California ꓡꓳ ꓒꓱ ꓗꓪ ꓐꓰ ꓗ‐ꓔꓳ‐ꓡꓲꓗ ꓔꓲꓺ ꓒ ꓓꓽ ꓠꓬ San Quentin ꓗꓪ ꓙꓳˍ ꓟ ꓐꓱ ꓓꓴꓽ ꓞꓳ ꓤ ꓢꓰꓼ ꓔꓶ. ꓗꓪ ꓙꓰ ꓗꓷ ꓟ ꓓꓳꓽ

#credit #The lethal injection room at California's San Quentin State Prison. | California Department of Corrections via Wikimedia (CC BY 2.0) #ꓞꓳ ꓤ ꓔꓯ ꓠꓯꓺ ꓞꓲꓼ ꓔꓴ. ꓢꓰꓼ ꓔꓶ.

Monday, March 13, 2023

California ꓡꓳ ꓒꓱ ꓗꓪ ꓐꓰ ꓗ‐ꓔꓳ‐ꓡꓲꓗ ꓔꓲꓺ ꓒ ꓓꓽ ꓠꓬ San Quentin ꓗꓪ ꓙꓳˍ ꓟ ꓐꓱ ꓓꓴꓽ ꓞꓳ ꓤ ꓢꓰꓼ ꓔꓶ. ꓗꓪ ꓙꓰ ꓗꓷ ꓟ ꓓꓳꓽ

3 ꓦ ꓟ 7 ꓠꓬꓲ 2023 ꓘꓳꓼ ꓕꓯ USA ꓗꓴꓷꓼ California ꓡꓳ ꓒꓱ ꓗꓪ ꓐꓰ ꓗ‐ꓔꓳ‐ꓡꓲꓗ ꓔꓲꓺ ꓒ ꓓꓽ ꓠꓬ San Quentin ꓐꓱ ꓓꓴꓽ ꓕꓳ ꓦꓲꓻ ꓗꓪ ꓝꓴꓲ ꓬꓰ ꓢꓴ ꓐꓴ ꓔꓯ ꓢꓰꓼ ꓟ ꓔꓶ. ꓗꓪ ꓙꓰ ꓗꓷ ꓟ ꓥ ꓡꓳ꓿ ꓕꓱ ꓐꓱ ꓓꓴꓽ ꓕꓳ ꓦꓲꓻ ꓗꓪ ꓠꓬ ꓝꓴꓲ ꓬꓰ ꓗꓷ ꓢꓴ ꓐꓴ ꓔꓯ ꓠꓯꓺ ꓞꓲꓼ ꓕꓴ. ꓢꓰꓼ ꓗꓷ ꓠ, ꓟ ꓡꓳ. ꓔꓬ ꓢꓴ ꓔꓯ ꓔꓲꓺ ꓒ ꓓꓽ ꓐꓴ ꓡꓰ ꓜꓲꓻ ꓗꓷ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

USA ꓗꓴꓷꓼ ꓗꓪ ꓐꓰ ꓗ‐ꓔꓳ‐ꓡꓲꓗ ꓔꓲꓺ ꓒ ꓓꓽ ꓐꓴ ꓠꓬ ꓝꓴꓲ ꓙꓳ ꓢꓴ ꓔꓯ ꓢꓰꓼ ꓟ ꓕꓳ ꓦꓲꓻ ꓗꓪ 3 ꓦ ꓘꓴꓽ ꓗꓪ ꓙꓰ ꓠ, ꓟ ꓙꓽ ꓖꓶ ꓗꓷ ꓟ ꓥ ꓡꓳ꓿ USA ꓗꓴꓷꓼ ꓗꓪ 2019 ꓘꓳꓼ ꓗꓪ ꓐꓰ ꓐꓱ ꓓꓴꓽ ꓕꓳ ꓦꓲꓻ ꓮ ꓟꓬ, ꓗꓪ ꓝꓴꓲ ꓙꓳ ꓢꓴ ꓐꓴ ꓔꓯ ꓢꓰꓼ ꓗꓷ ꓟ ꓠꓽ ꓗꓷ_ ꓡꓰ ꓟ ꓥ ꓡꓳ꓿ 1900 ꓘꓳꓼ ꓗꓪ ꓐꓰ ꓣꓱ ꓡ ꓟ San Quentin ꓐꓱ ꓓꓴꓽ ꓕꓳ ꓦꓲꓻ ꓗꓪ ꓡ ꓞꓳ ꓢꓰꓼ ꓟ ꓔꓯ ꓠꓽ ꓗꓷꓳ ꓐꓰ ꓔꓲꓺ ꓒ ꓓꓽ ꓡꓰ ꓐꓯ ꓔ ꓡꓳ꓿ ꓕꓱ ꓐꓱ ꓓꓴꓽ ꓗꓪ ꓐꓰ ꓠꓯꓺ ꓞꓲꓼ ꓕꓴ. ꓢꓰꓼ ꓠ, ꓟ ꓡ ꓞꓳ ꓐꓴ ꓠꓬ (671) ꓥ ꓡꓳ꓿

ꓖꓳ ꓡꓱ ꓥ ꓟꓲ ꓬꓲ. ꓪ ꓜꓴꓻ ꓔꓯ ꓟꓽ ꓢꓰꓼ ꓠ, ꓟ ꓔꓲꓺ ꓒ ꓓꓽ ꓐꓴ ꓡꓰ ꓐꓱ ꓓꓴꓽ ꓙꓵꓽ ꓪ ꓙꓳ ꓢꓴ ꓐꓴ ꓔꓯ ꓐꓯ ꓟ. ꓖꓶ ꓗꓷꓳ꓿

ꓔꓲꓺ ꓒ ꓓꓽ ꓡꓰ ꓫ. ꓕꓱ ꓔ ꓟ ꓠꓬ ꓟꓲ ꓠꓯ ꓧꓪ ꓖꓳꓽ ꓓꓱ ꓠꓬ ꓪꓴ‐ꓢ ꓡꓰ ꓚꓰꓼ ꓔ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓡ ꓞꓳ ꓔꓯ ꓢꓰꓼ ꓟ ꓟꓬꓱꓽ ꓠꓬ ꓮ ꓘꓶ. ꓟꓽ ꓙꓲꓻ ꓟ ꓟꓬꓱꓽ ꓥ ꓡꓳ꓿ ꓞꓳ ꓤ ꓧꓪꓽ ꓖꓳ ꓓꓱ ꓗꓪ ꓪꓴ‐ꓢ ꓔꓬ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓪꓴ‐ꓢ ꓡꓱ ꓖꓶ ꓔ ꓟ ꓡꓯꓼ ꓫꓴ ꓠꓬ ꓞꓳ ꓤ ꓠꓯꓼ ꓗꓪ ꓫꓵꓻ ꓗꓪ ꓛꓲ ꓙꓳ ꓟ ꓥ ꓡꓳ꓿

ꓗꓳ. ꓗꓷ ꓟ 2006 ꓘꓳꓼ 1 ꓦ ꓗꓪ ꓛꓲ California ꓐꓱ ꓓꓴꓽ ꓗꓪ ꓢꓰꓼ ꓗꓷ ꓢꓴ ꓑ ꓫꓬ ꓠꓬ (671) ꓣꓳ ꓥ ꓡꓳ꓿ ꓝꓮꓲ ꓴꓢꓮ ꓗꓴꓷꓼ ꓗꓪ ꓝꓴꓲ ꓙꓳ ꓢꓴ ꓐꓴ ꓔꓯ ꓢꓰꓼ ꓟ ꓠꓽ ꓐ ꓠꓬꓲ ꓐꓱꓻ ꓓꓴꓽ ꓠꓬ Florida (300) ꓣꓳ ꓥ ꓢꓲ ꓠꓬꓲ ꓠꓽ ꓐ ꓢ ꓠꓬ Texas (190) ꓣꓳ ꓔꓯ ꓐꓱ ꓓꓴꓽ ꓗꓪ ꓢꓰꓼ ꓗꓷ ꓟ ꓥ ꓡꓳ ꓐꓰ Catholic news agency ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿