟ ꓐꓶ ꓓꓴ ꓫꓸ ꓟꓳ ꓡꓳ ꓐꓰ ꓐꓯ ꓔ ꓡꓳ= ꓟꓬ-ꓟ ꓢꓳ ꓤ ꓖꓳ ꓟ  ꓔꓯ꓾ ꓠꓴ ꓠꓬ ꓞꓲꓼ ꓣꓳ ꓥ ꓟꓲ ꓠꓴ ꓬꓰ ꓘꓴ ꓟ ꓮ ꓟꓬꓹ ꓙꓳ ꓡꓰ ꓐꓰ ꓢꓷꓸ ꓙ ꓟꓳ  ꓙ ꓔ ꓡꓳ ꓐꓰ ꓐꓯ ꓡꓳ=