Australia ꓗꓴꓷꓼ ꓗꓪ ꓟꓶꓽ ꓞꓻ ꓮ ꓘꓶ. ꓞꓻ ꓡ ꓟ ꓪꓴ. ꓠꓬꓲ ꓥꓪ. ꓮ ꓟꓬ, ꓫꓵꓻ ꓡꓰ ꓟ ꓓꓳꓽ

Monday, March 20, 2023

Australia ꓗꓴꓷꓼ ꓗꓪ ꓟꓶꓽ ꓞꓻ ꓮ ꓘꓶ. ꓞꓻ ꓡ ꓟ ꓪꓴ. ꓠꓬꓲ ꓥꓪ. ꓮ ꓟꓬ, ꓫꓵꓻ ꓡꓰ ꓟ ꓓꓳꓽ

3 ꓦ ꓟ 19 ꓠꓬꓲ 2023 ꓘꓳꓼ ꓕꓯ Australia ꓗꓴꓷꓼ ꓗꓪ ꓟꓶꓽ ꓞꓻ ꓮ ꓟꓬ, ꓞꓻ ꓡ ꓢꓲ ꓠꓬꓲ ꓡꓳ ꓗ. ꓗꓪ ꓬꓲꓻ ꓙꓬ ꓟꓽ ꓙꓳ ꓗꓷ ꓡꓰ ꓟ ꓪꓴ. ꓠꓬꓲ ꓥꓪ. ꓮ ꓟꓬ, ꓫꓵꓻ ꓡꓰꓳ ꓐꓰ ꓐꓯ ꓔ ꓡꓳ꓿

ꓕꓱ ꓥꓪ. ꓫꓵꓻ ꓡꓰ ꓟ ꓠꓬ New South Wales ꓟꓵꓽ ꓗꓪ ꓥ ꓢꓲ ꓠꓬꓲ ꓕꓱ ꓟꓵꓽ ꓗꓪ ꓬꓲꓻ ꓙꓬ ꓘꓶꓽ ꓗꓪ ꓥꓪ. ꓮ ꓟꓬ, ꓫꓵꓻ ꓡꓰ ꓟ ꓥ ꓡꓳ꓿

ꓥꓪ. ꓮ ꓟꓬ, ꓠꓬ ꓟꓶꓽ ꓞꓻ ꓮ ꓟꓬ, ꓞꓻ ꓡ ꓢꓲ ꓠꓬꓲ ꓡꓳ ꓗ. ꓗꓪ ꓬꓲꓻ ꓙꓬ ꓟꓽ ꓙꓳ ꓗꓷ ꓡꓰ ꓟ ꓪꓴ. ꓠꓬꓲ ꓔꓬ ꓟꓽ ꓘꓴ ꓟ ꓪꓴ. ꓠꓬꓲ ꓫꓵꓻ ꓡꓰ ꓟ ꓥ ꓡꓳ꓿

ꓝꓮꓲ ꓟꓵꓽ ꓘꓳꓼ ꓒꓳ, ꓡ ꓟ ꓪꓴ. ꓠꓬ ꓟꓶꓽ ꓞꓻ ꓮ ꓟꓬ, ꓞꓻ ꓡ ꓟ ꓔꓯ ꓔꓳ, ꓜꓳ ꓡ ꓟ ꓥ ꓡꓳ꓿

ꓝꓮꓲ Australia ꓗꓴꓷꓼ ꓗꓪ ꓠꓬ ꓟꓵꓽ ꓘꓳꓼ ꓒꓳ, ꓡ ꓢꓲ ꓠꓬꓲ ꓟꓶꓽ ꓞꓻ ꓮ ꓟꓬ, ꓞꓻ ꓟ ꓔꓯ ꓮ ꓕꓯ ꓟꓲ ꓔꓳ, ꓜꓳ ꓡꓰ ꓟ ꓪꓴ. ꓠꓬꓲ ꓥꓪ. ꓮ ꓟꓬ, ꓫꓵꓻ ꓓꓴ ꓗꓷ ꓡꓰꓳ ꓟ ꓥ ꓡꓳ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓔ ꓡꓳ ꓐꓰ (Myanmar Platform) ꓓꓳꓽ ꓗꓪ ꓐꓳ ꓔ ꓡꓳ꓿