Alabama ꓗꓪ ꓦꓵꓸꓹ ꓦꓬꓼ ꓠꓬꓲ ꓑꓮꓲ ꓬꓰ ꓔꓬ ꓕꓯ ꓡꓽ ꓛꓴꓸ ꓐꓶꓸꓹ ꓡ ꓟ ꓪꓴꓸ ꓠꓬꓲ 4 ꓣꓳ ꓫꓵꓸꓹ 20 ꓣꓳ ꓟ ꓞꓲ ꓠꓸꓹ ꓓꓴ ꓡꓰ ꓟ ꓓꓳꓽ

Tuesday, April 18, 2023

Alabama ꓗꓪ ꓦꓵꓸꓹ ꓦꓬꓼ ꓠꓬꓲ ꓑꓮꓲ ꓬꓰ ꓔꓬ ꓕꓯ ꓡꓽ ꓛꓴꓸ ꓐꓶꓸꓹ ꓡ ꓟ ꓪꓴꓸ ꓠꓬꓲ 4 ꓣꓳ ꓫꓵꓸꓹ 20 ꓣꓳ ꓟ ꓞꓲ ꓠꓸꓹ ꓓꓴ ꓡꓰ ꓟ ꓓꓳꓽ
ꓡꓳꓹ ꓬꓰ ꓟ 2023 ꓘꓳꓼ 4 ꓦ ꓟ 17 ꓠꓬꓲ ꓕꓯ America ꓗꓴꓷꓼ ꓫꓴꓸꓹ Alabama ꓗꓪ ꓦꓵꓸꓹ ꓦꓬꓼ ꓠꓬꓲ ꓑꓮꓲ ꓬꓰ ꓔꓬ ꓕꓯ ꓡꓽ ꓛꓴꓸ ꓐꓶꓸꓹ ꓡ ꓟ ꓪꓴꓸꓠꓬꓲ ꓞꓳ ꓡꓱ 4 ꓣꓳ ꓫꓵꓸꓹ 20 ꓣꓳ ꓟ ꓞꓲ ꓠꓸꓹ ꓓꓴ ꓡꓰꓳ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷꓸꓪ ꓡꓳ=
ꓚꓳ ꓡꓳ ꓚꓳ ꓫꓵ ꓗꓪ ꓔꓬ ꓟ ꓑ ꓫꓬ ꓐꓴ ꓔꓯ ꓥ ꓟꓲ ꓕꓱ ꓡꓱ ꓡꓽ ꓚꓴꓸ ꓐꓶꓸꓹ ꓡ ꓟ ꓑꓶ ꓓꓴ ꓬꓲ ꓓꓳꓽ ꓕꓲ ꓫꓵ ꓫꓵ ꓑ ꓙ ꓪ ꓐꓶ ꓠꓬ ꓢꓷꓸ ꓝꓲ ꓡ ꓠꓹ ꓟ ꓐꓱ ꓶ ꓐꓯ ꓔ ꓡꓳ ꓐꓰ ꓢꓷꓸ ꓪ ꓡꓳ= ꓕꓱ ꓡꓱ ꓡꓽ ꓛꓴꓸ ꓐꓶꓸꓹ ꓡ ꓟ ꓪꓴꓸ ꓠꓬꓲ ꓖꓳ ꓟꓵꓽ ꓗꓪ ꓔꓬ ꓢꓴ ꓑ ꓫꓬ ꓐꓴ ꓮ ꓘꓶꓸ ꓠꓲꓹ ꓟ ꓫꓸ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=
ꓗꓴꓷꓼ ꓙꓵ ꓢꓲꓽ ꓒ Joe Bden ꓥˍ ꓟꓲ ꓕꓱ ꓡꓱ ꓡꓽ ꓛꓴꓸ ꓐꓶꓸꓹ ꓡ ꓟ ꓪꓴꓸ ꓠꓬꓲ ꓫꓵꓸꓹ ꓡꓰ ꓢꓴ ꓐꓴ ꓐꓰ ꓠꓸꓹ ꓓꓴ ꓡꓰ ꓢꓴ ꓐꓴ ꓮ ꓙꓵꓽ ꓢꓴ ꓐꓱ ꓶ ꓠꓲꓹ ꓟ ꓫꓸ ꓔꓬ ꓡꓳ ꓐꓰ ꓐꓯ ꓡꓳ= ꓞꓳ ꓤ ꓮ ꓟꓬꓹ ꓔꓬ ꓟ America ꓗꓴꓷꓼ ꓗꓪ ꓡꓽ ꓛꓴꓸ ꓔꓯꓹ ꓢꓴ 4000 ꓫꓬꓹ ꓟꓽ ꓞꓲ ꓔꓬ ꓟ ꓪꓴꓸ ꓠꓬ ꓕꓱ ꓡꓱ ꓡꓽ ꓛꓴꓸ ꓐꓶꓸꓹ ꓢꓲ ꓢꓰꓼ ꓟ ꓔꓳꓹ ꓜꓳ ꓔꓬ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=