Bangladesh ꓓ-ꓗ ꓡꓳ ꓒꓱ ꓗꓪ ꓦꓲꓻ 100 ꓦꓲꓻ ꓟꓽ ꓞꓲꓺ ꓮ ꓔꓳꓸ ꓐꓬ ꓗꓷ ꓟ

Wednesday, March 15, 2023

Bangladesh ꓗꓴꓷꓼ ꓓ-ꓗ ꓡꓳ ꓒꓱ ꓗꓪ ꓪꓴꓽ ꓓꓰ ꓡꓰˍ ꓟ ꓞꓳ ꓫꓸ ꓞꓳ ꓘꓹ ꓕꓲ ꓟ ꓗꓪ ꓮ ꓔꓳꓸ ꓐꓬ ꓗꓷ ꓢꓲ ꓦꓲꓻ 100 ꓦꓲꓻ ꓐꓬ ꓡꓰ ꓗꓷꓳ=

ꓮ ꓔꓳꓸ ꓠꓬ ꓠꓽ ꓕꓲ ꓠꓬꓲ ꓟꓶꓽ ꓘꓶꓼ 7 ꓙꓵꓹ ꓐꓶꓽ ꓟꓽ ꓞꓲꓺ ꓕꓯ ꓐꓬ ꓗꓷ ꓟ ꓥ ꓢꓲ ꓟꓶꓽ ꓘꓶꓼ 10 ꓙꓵꓹ ꓕꓯ ꓠꓬ ꓮ ꓔꓳꓸ ꓢꓰꓼ ꓐ ꓡ ꓗꓷꓳ꓾ ꓐꓰ ꓮ ꓔꓳꓸ ꓢꓰꓼ ꓜꓴ ꓗꓪ ꓙꓵꓽ ꓪ ꓙꓳ ꓢꓴ ꓕꓲ ꓣꓳ ꓡꓰ ꓐꓯ ꓗꓷꓳ=

ꓮ ꓔꓳꓸ ꓐꓬ ꓗꓷ ꓟ ꓓ-ꓗ ꓡꓳ ꓒꓱ ꓔꓲ-ꓙꓲ-ꓗ ꓢꓯꓸ-ꓟꓴꓸ-ꓜꓳꓠꓰ ꓗꓪ ꓙꓳˍ ꓟ ꓗꓴ-ꓠꓲ-ꓑ-ꓣ ꓞꓳ ꓘꓹ ꓠꓬ ꓞꓳ ꓫꓸ ꓮ ꓟꓬꓹ ꓔꓬ ꓟ ꓘꓹ ꓕꓲ ꓟ ꓥ ꓡꓳ=

ꓮ ꓫꓵꓽ ꓪꓴꓸ ꓠꓬꓲ ꓮ ꓔꓳꓸ ꓐꓬ ꓗꓷ ꓟ ꓔꓯ ꓠꓬ ꓟꓽ ꓢꓷꓸ ꓡꓰ ꓟˍ ꓡꓰ ꓐꓰ ꓫꓵꓻ ꓢꓴ ꓙꓳ꓾ ꓟꓽ ꓙꓳ ꓐꓯˍ ꓟ ꓔꓯˍ ꓟꓲ ꓟꓽ ꓢꓷꓸ ꓡꓰ ꓢꓰꓽ ꓐꓰ ꓮ ꓔꓳꓸ ꓢꓰꓼ ꓜꓴ ꓗꓪ ꓙꓵꓽ ꓪ ꓙꓳ ꓢꓴ ꓡꓰ ꓐꓯ ꓡꓳ=

ꓧꓳꓽ ꓞꓱ ꓙ ꓖꓴ ꓕꓲ ꓚꓱꓹ ꓗꓪ ꓙꓳˍ ꓟ ꓦꓲ ꓐꓴ ꓗꓪ ꓞꓳ ꓤ ꓬꓲ ꓔꓴ ꓣꓳ ꓟꓽ ꓞꓲꓺ ꓔꓬ ꓟ ꓓ-ꓗ ꓞꓳ ꓫꓸ ꓞꓳ ꓘꓹ ꓐꓴ ꓗꓪ ꓮ ꓔꓳꓸ ꓐꓬˍ ꓟ ꓠꓬ ꓟꓽ ꓟꓶ ꓫꓵ ꓕꓲ ꓧꓪꓹ ꓒꓬꓱꓼ ꓔꓬ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=

Add new comment

9 + 8 =

Quick Links