Cyclone ꓟꓲꓽ ꓦꓲ ꓕꓳꓽ ꓥꓳꓽ “ꓦ-ꓟꓴꓠꓹ” ꓪꓴꓸ ꓠꓬꓲ ꓞꓼ ꓐꓰ ꓬꓲꓻ ꓙꓬ ꓙꓵꓽ꓾ ꓡꓳꓽ ꓓꓳ ꓧꓳꓹ (ꓡꓽ ꓧꓳꓹ ꓧꓳꓹˍ ꓟ) ꓒꓬꓱꓼ ꓡˍ ꓟ ꓪꓴꓸ ꓠꓬꓲ ꓙꓽ ꓖꓶ ꓔ ꓠ ꓗꓹ ꓡꓳ꓾ ꓐꓯˍ ꓟ ꓓꓳꓽ

ꓐꓰꓠ-ꓖ-ꓡ ꓬꓲꓻ ꓡꓴꓽ ꓐꓱ ꓠꓯ ꓬꓲꓻ (ꓐꓶ ꓓꓵꓽ ꓔꓱꓹ ꓫꓵ) ꓗꓪ ꓒꓬꓱꓼ ꓔꓬ ꓟ ꓚꓬꓚꓡꓳꓠꓰ ꓟꓲꓽ ꓦꓲ ꓕꓳꓽ ꓥꓳꓽ “ꓦ-ꓟꓴꓠꓹ” (HAMOON) ꓬꓲ ꓢꓯꓼ ꓑꓶꓸ ꓓꓴ ꓟꓲꓽ ꓦꓲꓻ ꓓ ꓟ ꓙꓱꓼ ꓡˍ ꓟ꓾ ꓟꓶꓽ ꓦ ꓬꓲ ꓓ ꓟ ꓦ ꓡˍ ꓟ꓾ ꓞꓼ ꓐꓰ ꓬꓲꓻ ꓙꓬ ꓙꓵꓽ ꓡˍ ꓟ ꓐꓰ ꓕꓲ ꓡꓰꓹˍ ꓡꓳꓽ ꓓꓳ ꓧꓳꓹˍ ꓟ ꓒꓬꓱꓼ ꓡ ꓗꓴꓸˍ ꓡꓳ ꓐꓰ ꓟꓵꓽ ꓘꓳꓼ ꓔꓯ ꓟꓳꓸ ꓢꓷꓸ ꓠꓲꓹ ꓢꓷꓸ ꓢꓴ ꓐꓴ ꓡꓰ 2023 ꓘꓳꓼ 10 ꓦ꓾ 24 ꓠꓬꓲ ꓕꓯ ꓐꓯ ꓑꓶ ꓔ ꓡꓳ=

ꓟꓬ-ꓟ ꓫꓵꓽ ꓫꓵ ꓟꓳꓼ-ꓡꓳ 12ꓽ30 ꓙꓵꓹ ꓕꓯ ꓔꓯ ꓔ ꓟ ꓗꓪ ꓚꓬꓚꓡꓳꓠꓰ ꓟꓲꓽ ꓦꓲ ꓕꓳꓽ ꓥꓳꓽ “ꓦ-ꓟꓴꓠꓹ” ꓠꓬ ꓐꓶꓻ ꓓꓳ ꓖꓴ ꓪꓴꓸ ꓕꓲ ꓛꓱꓽ ꓗꓪ ꓛꓲ ꓡ ꓗꓷ ꓢꓲ꓾ ꓪ ꓜꓲ ꓬꓲ ꓢꓯꓼ ꓪꓽ ꓠꓬꓲ ꓡ ꓢꓲ ꓠꓬꓲ ꓐꓰꓠ-ꓖ-ꓡ ꓬꓲꓻ ꓡꓴꓽ ꓐꓱ ꓠꓯ ꓬꓲꓻ (ꓐꓶꓻ ꓓꓳ ꓖꓴ ꓪꓴꓸ) ꓔꓯ ꓟꓳꓸ ꓗꓪ ꓬꓲꓸ ꓢꓯꓼ ꓮ ꓘꓶꓸ ꓪꓽ ꓠꓬꓲˍ ꓟ ꓚꓬꓚꓡꓳꓠꓰ “ꓦ-ꓟꓴꓠꓹ” ꓒꓬꓱꓼ ꓡꓰ ꓟ ꓥ ꓡꓳ=

ꓕꓱ ꓡꓱ ꓬꓲ ꓢꓯꓼ ꓮ ꓘꓶꓸ ꓪꓽ ꓠꓬꓲˍ ꓟ ꓚꓬꓚꓡꓳꓠꓰ “ꓦ-ꓟꓴꓠꓹ” ꓠꓬ ꓟꓬ-ꓟ ꓗꓴꓷꓼ꓾ ꓔꓯ-ꓔꓪꓰꓹ ꓡꓳ ꓒꓱ ꓐꓶꓻ ꓓꓵꓽ ꓬꓲꓻ ꓙꓬ ꓡꓳ ꓔ 290 ꓕꓷꓹ꓾ ꓢꓲꓔꓔꓰꓪ ꓡꓳ ꓒꓱ ꓐꓶꓻ ꓓꓵꓽ ꓔꓯ ꓟꓳꓸ ꓬꓲꓻ ꓙꓬ ꓡꓳ ꓔ 190 ꓕꓷꓹ꓾ ꓟꓮꓴ-ꓔꓮꓪ ꓡꓳ ꓒꓱ ꓐꓶꓻ ꓓꓵꓽ ꓕꓲ ꓛꓱꓽ ꓬꓲꓻ ꓙꓬ ꓡꓳ ꓔ 170 ꓕꓷꓹ ꓐꓰ ꓲ-ꓓꓲ-ꓬ ꓗꓴꓷꓼ ꓑ-ꓣ-ꓓꓲ ꓡꓳ ꓒꓱ ꓐꓶꓻ ꓓꓳꓻ ꓔꓯ ꓟꓳꓸ ꓬꓲꓻ ꓙꓬ ꓡꓳ ꓔ 160 ꓕꓷꓹ꓾ ꓓꓲ-ꓖ ꓡꓳ ꓒꓱ ꓐꓶꓻ ꓓꓳ ꓖꓴ ꓟꓶꓸ ꓕꓲ ꓛꓱꓽ ꓬꓲꓻ ꓙꓬ ꓡꓳ ꓔ 150 ꓕꓷꓹ ꓛꓲ ꓐꓰ ꓓꓲ-ꓔ-ꓗꓮꓴꓹ ꓡꓳ ꓒꓱ ꓐꓶꓻ ꓓꓵꓽ ꓖꓴ ꓟꓶꓸ ꓔꓯ ꓟꓳꓸ ꓬꓲꓻ ꓙꓬ ꓡꓳ ꓔ 190 ꓕꓷ ꓛꓲ ꓗꓪ ꓟ ꓬꓲꓻ ꓡꓴꓽ ꓐꓱ ꓠꓯ ꓬꓲꓻ ꓔꓯ ꓟꓳꓸ ꓙꓱꓼ ꓩꓴ ꓡ ꓔꓬ ꓡꓳ꓾ ꓐꓰ ꓐꓯˍ ꓡꓳ=

ꓖꓳ ꓡꓱ ꓠꓬꓲ ꓮ ꓟꓴ ꓗꓪ ꓔꓬ ꓢꓴ ꓐꓴ ꓠꓬ ꓡꓳꓽ ꓓꓳ ꓧꓳꓹ ꓡ ꓟ ꓔꓯ ꓤ ꓟꓳ ꓔ ꓠꓹ ꓟ꓾ ꓬꓲꓻ ꓙꓬ ꓘꓶꓽ ꓗꓪ ꓔꓬ ꓢꓴ ꓐꓴˍ ꓟꓲ ꓬꓲꓻ ꓙꓬ ꓙꓵꓽ ꓡˍ ꓟ ꓒꓬꓱꓼ ꓡˍ ꓟ ꓑꓶꓸ ꓓꓴ ꓙꓽ ꓖꓶ ꓢꓲ ꓤ ꓟꓳ ꓔ ꓠꓹ ꓟ ꓟꓵꓽ ꓘꓳꓼ ꓔꓯ ꓟꓳꓸ ꓢꓷꓸ ꓠꓲꓹ ꓢꓷꓸ ꓢꓴ ꓐꓴ ꓡꓰ ꓐꓯ ꓑꓶ ꓔ ꓡꓳ꓾ ꓐꓰ ꓢꓷꓸ ꓪ ꓡꓳ=