Bangladesh ꓗꓴꓷꓼ ꓗ‐ꓔ ꓡꓳ ꓒꓱ ꓟꓴ ꓕꓲ. ꓢꓳꓻ ꓦꓲꓻ ꓗꓪ ꓦꓻ ꓡꓱ ꓢꓴ ꓮ ꓙꓵꓽ ꓢꓴ ꓐꓱ ꓶ ꓪꓽ ꓘꓴ ꓓꓴ ꓬꓲ. ꓔꓶ. ꓫꓬ, ꓖꓶ ꓦ ꓟ ꓓꓳꓽ

Bangladesh ꓗꓴꓷꓼ ꓗ‐ꓔ ꓡꓳ ꓒꓱ ꓟꓴ ꓕꓲ. ꓢꓳꓻ ꓦꓲꓻ ꓗꓪ ꓦꓻ ꓡꓱ ꓢꓴ ꓮ ꓙꓵꓽ ꓢꓴ ꓐꓱ ꓶ ꓪꓽ ꓘꓴ ꓓꓴ ꓬꓲ. ꓔꓶ. ꓫꓬ, ꓖꓶ ꓦ ꓟ ꓓꓳꓽ

7 ꓦ 11 ꓠꓬꓲ 2022 ꓘꓳꓼ ꓕꓯ Bangladesh ꓗꓴꓷꓼ ꓗ‐ꓔ ꓟꓴ ꓕꓲ. ꓢꓳꓻ ꓦꓲꓻ ꓗꓪ ꓦꓻ ꓡꓱ ꓢꓴ ꓮ ꓙꓵꓽ ꓢꓴ ꓐꓱ ꓶ ꓪꓽ ꓘꓴ ꓓꓴ ꓬꓲ. ꓔꓶ. ꓫꓬ, ꓖꓶ ꓟ ꓗꓷ ꓐꓰ ꓢꓷ. ꓪ ꓡꓳ꓿ ꓬꓲ. ꓪꓴ ꓕꓲ ꓧꓪꓽ ꓟ ꓢꓲꓺ ꓒ ꓬꓰ‐ꓢꓴ ꓔꓯ ꓦꓻ ꓡꓱ ꓢꓴ ꓮ ꓟꓬ, ꓟꓽ ꓔꓬ ꓟ ꓗꓴꓷꓼ ꓗꓪ ꓦꓻ ꓡꓱ ꓢꓴ ꓢꓳꓻ ꓤ ꓐꓴ ꓔꓯ ꓪꓽ ꓘꓴ ꓠ, ꓟ ꓪꓽ ꓘꓴ ꓔꓶ. ꓫꓬ, ꓖꓶ ꓗꓷ ꓟ ꓥ ꓡꓳ꓾ ꓐꓰ ꓟ. ꓒ ꓓꓽ James ꓗꓪ ꓐꓰ ꓐꓯ ꓖꓶ ꓔ ꓡꓳ꓿ꓢꓳꓻ ꓦꓲꓻ ꓗꓪ ꓠꓬ ꓦꓻ ꓡꓱ ꓚꓱ, ꓟꓽ ꓫꓱ. ꓡꓯ ꓘꓳ ꓢꓴ ꓮ ꓟꓬ, ꓔꓬ ꓥ ꓟꓲ ꓕꓲ ꓣꓳ ꓛꓳ ꓕꓲ ꓣꓳ ꓪꓽ ꓡꓯ ꓘꓳ ꓠ, ꓟ ꓐꓱ ꓶ ꓢꓯꓼ ꓕꓵꓼ ꓢꓲ ꓠꓬꓲ ꓢꓳꓻ ꓤ ꓐꓴ ꓔꓯ ꓟ. ꓖꓶ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ Bangladesh ꓗꓴꓷꓼ ꓠꓬ Muslim ꓦꓻ ꓡꓱ ꓢꓴ ꓮ ꓟꓬ, ꓔꓬ ꓟ ꓗꓴꓷꓼ ꓥ ꓡꓳ꓿

ꓖꓳ ꓡꓱ ꓥ ꓟꓲ ꓢꓳꓻ ꓦꓲꓻ ꓗꓪ ꓦꓲ‐ꓓꓴ ꓐꓰ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓐꓰ ꓐꓳ‐ꓓ ꓙꓵꓻ ꓠꓲ, ꓔꓯ ꓘꓳ, ꓣꓴ ꓢꓴ  ꓥ ꓟꓲ ꓔꓬ ꓟ ꓗꓴꓷꓼ ꓥ ꓡꓳ꓿ ꓢꓳꓻ ꓦꓲꓻ ꓗꓪ ꓠꓱ. ꓐꓯ ꓙꓵꓻ ꓠꓲ, ꓔꓯ ꓞꓳ ꓒꓵꓽˍ ꓟ ꓪꓴ. ꓠꓬꓲ ꓮ ꓘꓶ. ꓫ. ꓟꓳ ꓔꓬ ꓡꓳ ꓐꓰ ꓦꓲ‐ꓓꓴ ꓙꓵꓻ ꓠꓲ, ꓔꓯ ꓦꓻ ꓡꓱ ꓢꓴ ꓕꓲ ꓣꓳ ꓡꓰ ꓐꓯ ꓖꓶ ꓔ ꓡꓳ꓿ ꓢꓳ ꓦꓲꓻ ꓗꓪ Professor ꓕꓲ ꓣꓳ ꓥ ꓟꓲ ꓗ‐ꓕꓳ‐ꓡꓲꓗ ꓔꓲꓺ ꓒ Tapan Rozario ꓡꓰ ꓡ ꓠ, ꓟ ꓙꓵ, ꓗꓪ ꓦꓻ ꓡꓱ ꓚꓱ, ꓟꓽ ꓪꓽ ꓢꓴ ꓐꓱ ꓶ ꓢꓳꓻ ꓦꓲꓻ ꓮ ꓟꓬ, ꓒꓴ ꓖꓶ ꓠ, ꓟ ꓢꓯꓼ ꓕꓵꓼ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓢꓳ ꓦꓲꓻ ꓔꓯ (1921) ꓕꓯ ꓫꓬ, ꓗꓷ ꓟ ꓢꓳꓻ ꓦꓲꓻ ꓥ ꓢꓲ ꓠꓬꓲ ꓢꓳ ꓤ (38000) ꓣꓳ ꓢꓳꓻ ꓔꓬ ꓟ ꓥ ꓡꓳ꓿