10 ꓧꓪꓹ ꓕꓲ ꓧꓪꓹ ꓟ ꓡꓲ-ꓢꓴ ꓕꓳ ꓶ ꓢꓳ ꓜꓲꓼ ꓓꓴ ꓔꓯ ꓡ-ꓫꓬꓳ ꓡꓳ ꓒꓱ꓾ ꓙꓬ-ꓟꓮꓲ ꓘꓹ ꓗꓪ ꓬꓰ ꓓꓳ ꓡꓰꓳ

10 ꓧꓪꓹ ꓕꓲ ꓧꓪꓹ ꓟ ꓡꓲ-ꓢꓴ ꓕꓳ ꓶ ꓢꓳ ꓜꓲꓼ ꓓꓴ ꓔꓯ ꓡ-ꓫꓬꓳ ꓡꓳ ꓒꓱ꓾ ꓙꓬ-ꓟꓮꓲ ꓘꓹ ꓗꓪ ꓬꓰ ꓓꓳ ꓡꓰ ꓟ

Tuesday, April 18, 2023

ꓦ-ꓐ-ꓡꓴꓸ-ꓡꓴꓸ ꓢꓳ ꓤ ꓜꓲꓼ ꓦꓲ ꓗꓪ ꓐꓰ ꓧꓳꓽ ꓪꓴꓸ ꓟꓴ ꓢꓲ ꓬꓰ ꓔꓬ ꓟ ꓡꓲ-ꓢꓴ ꓕꓳ ꓶ ꓢꓳ ꓜꓲꓼ ꓓꓴ (10) ꓧꓪꓹ ꓕꓲ ꓧꓪꓹ ꓟ ꓢꓳ ꓜꓲꓼ ꓓꓴ ꓔꓯ ꓐꓶ-ꓬꓲ ꓗꓴꓷꓼ ꓫꓴ꓾ ꓡ-ꓫꓬꓳ ꓡꓳ ꓒꓱ꓾ ꓙꓬ-ꓟꓮꓲ ꓘꓹ ꓗꓪ 2023 ꓘꓳꓼ 4 ꓦ 18 ꓠꓬꓲ꓾ ꓠꓬꓲꓸ ꓠꓬꓲ ꓕꓯ ꓬꓰ ꓡꓳꓹ ꓬꓰꓳ꓾ ꓐꓰ ꓢꓷꓸ ꓪ ꓡꓳ=

ꓢꓳ ꓜꓲꓼ ꓓꓴ ꓬꓰ ꓡꓳꓹ ꓬꓰˍ ꓟ ꓐꓱ ꓶ ꓪꓴ-ꓢ ꓔꓯ ꓫꓸ ꓟꓳˍ ꓟ ꓟꓲ-ꓢ ꓪꓽ ꓘꓴˍ ꓟ ꓗꓪ ꓡ-ꓫꓬꓳ ꓐꓶ ꓓꓳ ꓕꓲ ꓛꓱꓽ ꓗꓪ ꓟ ꓔꓲꓺ ꓒ George La Ring ꓡꓰ ꓧꓳꓽ ꓪꓴꓸ ꓟꓴ ꓢꓲ ꓠꓬꓲ꓾ ꓠꓱꓸ ꓐꓯ ꓔꓲꓺ ꓒ 5 ꓣꓳ ꓐꓰ ꓕꓲ ꓪꓽ ꓦ-ꓐ-ꓡꓴꓸ-ꓡꓴꓸ ꓗꓪ ꓟ ꓢꓳ ꓤ ꓐꓴ ꓐꓰ ꓫꓸ ꓟꓳˍ ꓟ ꓟꓲ-ꓢ ꓪꓽ ꓘꓴ ꓗꓷꓳ=

(10) ꓧꓪꓹ ꓕꓲ ꓧꓪꓹ ꓢꓳ ꓜꓲꓼ ꓓꓴ ꓗꓪ ꓢꓳ ꓤ 20 ꓣꓳ ꓙꓳˍ ꓟ ꓥ ꓢꓲ꓾ ꓢꓳ ꓡꓳꓹ ꓬꓰ ꓢꓴ ꓠꓬ 18 ꓣꓳ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ= ꓢꓳ ꓤ ꓐꓴ ꓠꓬ ꓔꓮꓴꓠꓖ-ꓖꓬꓲ ꓢ-ꓢꓶ-ꓠ꓾ ꓡ-ꓫꓬꓳ ꓢ-ꓢꓶ-ꓠ ꓐꓰ ꓟꓲ-ꓚꓲ-ꓠ ꓢ-ꓢꓶ ꓐꓴ ꓗꓪ ꓐꓰ ꓡ ꓢꓲ ꓢꓳ ꓣꓴ ꓔꓬ ꓟ ꓥ ꓡꓳ=

ꓢꓳ ꓜꓲꓼ ꓓꓴ ꓗꓪ ꓐꓰ ꓢꓳ ꓤ ꓕꓲ ꓣꓳ ꓠꓬ ꓞꓲꓽ ꓫꓬꓹ ꓟ ꓢ-ꓗꓯ-ꓣ-ꓟꓰꓹ-ꓔꓴ ꓔꓯ ꓘꓳꓹ ꓣꓴ ꓟꓶ ꓡꓰ ꓢꓲ꓾ ꓬꓲꓸ ꓪꓴꓸ ꓟ ꓢꓲꓽ ꓫꓬ ꓑ ꓑ ꓘꓳꓹ ꓣꓴ ꓟꓶ ꓡꓰ ꓢꓴ ꓠꓬ 6 ꓣꓳ ꓙꓳˍ ꓡꓳ=

ꓢꓳ ꓜꓲꓼ ꓓꓴ ꓘꓴꓽ ꓗꓪ ꓡꓲ-ꓢꓴ ꓕꓳ ꓶ꓾ ꓡꓲ-ꓢꓴ ꓓꓳ ꓟꓴꓹ ꓟꓴꓽ ꓖꓪ꓾ ꓡꓲ-ꓢꓴ ꓥꓳꓽ ꓗꓪ ꓐꓰ ꓪꓽ ꓘꓴ ꓚꓱꓹ꓾ ꓪꓴ-ꓢ ꓐꓯ ꓘꓶꓽ ꓐꓴ ꓔꓯ ꓟꓸ ꓖꓶ ꓔꓬ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ= ꓢꓳ ꓜꓲꓼ ꓓꓴ ꓬꓰˍ ꓟ ꓬꓲ ꓔꓶ ꓙꓱꓼ ꓠꓬ ꓡꓲ-ꓢꓴ ꓫꓵꓽ ꓐꓴ ꓚꓲꓸ ꓛꓬ ꓕꓳꓽ ꓶ ꓢꓷꓸ ꓡꓰ ꓢꓲ ꓚꓲꓸ ꓛꓬ ꓔꓬꓹ ꓟꓵꓽ ꓗꓪ ꓬꓲꓼ ꓙꓰ ꓗꓷ ꓕꓯ ( ꓡꓽ ꓙꓰ ꓕꓯ) ꓞꓳ ꓘꓹ ꓢꓴ ꓐꓴ ꓔꓯ ꓟꓸ ꓖꓶ ꓐ ꓡ ꓠꓹ ꓟ꓾ ꓧꓳꓽ ꓣꓱꓽ ꓐ ꓡ ꓠꓹ ꓟ ꓬꓲ ꓔꓶ ꓙꓱꓼ ꓗꓷ ꓔ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓡꓲ-ꓢꓴ ꓕꓳꓽ ꓶ ꓢꓳ ꓜꓲꓼ ꓖꓴ ꓦ-ꓐ-ꓡꓴꓸ-ꓡꓴ ꓜꓲꓼ ꓦꓲ ꓔꓯ ꓠꓬ ꓟꓸ ꓒ ꓝꓣꓮꓠꓚꓲꓢ ꓐꓬ-ꓔ ꓡꓰ ꓔꓶꓺ ꓢꓲ ꓒꓴ ꓔ ꓟ ꓢꓳ ꓜꓲꓼ ꓓꓴ ꓕꓲ ꓟ ꓥ ꓢꓲ ꓠꓬꓲ꓾ 2018 ꓘꓳꓼ ꓗꓪ ꓐꓰ ꓪꓴꓸ ꓔꓴ ꓢꓲ ꓒꓴ ꓔ ꓟ ꓥ ꓡꓳ=