Covid ꓠꓻ ꓪꓴꓸ ꓠꓬꓲ ꓲ-ꓓꓲ-ꓬ ꓗꓪ ꓟ ꓔꓲꓺ ꓒ ꓐꓴ ꓔꓲꓺ ꓟ ꓐꓴ 400 ꓣꓳ ꓟꓽ ꓛꓲꓺ ꓫꓵꓻ ꓗꓷꓳ

Covid ꓠꓻ ꓪꓴꓸ ꓠꓬꓲ ꓲ-ꓓꓲ-ꓬ ꓗꓪ ꓟ ꓔꓲꓺ ꓒ ꓐꓴ ꓔꓲꓺ ꓟ ꓐꓴ 400 ꓣꓳ ꓟꓽ ꓛꓲꓺ ꓫꓵꓻ ꓗꓷꓳ

Covid ꓠꓻ ꓪꓴꓸ ꓠꓬꓲ ꓲ-ꓓꓲ-ꓬ ꓗꓪ ꓟꓬꓽ ꓠꓬꓲ ꓠꓬ ꓡꓲꓸ ꓦ ꓐꓰ ꓥꓪꓽ ꓦ ꓗꓪ ꓗ-ꓔꓳ-ꓡꓲꓗ ꓔꓲꓺ ꓒ ꓐꓴ (205) ꓣꓳ ꓐꓰ ꓔꓲ ꓟ 210 ꓣꓳ ꓛꓲꓺ ꓫꓵꓻ ꓗꓷꓳ꓾ ꓐꓰ ꓘꓴ-ꓜꓲ-ꓞꓳ ꓕꓳꓽ ꓶ ꓓꓳꓽ ꓦ ꓖꓴ ꓪꓴꓸ ꓓꓵ ꓣꓱꓽ ꓢꓴ ꓗ-ꓑꓴ-ꓛꓰꓸ ꓔꓲꓺ ꓒ ꓢꓪ-ꓣ-ꓢꓷ-ꓟꓯꓸ-ꓔꓵꓸ ꓡꓰ ꓐꓯ ꓡꓳ=

ꓥꓪꓽ ꓦ (29) ꓠꓬꓲ ꓠꓽ-ꓛꓳꓼ-ꓠꓬꓲ ꓗꓪ ꓛꓲꓺ ꓮ ꓙꓵꓽ 415 ꓣꓳ ꓫꓵꓻ ꓗꓷ ꓟ ꓥ ꓢꓲ꓾ ꓞꓳ ꓵ ꓟꓬꓱꓺ ꓟꓽ ꓢꓷꓸ ꓟˍ ꓟꓲ ꓮ ꓟꓬꓹ ꓙꓳˍ ꓟ ꓪꓴꓸ ꓠꓬꓲ ꓮ ꓟꓶ ꓟ ꓕꓯ ꓢꓲ ꓟꓬꓽˍ ꓓꓹ ꓟ ꓾ ꓝꓮꓲ ꓝ ꓢꓲ ꓔꓲꓺ ꓒ 4 ꓣꓳˍ ꓟꓲ ꓫꓵꓻ ꓗꓷꓳ=

ꓲ-ꓓꓲ-ꓬ ꓠꓬ ꓮ ꓟꓶ ꓗꓪ Covid ꓠꓻ ꓐꓶꓽ ꓓꓲꓻ ꓙꓳ ꓢꓴ ꓟꓽ ꓓ ꓟꓬꓽˍ ꓟ ꓥ ꓢꓲ ꓫꓸ ꓙꓵꓻ ꓓꓴ ꓔꓳꓹ ꓜꓳꓽ ꓔꓬ ꓡꓳ=

ꓚꓵꓺ ꓚꓵꓺ ꓲ-ꓓꓲ-ꓬ ꓠꓬ Covid ꓠꓯꓻ ꓞꓲꓼ ꓮ ꓟꓬꓹ ꓫꓬꓹ ꓟ ꓗꓴꓷꓼ ꓘꓴꓽ ꓗꓪ ꓐꓹ ꓥ ꓟꓲ꓾ ꓮ ꓟꓶ ꓟ ꓡꓰ ꓐꓰ ꓠꓻ ꓟꓶ ꓡꓰ ꓢꓴ ꓟꓬꓽ ꓔꓬ ꓟ꓾ ꓑ ꓫꓬ ꓡ ꓞꓳ ꓐꓴ ꓠꓯꓻ ꓞꓲꓼ ꓔꓯ ꓣꓱꓽ ꓡꓳꓼ ꓠ ꓟꓽ ꓟꓶ ꓟ ꓪꓴꓸ ꓠꓬꓲ ꓗꓴꓷꓼ ꓙꓵꓽ ꓢꓲꓽ ꓒ ꓐꓴˍ ꓟꓲ ꓢꓴ ꓡꓰ ꓟꓽ ꓙꓲꓻ ꓐꓯ ꓟ ꓔꓯˍ ꓟꓲ ꓟꓶ ꓔꓬ ꓖꓴˍ ꓡꓳ=

https://bit.ly/3fyEksX