Aung La NSang ꓐꓰ Fan Rong ꓐꓴ ꓓꓶꓽ ꓡꓯ ꓘꓳ ꓓꓴ ꓬꓰˍ ꓟ ꓓꓳꓽ

Aung La An San ꓐꓰ Fan Rong ꓠꓬ 2023 ꓘꓳꓼ 5 ꓦ ꓟ 5 ꓠꓬꓲ ꓕꓯ ꓴꓢꓮ ꓗꓴꓷꓼ ꓗꓪ ꓓꓶꓽ ꓡꓯ ꓘꓳ ꓓꓴ ꓥꓳ ꓐꓰ ꓟꓟꓮ ꓓꓳꓽ ꓗꓪ ꓐꓰ ꓢꓷꓸ ꓙ ꓟꓳ ꓙ ꓔ ꓡꓳ꓿

ꓕꓱ ꓓꓶꓽ ꓡꓯ ꓘꓳ, ꓟ ꓑꓮꓲ ꓔꓯ 5 ꓦ ꓟ 5 ꓠꓬꓲ ꓗꓪ ꓓꓶꓽ ꓡꓯ ꓘꓳ ꓠꓹ ꓟ ꓕꓳ ꓶ ꓗꓪ ꓐꓳ ꓔ ꓡꓳ” ꓐꓰ Aung La Nsang   ꓡꓰ ꓢꓷꓸ ꓙ ꓟꓳ ꓙ ꓔꓸ ꓡꓳ ꓐꓰ ꓢꓷꓸ ꓪ ꓡꓳ=

Fan Rong ꓠꓬ ꓧꓶꓽ ꓒꓽ ꓥ ꓢꓲ꓾ ꓣ-ꓫꓸ ꓒꓽ ꓐꓯ-ꓓꓯ-ꓫꓲ ꓐꓰ ꓣ-ꓠꓰ-ꓬ ꓔꓯ ꓞꓳꓸ ꓡꓰ ꓔꓸ ꓢꓴ ꓥ ꓡꓳ ꓐꓰ ꓢꓷꓸ ꓪ ꓡꓳ= Aung La Nsang ꓐꓰ Fan Rong ꓐꓴ ꓗꓳ. ꓗꓷ ꓟ 12 ꓦ ꓕꓯ ꓓꓶꓽ ꓡꓯ ꓘꓳ ꓠ, ꓟ ꓬꓰ ꓗꓷ ꓥ ꓟꓲ ꓠꓻ ꓫꓵꓽ ꓑꓶ. ꓓꓴ ꓓꓶꓽ ꓡꓯ ꓘꓳ ꓓꓴ ꓟꓽ ꓒꓬꓱꓼ ꓬꓰꓳ꓿ ꓖꓳ  ꓡꓱ ꓥ ꓟꓲ ꓡ ꓠ, ꓟ 5 ꓦ ꓟ 5 ꓠꓬꓲ ꓕꓯ ꓴꓢꓮ ꓗꓴꓷꓼ ꓗꓪ ꓓꓶꓽ ꓡꓯ ꓘꓳ ꓓꓴ ꓥꓳꓽ ꓐꓰ ꓐꓯ ꓔ ꓡꓳ꓿

ꓧꓶꓽ ꓒꓽ Fan Rong ꓠꓬ ꓬꓲ. ꓞꓲꓼ 30 ꓘꓳꓼ ꓙꓳ ꓢꓴ ꓥ ꓢꓲ ꓠꓬꓲ ꓓꓶꓽ ꓔꓯꓺ ꓡꓯ ꓘꓳ ꓓꓴ ꓑꓮꓲ 22 ꓧꓪ, ꓗꓪ 19 ꓧꓪ, ꓧꓪ. ꓡꓰ ꓢꓲ ꓠꓬꓲ 2 ꓧꓪ ꓞꓳ. ꓡꓰ ꓢꓴ ꓥ ꓡꓳ꓿

Aung La   ꓠꓬ ꓬꓲ. ꓞꓲꓼ 38 ꓙꓳ ꓢꓴ ꓥ  ꓢꓲ ꓠꓬꓲ ꓓꓶꓽ ꓔꓯ ꓡꓯ ꓘꓳ, ꓓꓴ ꓑꓮꓲ 42 ꓑꓮꓲ ꓗꓪ 29 ꓧꓪ, ꓧꓪ. ꓡꓰ ꓢꓲ ꓠꓬꓲ 13 ꓧꓪ ꓞꓳ. ꓡꓰ ꓢꓴ ꓟꓲ ꓠꓯ ꓗꓪ ꓓ ꓒꓽ ꓕꓲ ꓣꓳ ꓥ ꓡꓳ꓿