Australia ꓗꓴꓷꓼ ꓗꓪ ꓡꓳꓹ ꓬꓰ ꓟ ꓕꓲ ꓙꓵ: ꓕꓯ ꓢꓲ ꓟ: ꓞꓲ ꓟꓶ: ꓞꓸꓸ ꓮ ꓘꓶ. ꓞꓸꓸ ꓡ ꓔꓬ ꓟ ꓓꓳ:

Australia ꓗꓴꓷꓼ ꓗꓪ ꓡꓳꓹ ꓬꓰ ꓟ ꓕꓲ ꓙꓵ: ꓕꓯ ꓢꓲ ꓟ: ꓞꓲ ꓟꓶ: ꓞꓻ ꓮ ꓘꓶ. ꓞꓻ ꓡ ꓔꓬ ꓟ ꓓꓳ:

Tuesday, September 19, 2023

Sydney ꓡꓳ ꓒꓱ Australia ꓗꓴꓷꓼ ꓫꓴꓻ ꓗꓪ ꓡꓳꓹ ꓬꓰ ꓟ ꓕꓲ ꓙꓵ: ꓕꓯ ꓢꓲ ꓟ: ꓞꓲ ꓟꓶ: ꓞꓻ ꓮ ꓘꓶ. ꓞꓻ ꓡ ꓓꓴ ꓙꓳ ꓡꓳ ꓐꓰ ꓟꓵ: ꓘꓳ ꓚꓱꓹ ꓔꓯ ꓟꓳ. ꓢꓷ. ꓙꓳ ꓢꓴ ꓐꓴ ꓡꓰ ꓐꓯ ꓡꓳ ꓔ ꓡꓳ ꓐꓰ ꓢꓷ. ꓪ ꓡꓳ=
ꓗꓴꓷꓼ ꓘꓴ: ꓗꓪ ꓞꓻ ꓢꓯ ꓑꓶ. ꓓꓴ ꓞꓲ ꓟꓳ ꓡꓰ ꓢꓴ ꓐꓰ ꓤ ꓠꓱ ꓤ ꓐꓴꓳ꓾ ꓢꓯꓼ ꓟ: ꓙꓳ ꓢꓴ ꓐꓴ ꓠꓬ ꓬꓲ. ꓐ ꓗꓪ ꓟ: ꓙꓲ ꓙꓲ ꓦꓲꓻ ꓘꓴ: ꓡꓰ ꓔꓬ ꓠꓹ ꓗꓹ ꓡꓳ ꓐꓰ ꓢꓷ. ꓪ ꓡꓳ=
ꓡꓳꓹ ꓬꓰ ꓟ 2023 ꓘꓳꓼ 9 ꓦ ꓟ ꓠ ꓫꓵ ꓠꓬꓲ ꓕꓯ Sydney Marathon ꓡꓳ ꓖꓪ ꓓꓴ ꓗꓪ ꓞꓻ ꓢꓯꓼ ꓑꓶ. ꓓꓴ ꓡꓳ ꓖꓪ ꓡꓯꓼ ꓘꓳꓹ ꓢꓴ 26 ꓣꓳ ꓔꓯ ꓠꓯꓻ ꓞꓲꓼ ꓦꓲꓻ ꓗꓪ ꓠꓯꓻ ꓞꓲꓼ ꓫꓬ ꓔꓬ ꓢꓲ꓾ ꓝꓮꓲ 4 ꓞꓲ ꓣꓳ ꓥˍꓟꓲ ꓞꓻ ꓢꓯꓼ ꓑꓶ. ꓓꓴ ꓢꓯꓼ ꓦ ꓟ: ꓓ ꓗꓷ ꓔꓬ ꓟ ꓪꓴ. ꓠꓬꓲ ꓣꓱ: ꓬꓯꓼ ꓔꓬ ꓟ ꓠꓯꓻ ꓞꓲꓼ ꓔꓯ ꓫꓬ ꓖꓶ ꓪ ꓡꓰꓳ ꓐꓰ ꓢꓷ. ꓪ ꓡꓳ=
ꓝꓮꓲ ꓟ: ꓞꓲ ꓞꓻ ꓢꓯꓼ ꓑꓶ. ꓓꓴ ꓪ ꓙꓵ: ꓮ ꓔꓳꓹ ꓚꓬ ꓡ ꓓꓴ ꓥˍ ꓟꓲ ꓙꓳ ꓡꓳ꓾ ꓑ ꓫꓬ ꓐꓴ ꓙ ꓟꓳ ꓓꓴ ꓬꓰ ꓡꓯ ꓐꓰ ꓟꓵ: ꓘꓳꓹ ꓚꓱꓹ ꓔꓯ ꓟꓳ. ꓙꓵ: ꓪ ꓙꓳ ꓢꓴ ꓐꓴ ꓡꓰ ꓢꓷ. ꓙ ꓟꓳ ꓙ ꓩꓴ ꓡ ꓡꓳ ꓐꓰ ꓢꓷ. ꓪ ꓡꓳ=