Greece ꓗꓴꓷꓼ ꓖꓴ ꓪꓴ. ꓗꓪ ꓟꓵ: ꓮ ꓔꓳ. ꓙꓬꓻ ꓡ ꓟ ꓪꓴ. ꓠꓬꓲ ꓞꓳ ꓦꓲꓻ ꓮ ꓟꓬꓹ ꓦꓲꓻ ꓐꓬ ꓡꓰ ꓟ ꓓꓳ:

Greece ꓗꓴꓷꓼ ꓖꓴ ꓪꓴ. ꓗꓪ ꓟꓵ: ꓮ ꓔꓳ. ꓙꓬꓻ ꓡ ꓟ ꓪꓴ. ꓠꓬꓲ ꓞꓳ ꓦꓲꓻ ꓮ ꓟꓬꓹ ꓦꓲꓻ ꓐꓬ ꓡꓰ ꓟ ꓓꓳ: Greece ꓗꓴꓷꓼ ꓖꓴ ꓪꓴ. ꓗꓪ ꓟꓵ: ꓮ ꓔꓳ. ꓙꓬꓻ ꓡ ꓟ ꓑꓶ. ꓓꓴ ꓞꓳ ꓦꓲꓻ ꓮ ꓟꓬꓹ ꓦꓲꓻ ꓐꓬ ꓡꓰ ꓢꓲ꓾ ꓑ ꓫꓬ ꓐꓴ ꓮ ꓘꓶ. ꓫ. ꓔꓬ ꓟ ꓪꓴ. ꓠꓬꓲ Greece ꓖꓴ ꓪꓴ. ꓗꓪ ꓙꓳˍ ꓟ ꓞꓳ ꓘꓹ 5 ꓘꓹ ꓔꓯ ꓠꓱ. ꓐꓯꓼ ꓕꓲ: ꓖ ꓗꓪ ꓙꓵ: ꓪ ꓙꓳ ꓢꓴ ꓐꓴ ꓡꓰ ꓚꓵ. ꓖꓶ ꓗꓷꓳ ꓐꓰ ꓢꓷ. ꓪ ꓡꓳ= ꓕꓱ ꓡꓱ ꓟꓵ: ꓮ ꓔꓳ. ꓙꓬꓻ ꓡ ꓟ ꓑꓶ. ꓓꓴ ꓑ ꓫꓬ ꓦꓲꓻ 10 ꓦꓲꓻ ꓟ: ꓞꓲ ꓝꓮꓲ ꓪ: ꓘꓴ: ꓦꓲꓻ ꓕꓲ: ꓦꓲꓻ ꓐꓬ ꓡꓰꓳ ꓐꓰ ꓙꓵ: ꓪ ꓙꓳ ꓢꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷ. ꓪ ꓡꓳ= ꓮ ꓔꓳ. ꓙꓬꓻ ꓠ: ꓡꓰ ꓠꓹ ꓟ ꓐꓱ ꓶ ꓬꓲꓻ ꓙꓬ ꓒꓶꓹ ꓙꓱ ꓦꓲꓻ 16 ꓢꓶ꓾ ꓟꓯꓼ ꓒ ꓐꓴ ꓟ: ꓞꓲ ꓮ ꓔꓳ. ꓢꓰꓼ ꓙ ꓢꓴ ꓜꓴ ꓐꓴ ꓪ: ꓡꓯ ꓘꓳ ꓢꓲ꓾ ꓞꓳ ꓣꓳ 200 ꓣꓳ ꓡꓰ ꓢꓰꓼ ꓙ ꓗꓷ ꓢꓲ꓾ ꓮ ꓔꓳ. ꓔꓯ ꓢꓰꓼ ꓓꓻ ꓡꓰꓳ ꓐꓰ ꓢꓷ. ꓪ ꓡꓳ= ꓕꓱ ꓗꓪ ꓮ ꓔꓳ. ꓢꓰꓼ ꓙ ꓢꓴ ꓐꓰ ꓑ ꓫꓬ ꓐꓴ ꓠꓻ ꓓꓴ ꓡꓰ ꓟ ꓓꓳ: ꓔꓯ ꓠꓬ ꓟ: ꓢꓷ. ꓩꓴ ꓡ ꓢꓰ: ꓐꓰ ꓐꓯ ꓔ ꓡꓳ=