Haiti ꓟꓵꓽ ꓗꓪ ꓟ ꓔꓲ-ꓒꓽ ꓓꓽ ꓜꓴꓸꓹ ꓐꓴ ꓗꓪ ꓐꓰ ꓪꓴ-ꓢ ꓔꓯ ꓪꓽ ꓘꓴˍ ꓟ ꓐꓰ ꓫꓱꓸ ꓖꓶꓽ ꓘꓳꓼ ꓥ ꓐꓰ ꓐꓯ ꓑꓶˍ ꓟ=

Haiti ꓟꓵꓽ ꓗꓪ ꓟ ꓔꓲ-ꓒꓽ ꓓꓽ ꓜꓴꓸꓹ ꓐꓴ ꓗꓪ ꓐꓰ ꓪꓴ-ꓢ ꓔꓯ ꓪꓽ ꓘꓴˍ ꓟ ꓐꓰ ꓫꓱꓸ ꓖꓶꓽ ꓘꓳꓼ ꓥ ꓐꓰ ꓐꓯ ꓑꓶˍ ꓟ=

ꓗꓶꓽ ꓕꓴꓸ ꓗꓸ ꓟ ꓪꓴꓸ ꓠꓬꓲ ꓣꓳꓹ ꓦꓲꓸꓹ ꓗꓪ ꓗꓳꓹ ꓕꓲꓽ ꓪ ꓡꓰ ꓢꓴ꓾ Haiti ꓗꓴꓷꓼ ꓙꓵꓽ ꓢꓲꓽ ꓒꓽ ꓣꓱꓽˍ ꓟ ꓗꓪ ꓐꓰ ꓣꓴꓸꓸ ꓛꓰꓸꓸ ꓗꓷ ꓠꓹ ꓟ ꓐꓱ ꓶ ꓢꓯꓼ ꓕꓵꓼ ꓔꓬꓹ ꓟ ꓪꓴꓸ ꓠꓬꓲ ꓕꓲꓽ ꓟꓵꓽ ꓡꓱꓸꓼ ꓗꓪ ꓛꓴꓽ ꓙꓳ ꓢꓰꓼ ꓡꓯꓼ ꓘꓳ ꓓꓴ ꓓꓽ ꓟ ꓝꓸ ꓢꓲ ꓒꓬꓱꓼ ꓔꓬꓹ ꓡꓳ= ꓖꓳ ꓟ ꓔꓯ ꓦꓽ ꓐ ꓡ ꓠꓹ ꓟ Haiti ꓔꓲ-ꓒ ꓓꓽ ꓜꓴꓸꓹ ꓐꓴ ꓗꓪ ꓐꓰ ꓐꓯ ꓑꓶ ꓩꓴ ꓔ ꓟ ꓥ ꓡꓳ=

ꓗꓴꓷꓼ ꓗꓪꓼ ꓫꓵꓼ ꓟꓬꓱꓽ ꓐꓬꓸꓸ ꓡꓰ ꓔꓬꓹ ꓟ ꓔꓯ ꓪꓽ ꓘꓴˍ ꓟ ꓗꓪ ꓐꓰ꓾ ꓫꓸ ꓙꓵˍ ꓟ ꓔꓳꓹ ꓜꓳꓽ ꓢꓴ ꓐꓴ ꓘꓴ ꓓꓰꓽˍ ꓟ ꓢꓯꓼ ꓔꓯ꓾ ꓪꓴ-ꓢ ꓡꓰ ꓠꓸꓸ ꓠꓹ ꓥꓳ ꓐꓰ ꓙꓵˍ ꓟ ꓪꓴꓸ ꓠꓬꓲ ꓔꓲ-ꓒꓽ ꓓꓽ ꓐꓴ ꓗꓪ ꓐꓰ ꓪꓴꓸ ꓔꓴꓸꓹ ꓢꓲ ꓘꓴ-ꓜꓲ-ꓞꓳ ꓮ ꓙꓵꓽ ꓗꓪ ꓣꓱꓽ ꓬꓰ ꓠꓹ ꓟ꓾ ꓑ ꓫꓬꓼ ꓐꓴ ꓥꓳ ꓡꓳꓸ ꓔꓬ ꓟ ꓐꓲꓸꓸ ꓜꓲꓼ ꓢꓲ ꓡꓲˍ ꓟ ꓟꓵꓽ ꓒꓬꓱꓼ ꓡ ꓠꓹ ꓟ ꓐꓱ ꓶ꓾ ꓪꓴ-ꓢ ꓬꓲꓸ ꓠꓲꓹ ꓗꓴ ꓟꓬ ꓗꓴ ꓖꓶꓽ ꓠꓹ ꓟ ꓔꓯ ꓓꓰꓽ ꓠꓹ ꓟ ꓥꓳ ꓐꓰ꓾ ꓐꓯ ꓔ ꓡꓳ=

ꓖꓳ ꓡꓱ ꓛꓴꓽ ꓙꓳ ꓢꓰꓼ ꓡꓯꓽ ꓘꓳ ꓓꓴ ꓓꓽ ꓟ ꓪꓴꓸ ꓠꓬꓲ ꓠꓸꓹ ꓓꓴ ꓔꓳꓹ ꓜꓳꓽ ꓢꓴ 240ꓣꓳꓸꓸ ꓟꓽ ꓞꓲꓸꓹ ꓙꓳ ꓢꓲ꓾ ꓕꓲꓽ ꓐꓱꓸꓹ ꓟ ꓠꓽ ꓠꓸꓹ ꓓꓴ ꓓꓽ ꓟ ꓔꓳꓹ ꓜꓳꓽ ꓔꓬꓹ ꓡꓳꓹ ꓐꓰ꓾ ꓐꓯ ꓔ ꓡꓳ=

Add new comment

1 + 0 =

Please wait while the page is loading