Congo ꓗꓴꓷꓼ ꓗꓪ ꓬꓲꓻ ꓙꓬ ꓙꓵꓽ ꓡꓳꓽ ꓓꓳ ꓧꓳꓹ ꓟ ꓑꓶꓸ ꓓꓴ ꓞꓳ ꓤ 400 ꓣꓳ ꓟꓽ ꓞꓲꓺ ꓫꓵꓻ ꓟ

Congo ꓗꓴꓷꓼ꓾ ꓗꓲꓦꓴ ꓖꓴ ꓟꓶꓸ ꓗꓴꓷꓼ ꓫꓴ ꓗꓪ ꓗꓳꓸ ꓗꓷ ꓟ ꓕꓲ ꓠꓽ ꓗꓪ ꓬꓲꓻ ꓙꓬ ꓙꓵꓽ ꓡ ꓢꓲ ꓡꓳꓽ ꓓꓳ ꓧꓳꓹ ꓗꓷ ꓟ ꓑꓶꓸ ꓓꓴ ꓑ ꓫꓬ 400 ꓣꓳ ꓟꓽ ꓞꓲꓺ ꓫꓵꓳ꓾ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓡꓳ=

ꓗꓳꓸ ꓗꓷ ꓟ ꓕꓲ ꓠꓽ ꓗꓪ ꓟꓶꓽ ꓦ ꓓꓽ ꓟ ꓦ ꓡ ꓟ ꓑꓶꓸ ꓓꓴ ꓖꓴ ꓟꓶꓸ ꓗꓲꓦꓴ ꓗꓪ ꓟ ꓗ-ꓡꓲ-ꓦꓲ ꓟꓵꓽ ꓗꓪ ꓟ ꓐꓴꓢꓧꓴꓢꓧꓴ ꓐꓰ ꓠꓬ-ꓟꓴ-ꓘꓴ-ꓐꓲ ꓘꓹ ꓐꓴ ꓗꓪ ꓟ ꓬꓲꓻ ꓙꓬ ꓡꓳ ꓗꓪ ꓬꓲꓻ ꓙꓬ ꓐꓲ ꓡꓶꓽ ꓡꓰ ꓢꓲ ꓠꓲꓸ ꓜꓲꓽ (ꓡꓸ ꓑ ꓓꓰ) ꓒꓬꓱꓼ ꓡꓰ ꓟ ꓔꓯ ꓗꓴꓷꓼ ꓫꓴ ꓙꓵꓽ ꓢꓲꓺ ꓒ ꓔꓲ-ꓳ-ꓘ-ꓢꓲ ꓡꓰ 5 ꓦ 8 ꓠꓬꓲ ꓕꓯ ꓐꓯ ꓑꓶ ꓔ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓗ-ꓡꓲ-ꓦꓲ ꓟꓵꓽ ꓗꓪ ꓟ ꓐꓴꓢꓧꓴꓢꓧꓴ ꓐꓰ ꓠꓬ-ꓟꓴ-ꓘꓴ-ꓐꓲ ꓘꓹ ꓐꓴ ꓗꓪ ꓫꓵꓻ ꓢꓴ ꓠꓬ 401 ꓣꓳ ꓙꓳˍ ꓡꓳ꓾ ꓐꓰ ꓐꓯ ꓔ ꓡꓳ= ꓠꓲꓸ ꓜꓲꓽ (ꓡꓸ ꓑ ꓓꓰ) ꓔꓯ ꓣꓴ ꓦ ꓗꓷ ꓠꓹ ꓟ ꓙꓼ ꓟꓽ ꓙꓳ ꓟ ꓑꓶꓸ ꓓꓴ ꓖꓳ ꓗꓪ ꓟ ꓑ ꓫꓬ ꓐꓴ ꓮ ꓘꓶꓸ ꓬꓰ ꓫ ꓔꓬ ꓡꓳ= ꓫꓸ ꓓꓴ ꓙꓳ ꓔꓬ ꓟ ꓘꓴꓽ ꓗꓪ ꓬꓰ ꓙ ꓢꓴ ꓜꓴ ꓐꓴ ꓠꓬ ꓝ ꓢꓲ ꓬꓰ ꓙ ꓔꓬ ꓡꓳ꓾ ꓐꓰ ꓙꓵꓽ ꓪ ꓙꓳ ꓢꓴ ꓘ-ꓢꓲ ꓡꓰ ꓐꓯ ꓡꓳ=