10 ꓦ ꓟ 8 ꓠꓬꓲ ꓠꓯꓼ ꓙꓵ, ꓕꓯ ꓟꓲ ꓦ ꓮ ꓟꓬ, ꓦꓻ ꓡ ꓟ ꓪꓴ. ꓠꓬꓲ ꓬ‐ꓖꓳꓥ ꓐꓰ ꓟ‐ꓓꓲ‐ꓡꓲ ꓙꓻ ꓖꓴ ꓗꓪ ꓬꓲꓻ ꓙꓬ ꓟꓶ ꓡ ꓟ

 10 ꓦ ꓟ 8 ꓠꓬꓲ ꓠꓯꓼ ꓙꓵ, ꓕꓯ ꓟꓲ ꓦ ꓮ ꓟꓬ, ꓦꓻ ꓡ ꓟ ꓪꓴ. ꓠꓬꓲ ꓬ‐ꓖꓳꓥ ꓐꓰ ꓟ‐ꓓꓲ‐ꓡꓲ ꓙꓻ ꓖꓴ ꓗꓪ ꓬꓲꓻ ꓙꓬ ꓟꓶ ꓡ ꓟ

10 ꓦ ꓟ 8 ꓠꓬꓲ 2023 ꓘꓳꓼ ꓕꓯ ꓬ‐ꓖꓳꓥ ꓡꓳ ꓒꓱ ꓟ‐ꓓꓲ‐ꓡꓲ ꓡꓳ ꓒꓱ ꓗꓪ ꓙꓰ ꓟ ꓙꓻ ꓖꓴ ꓗꓪ ꓟꓲ‐ꓦ ꓮ ꓟꓬ, ꓦ ꓡ ꓟ ꓪꓴ. ꓠꓬꓲ ꓬꓲꓻ ꓙꓬ ꓙꓵꓽ ꓟꓶ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ 10 ꓦ ꓟ 8 ꓠꓬꓲ ꓢꓲꓺ ꓒ ꓦꓬꓼ ꓠꓬꓲ ꓠꓯꓼ ꓙꓵ, ꓕꓯ ꓑꓶ‐ꓬꓲ ꓟꓵꓽ ꓐꓰ ꓑ‐ꓖꓳ ꓟꓵꓽ꓾ ꓟ‐ꓓꓲ‐ꓡꓲ ꓟꓵꓽ ꓐꓰ ꓢ‐ꓗꓮꓲ ꓟꓵꓽ ꓗꓪ ꓟꓶ ꓦ ꓮ ꓟꓬ, ꓦꓻ ꓡ ꓟ ꓪꓴ. ꓠꓬꓲ ꓟꓳ‐ꓓꓳ ꓙꓻ ꓖꓴ ꓗꓪ ꓬꓲꓻ ꓙꓬ ꓙꓵꓽ ꓟꓶ ꓔꓬ ꓢꓲ ꓠꓬꓲ ꓬꓰ ꓙ ꓢꓴ ꓜꓴꓻ ꓡꓰ ꓑ ꓫꓬ ꓐꓴ ꓔꓯ ꓬꓰ ꓙ ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓝꓮꓲ ꓠꓽ ꓛꓳꓽ ꓠꓬꓲ ꓗꓪ  ꓥ ꓟꓲ ꓑꓶ‐ꓬꓲ ꓟꓵꓽ ꓗꓪ ꓮ ꓟꓬ, ꓮ ꓟꓬ, ꓦꓻ ꓡ ꓟ ꓪꓴ. ꓠꓬꓲ ꓬꓲꓻ ꓙꓬ ꓟꓶ ꓡ ꓡꓳ ꓐꓰ ꓐꓯ ꓔ ꓡꓳ꓿ ꓝꓮꓲ ꓠꓽ ꓛꓳꓽ ꓟꓶꓼ ꓘꓶ 8 ꓙꓵ, ꓕꓯ ꓬ‐ꓖꓳꓥ ꓡꓳ ꓒꓱ ꓐꓰ ꓟ‐ꓓꓲ‐ꓡꓲ ꓡꓳ ꓒꓱ ꓗꓪ ꓙꓰ ꓟ ꓙꓻ ꓖꓴ ꓗꓪ ꓟꓲ ꓦꓻ ꓮ ꓟꓬ, ꓦꓻ ꓡ ꓟ ꓪꓴ. ꓠꓬꓲ ꓬꓲꓻ ꓙꓬ ꓙꓵꓽ ꓟꓶ ꓡ ꓢꓲ ꓠꓬꓲ ꓙꓻ ꓖꓴ ꓙꓰ ꓟꓽ ꓙꓲ ꓗꓷ ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓟꓬ‐ꓟ ꓗꓴꓷꓼ ꓟꓵꓽ ꓘꓳꓼ ꓔꓯ ꓟꓳ. ꓢꓷ. ꓠꓲ, ꓙꓳ ꓢꓴ ꓐꓴ ꓡꓰ ꓟꓬ‐ꓟ ꓗꓴꓷꓼ ꓡꓳ ꓒꓱ ꓓꓽ ꓮ ꓟꓬ, ꓗꓪ ꓟꓲ ꓦ ꓦꓻ ꓡ ꓢꓲ ꓠꓬꓲ ꓬꓲꓻ ꓙꓬ ꓙꓵ, ꓡ ꓓꓴ ꓙꓳˍ ꓡꓳ ꓐꓰ (Voce of Myanmar) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿