Brazil ꓖꓴ ꓟꓶꓸ ꓕꓲ ꓛꓱ ꓗꓪ ꓬꓲꓻ ꓙꓬ ꓙꓵꓽ ꓟ ꓑꓶ ꓓꓴ ꓞꓳ ꓤ 20 ꓣꓳ ꓟꓽ ꓞꓲ ꓫꓵꓻ ꓡꓰ ꓟ꓾

Brazil ꓖꓴ ꓟꓶꓸ ꓕꓲ ꓛꓱ ꓗꓪ ꓬꓲꓻ ꓙꓬ ꓙꓵꓽ ꓟ ꓑꓶ ꓓꓴ ꓞꓳ ꓤ 20 ꓣꓳ ꓟꓽ ꓞꓲ ꓫꓵꓻ ꓡꓰ ꓟ꓾

Brazil ꓖꓴ ꓟꓶꓸ ꓕꓲ ꓛꓱ ꓗꓪ ꓚꓬꓚꓡꓳꓠꓰ ꓟꓲꓽ ꓦꓲ ꓕꓳꓽ ꓥꓳꓽ ꓙꓱꓼ ꓡ ꓟ ꓑꓶ ꓓꓴ ꓟꓶꓽ ꓦ ꓮ ꓘꓶꓸ ꓦ ꓟ ꓗꓪ ꓐꓰ ꓬꓲꓻ ꓙꓬ ꓙꓵꓽ ꓓꓴ ꓗꓷ ꓡꓰ ꓢꓲ꓾ ꓞꓳ ꓤ 21 ꓣꓳ ꓫꓵꓻ ꓡꓰꓳ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓔ ꓡꓳ=

ꓕꓱ ꓟꓲꓽ ꓦꓲ ꓕꓳꓽ ꓥꓳꓽ ꓠꓬ ꓗꓴꓷꓼ ꓘꓴꓽ ꓗꓪ ꓮ ꓘꓶꓸ ꓛꓲ ꓐꓬ ꓡꓰ ꓓꓴ ꓗꓷ ꓡꓰꓳ ꓐꓰ ꓗꓴꓷꓼ ꓫꓴꓺ ꓙꓵꓽ ꓢꓴ ꓡꓰ ꓐꓯ ꓔ ꓡꓳ= ꓗꓴꓷꓼ ꓫꓴꓺ ꓘꓴꓽ ꓗꓪ ꓔꓬ ꓢꓴ ꓮ ꓟꓬꓹ ꓔꓯ ꓥ ꓟꓲ ꓬꓲꓻ ꓙꓬ ꓟꓽ ꓔꓬ ꓟ ꓔꓶꓸ ꓗꓪ ꓚꓵꓸ ꓖꓶ ꓦ ꓡꓳ ꓐꓰ ꓢꓷꓸ ꓪ ꓡꓳ= ꓞꓳ ꓤ ꓵ ꓣꓳ 5000 ꓛꓲ ꓡꓰ ꓔꓬ ꓟ ꓟꓴ-ꓗꓮꓟ ꓡꓳ ꓒꓱ ꓗꓪ ꓠꓬ 85 % ꓛꓲ ꓬꓲꓻ ꓙꓬ ꓟꓶꓸ ꓡꓰ ꓟ ꓑꓶ ꓓꓴ ꓖꓳ ꓗꓪ ꓔꓬ ꓢꓴ ꓟꓬ ꓠꓬꓲ ꓔꓯ ꓔꓬ ꓦꓲꓻ ꓪꓴꓸ ꓓꓵ ꓗꓪ ꓐꓰ ꓬꓰ ꓙ ꓚꓬꓴ ꓙ ꓦ ꓟ ꓔꓯ ꓥ ꓟꓲ ꓢꓷꓸ ꓪ ꓡꓳ=

ꓖꓳ ꓡꓳ ꓒꓱ ꓗꓪ 9 ꓦ ꓟ 5 ꓠꓬꓲ ꓕꓯ ꓫꓵꓻ ꓟꓳ 15 ꓟꓳ ꓟꓳ ꓡꓰ ꓢꓲ꓾ ꓮ ꓟꓶ 21 ꓟꓳ ꓗꓪ ꓛꓲ ꓔꓬ ꓡ ꓡꓳ ꓐꓰ ꓢꓷꓸ ꓪ ꓡꓳ= ꓟꓶꓽ ꓡꓰ ꓢꓴ ꓥ ꓟꓲ ꓮ ꓟꓬꓹ ꓔꓬ ꓢꓰ ꓟ ꓑꓶ ꓓꓴ ꓫꓵꓻ ꓢꓴ ꓥ ꓟꓲ ꓟꓬ ꓡ ꓥꓳ ꓗꓴꓷꓼ ꓫꓴꓺ ꓙꓵꓽ ꓢꓴ ꓮ-ꓙꓴ-ꓣ-ꓓꓳ ꓡꓰ ꓐꓯ ꓔ ꓡꓳ꓾