Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
2023 ꓘꓳꓼ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓖꓶ ꓟ Noble ꓡꓯꓽ ꓫꓴ ꓔꓯ ꓲ‐ꓣ ꓤ ꓟꓶ ꓤ ꓕꓲ ꓣꓳ ꓪ ꓡꓰ ꓟ
#creditphototoowner #Nobel Peace Prize awarded to Iranian human rights activist Narges MohammadiMonday, October 09, 2023
2023 ꓘꓳꓼ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓖꓶ ꓟ Noble ꓡꓯꓽ ꓫꓴ ꓔꓯ ꓲ‐ꓣ ꓤ ꓟꓶ ꓤ ꓕꓲ ꓣꓳ ꓪ ꓡꓰ ꓟ
10 ꓦ ꓟ 6 ꓠꓬꓲ 2023 ꓘꓳꓼ ꓕꓯ ꓕꓲ ꓟꓲ ꓠꓯ ꓡꓱ ꓗꓪ ꓢꓲ ꓡꓲ ꓟꓶ ꓠ, ꓟ ꓟꓬꓱꓽ ꓬꓰ ꓢꓴ ꓐꓴ ꓐꓱ ꓶ ꓖꓶ ꓡ Noble ꓡꓯꓽ ꓫꓴ ꓔꓯ ꓲ‐ꓣ ꓤ ꓟꓶ ꓤ ꓕꓲ ꓣꓳ ꓪ ꓡꓰꓳ ꓐꓰ ꓐꓯ ꓔ ꓡꓳ꓿ ꓕꓱ ꓤ ꓟꓶ ꓤ ꓟꓬꓱꓽ ꓠꓬ Narges Mohannadi ꓟꓬꓱꓽ ꓔ ꓢꓴ ꓥ ꓡꓳ꓿ ꓬꓲ ꓠꓬ ꓲ‐ꓣ ꓗꓴꓷꓼ ꓗꓪ ꓤ ꓟꓶ ꓤ ꓐꓴ ꓐꓱ ꓶ ꓤ ꓑ ꓤ ꓐꓴ ꓐꓰ ꓕꓲ ꓡꓰ ꓪꓽ ꓙꓵꓽ ꓙꓳˍ ꓟ ꓔꓯ ꓟꓳ. ꓫ. ꓕꓱ ꓕꓲ ꓣꓳ ꓥ ꓟ ꓪꓴ. ꓠꓬꓲ ꓐꓱ ꓓꓵ ꓕꓳ ꓦꓲꓻ ꓗꓪ (12) ꓘꓳꓼ ꓐꓱ ꓔ ꓢꓴ ꓤ ꓟꓶ ꓤ ꓕꓲ ꓣꓳ ꓥ ꓡꓳ꓿
ꓬꓲ ꓡꓰ ꓟꓬꓱꓽ ꓟ ꓠꓬ ꓲ‐ꓣ ꓗꓴꓷꓼ ꓗꓪ ꓔꓬ ꓟ ꓤ ꓟꓶ ꓤ ꓐꓴ ꓔꓯ ꓠꓬꓲ. ꓔ ꓟ ꓚꓱ, ꓔꓯ ꓫ. ꓕꓱ ꓟ ꓐꓰ ꓗꓴꓷꓼ ꓘꓴꓽ ꓗꓪ ꓙꓵꓻ ꓠꓲ, ꓚꓱ, ꓗꓪ ꓐꓰ ꓤ ꓟꓶ ꓤ ꓐꓴ ꓔꓯ ꓠꓬꓲ. ꓔ ꓟ ꓚꓱ, ꓮ ꓟꓬ, ꓫꓵꓽ ꓔꓯ ꓫ. ꓕꓱ ꓢꓴ ꓐꓯ ꓖꓶ ꓕꓲ ꓣꓳ ꓥ ꓡꓳ꓿ ꓬꓲ ꓔꓯ ꓲ‐ꓣ ꓟꓯꓼ ꓐꓴ ꓡꓰ (13) ꓧꓪ, ꓐꓱ ꓓꓵ ꓗꓪ ꓐꓱ ꓗꓷ ꓢꓴ ꓥ ꓡꓳ꓿
ꓝꓮꓲ ꓬꓲ ꓠꓬ ꓤ ꓟꓶ ꓤ ꓐꓴ ꓪꓽ ꓙꓵꓽ ꓔꓯ ꓓꓰꓽ ꓗꓷ ꓟ ꓡꓰ ꓟꓽ ꓞꓲ ꓲ‐ꓣ ꓗꓴꓷꓼ ꓗꓪ ꓡ ꓞꓳ ꓢꓰꓼ ꓟ ꓝꓴꓲ ꓖꓶ ꓟ ꓚꓱ, ꓔꓯ ꓠꓽ ꓗꓷ ꓠ, ꓟ ꓓꓰꓽ ꓗꓷ ꓢꓴ ꓕꓲ ꓣꓳ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓞꓲꓼ ꓠꓲ 2023 ꓘꓳꓼ ꓐꓱ ꓶ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓟꓬꓱꓽ ꓬꓰ ꓢꓴ ꓔꓯ ꓖꓶ ꓟ ꓡꓯꓽ ꓫꓴ ꓓꓽ ꓔꓯ ꓲ‐ꓣ ꓤ ꓟꓶ ꓤ ꓔꓯ ꓖꓶ ꓟ ꓥ ꓡꓳ (ꓦꓳꓮ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
Subscribe
Sign up to our newsletter and get latest news and updates straight to your inbox!
Download RVA App
Add new comment