Ayeyarwady ꓗꓪ ꓟꓵꓽ ꓘꓳꓼ ꓒꓳ, ꓡꓶꓸ ꓡ ꓟ ꓑꓶ ꓓꓴ ꓑ ꓫꓬ 7 ꓣꓳ ꓫꓵꓸꓹ 1400 ꓣꓳ ꓟꓽ ꓞꓲ ꓫꓸ ꓓꓴ ꓔꓳꓹ ꓜꓳ ꓔꓬ ꓟ ꓓꓳꓽ

Tuesday, July 18, 2023

Ayeyarwady ꓗꓪ ꓟꓵꓽ ꓘꓳꓼ ꓒꓳ, ꓡꓶꓸ ꓡ ꓟ ꓑꓶ ꓓꓴ ꓑ ꓫꓬ 7 ꓣꓳ ꓫꓵꓸꓹ 1400 ꓣꓳ ꓟꓽ ꓞꓲ ꓫꓸ ꓓꓴ ꓔꓳꓹ ꓜꓳ ꓔꓬ ꓟ ꓓꓳꓽ
Ayeyarwady ꓗꓪ ꓞꓲ ꓠꓲꓹ 2023 ꓘꓳꓼ ꓡꓳꓹ ꓬꓰ ꓟ 6 ꓦ ꓬꓲ ꓘꓴꓽ ꓗꓪ ꓟꓵꓽ ꓘꓳꓼ ꓒꓳꓹ ꓡꓶꓸ ꓡ ꓟ ꓑꓶꓸ ꓓꓴ ꓑ ꓫꓬ 7 ꓣꓳ ꓫꓵꓸꓹ 1400 ꓣꓳ ꓟꓽ ꓞꓲ ꓔꓬ ꓖꓴ ꓦꓲꓸꓹ ꓟꓽ ꓙꓳ ꓫꓸ ꓔꓬ ꓡꓳ ꓐꓰ ꓟꓵꓽ ꓘꓳꓼ ꓚꓱꓹ ꓔꓯ ꓟꓳꓸ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=
2023 ꓘꓳꓼ ꓬꓲ ꓘꓴꓽ ꓗꓪ ꓟꓵꓽ ꓘꓳꓼ ꓒꓳꓹ ꓡꓶꓽ ꓡ ꓟ ꓑꓶꓸ ꓓꓴ ꓟꓶꓽ ꓦ ꓜꓯꓼ ꓬꓲꓸꓹ ꓙꓬ ꓙꓵꓽ ꓡ ꓟ 115 ꓧꓪꓹ ꓗꓷ ꓡꓰ ꓟ ꓥ ꓢꓲ ꓠꓬꓲ 7 ꓣꓳ ꓫꓵꓸꓹ 22 ꓣꓳ ꓠꓸꓹ ꓓꓴ ꓡꓰ ꓢꓲ꓾ 1400 ꓣꓳ ꓟꓽ ꓞꓲ ꓔꓬ ꓖꓴ ꓦꓲꓸꓹ ꓟꓽ ꓙꓳ ꓮ ꓘꓶꓸ ꓫꓸ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=
ꓕꓱ ꓟ ꓡꓱ ꓐꓰ ꓟꓽ ꓞꓲ ꓟꓵꓽ ꓘꓳꓼ ꓒꓳꓹ ꓡꓶꓸ ꓡ ꓑꓶꓸ ꓓꓴ ꓔꓬ ꓖꓴ ꓦꓲꓸꓹ ꓥ ꓟꓲ ꓮ ꓟꓬꓹ ꓦꓲꓸꓹ ꓐꓬ ꓡꓰ ꓖꓴ ꓟ ꓥ ꓡꓳ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ= ꓖꓳ ꓟ ꓪꓴꓸ ꓠꓬꓲ ꓫꓸ ꓔꓬ ꓢꓴ ꓑ ꓫꓬ ꓐꓴ ꓔꓯ ꓬꓲꓻ ꓙꓬ ꓟꓽ ꓛꓲ ꓡ ꓟ ꓟꓵꓽ ꓗꓪ ꓚꓵ. ꓖꓶ ꓗꓷ ꓟ ꓪꓴꓸ ꓠꓬꓲ ꓬꓲ ꓪ ꓐꓱ ꓶ ꓖꓪ ꓓꓴ ꓓꓳꓸꓸ ꓓꓴ ꓮ ꓟꓬꓹ ꓣꓱꓽ ꓬꓯꓼ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=