Bangladesh ꓗꓴꓷꓼ ꓗꓪ ꓞꓳ ꓡꓱ ꓞꓳ ꓡꓯ. ꓐꓴ ꓦꓬꓼ ꓠꓬꓲ ꓔꓯ ꓗ‐ꓕꓳ‐ꓡꓲ ꓘꓴ ꓜꓲꓼ ꓞꓳ ꓪꓽ ꓘꓴ ꓦꓲꓻ ꓗꓪ ꓑꓮꓲ ꓬꓰˍ ꓟ ꓓꓳꓽ

Catholic Church in Bangladesh marks 38th National Youth Day at St. Paul's parish Shelabuniya in Mongla from February 17-21. (Photo: Father Bikash J. Rebeiro, CSC).#creditphotoRVA

Friday, March 03, 2023

Bangladesh ꓗꓴꓷꓼ ꓗꓪ ꓞꓳ ꓡꓱ ꓞꓳ ꓡꓯ. ꓐꓴ ꓦꓬꓼ ꓠꓬꓲ ꓔꓯ ꓗ‐ꓕꓳ‐ꓡꓲ ꓘꓴ ꓜꓲꓼ ꓞꓳ ꓪꓽ ꓘꓴ ꓦꓲꓻ ꓗꓪ ꓑꓮꓲ ꓬꓰˍ ꓟ ꓓꓳꓽ

2 ꓦ ꓟ 27 2023 ꓘꓳꓼ ꓕꓯ Bangladesh ꓗꓴꓷꓼ ꓗꓪ ꓞꓳ ꓡꓱ ꓞꓳ ꓡꓯ. ꓐꓴ ꓦꓬꓼ ꓠꓬꓲ (38) ꓘꓳꓼ ꓑꓮꓲ ꓔꓯ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓪꓽ ꓘꓴ ꓦꓲꓻ ꓗꓪ ꓬꓰ ꓗꓷꓳ꓿ ꓡꓳ ꓒꓱ ꓮ ꓟꓬ, ꓟ ꓗꓪ ꓐꓰ ꓜꓲꓼ ꓡ ꓟ ꓞꓳ ꓡꓱ ꓞꓳ ꓡꓯ. ꓐꓴ ꓠꓬ ꓪꓽ ꓘꓴ ꓢꓲ ꓠꓬꓲ ꓙꓻ ꓫꓱꓽ ꓠ, ꓟ ꓔꓶ ꓙꓱꓼ ꓛ ꓗꓷꓳ꓿

ꓞꓳ ꓡꓱ ꓞꓳ ꓡꓯ. ꓐꓴ ꓠꓬ ꓢꓲꓽ ꓫꓬ ꓕꓳ ꓶ ꓘꓴꓽ ꓗꓪ ꓐꓰ ꓣꓴ ꓔ ꓟ ꓢꓲꓽ ꓫꓬ ꓕꓳ ꓶ ꓝꓲ. (ꓡꓴ‐ꓘ 1ꓽ19) ꓖꓳ ꓗ ꓠꓯ ꓟ‐ꓡꓲ ꓠꓬ ꓞꓼ ꓐꓰ ꓪꓽ ꓚꓲ ꓟꓵꓽ ꓗꓪ ꓟ ꓬꓴ‐ꓔ ꓡꓳ ꓒꓱ ꓕꓲ ꓟ ꓗꓪ ꓙꓰˍ ꓡꓳ꓾ ꓐꓯˍ ꓟ ꓢꓲꓽ ꓫꓬ ꓕꓳ ꓶ ꓝꓲ. ꓔꓯ ꓣꓴ ꓔ ꓟ ꓥ ꓡꓳ꓿ ꓙꓻ ꓫꓱꓽ ꓢꓲ ꓠꓬꓲ ꓪꓽ ꓘꓴˍ ꓟ ꓑꓮꓲ ꓗꓪ ꓞꓳ ꓡꓱ ꓞꓳ ꓡꓯ. (530) ꓣꓳ ꓐ ꓗꓷꓳ ꓐꓰ ꓐꓯ ꓔ ꓡꓳ꓿

ꓙꓻ ꓫꓱꓽ ꓢꓲ ꓠꓬꓲ ꓪꓽ ꓘꓴ ꓑꓮꓲ ꓗꓪ ꓐ ꓗꓷ ꓟ ꓞꓳ ꓡꓱ ꓐꓴ ꓔꓯ ꓔꓲꓺ ꓒ ꓓꓽ (Howladar) ꓡꓰ ꓟ‐ꓡꓲ ꓠꓬ ꓞꓼ ꓐꓰ ꓔꓴ ꓢꓲ ꓠꓬꓲ ꓙꓰˍ ꓟˍ ꓡꓰ ꓐꓰ ꓣꓳ ꓥ ꓟꓲ ꓣꓳ ꓬꓰ ꓠꓯ, ꓟ ꓟꓬꓱꓽ ꓔꓯ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓢꓯꓼ ꓕꓵꓼ ꓢꓲ ꓠꓬꓲ ꓬꓰ ꓠ, ꓟ ꓐꓯ ꓟ. ꓖꓶ ꓗꓷꓳ꓿

ꓝꓮꓲ ꓞꓳ ꓡꓱ ꓞꓳ ꓡꓯ. ꓐꓴ ꓔꓯ ꓟꓲ ꓠꓯ ꓗꓪ ꓮ ꓡꓰ ꓞꓳ ꓙꓳ ꓚꓱ,꓾ ꓟꓲ ꓠꓯ ꓡ ꓞꓳ ꓞꓳ ꓙꓳ ꓚꓱ,꓾ ꓬꓯꓼ ꓒꓲ. ꓔꓯ ꓮ ꓡꓰ ꓤ ꓟꓳ ꓠ, ꓟ ꓐꓯ ꓟ. ꓖꓶ ꓗꓷꓳ꓿ ꓙꓻ ꓫꓱꓽ ꓢꓲ ꓠꓬꓲ ꓪꓽ ꓘꓴ ꓑꓮꓲ ꓗꓪ ꓐ ꓢꓴ ꓐꓴ ꓥ ꓟꓲ ꓪꓴ‐ꓢ ꓠꓵꓻ ꓠꓲ, ꓔꓯ ꓢꓷ. ꓪ ꓡꓳ ꓐꓰ ꓐꓯ ꓔ ꓡꓳ꓿